U30eko grebaren aurrean pentsiodunek dituzten iritzi ezberdinak, berriro, agerian
Euskal Herriko Eskubide Sozialen Gutunak urtarrilaren 30erako deitu duen greba orokorraren aurrean iritzi ezberdinak agertu dituzte azken asteotan pentsiodunen elkarteek, eta gaur zatiketa hori agerian geratu da Bilbon eta Donostian egin dituzten agerraldi banatan.
Bizkaiko eta Arabako hainbat elkarteren izenean, Bilbon egin dute agerraldia greba orokorra babesten ez duten pentsiodunek. Besteak beste, Nagusiak, AJPD, Coespe, Agijupens, Aspalgi, Bat-Etorri, Fevaas, Gepe, Helduak, Asi, Nagusilan eta Tologorri elkarteetako eta Bilboko eta Gasteizko koordinadoretako ordezkariak bildu dira Bizkaiko hiriburuan, hedabideen aurrean euren iritzia azaltzera.
Mugimendua "ez politizatzeko" eskatu dute, eta pentsio duinen aldeko aldarriaren inguruan "hasierako batasuna" berreskuratzearen alde agertu dira.
Jose Luis Ruiz pentsiodunen eledunak esan duenez, pentsiodunen mugimendua "oso anitza" da eta "zati handi bat" ez dator bat greba deialdiarekin. Hori dela eta, pentsiodunen izenean ez hitz egiteko eskatu diete U30eko grebaren antolatzaileei.
Euren aldakarrikapena "pentsio duinak" lortzea dela eta bide horretan jarraituko dutela esan du Ruizek. Horretarako, ezinbestekotzat jo du "pentsiodunen elkarteen eta plataformen arteko batasuna".
Pentsiodunen elkarteak ez direla sindikatuak azpimarratu dute agerraldian, eta, beraz, greba deialdiak babestea ez dagokiela gaineratu dute. "Pentsiodunek langileen greba bat deitu dezaketela pentsatzea akats larria da", zehaztu dute.
Gipuzkoako pentsiodunen gehiengoa, grebarekin bat
Oso bestelako iritzia agertu dute Donostian agerraldia egin duten dozenaka pentsiodunek. Gipuzkoako pentsiodunen elkarteen gehiengoaren izenean agertu dira, datorren asteko greba orokorra babestuz eta mobilizaziorako deia eginez. Euskal Herriko Eskubide Sozialen Gutunak egindako aldarrikapenak goitik behera berresten dituztela esan dute.
Karlos Etxeberria eta Lourdes Zuñiga Alderdi Ederreko pentsiodunen mugimenduko eledunek, eta Miren Clemente Hernaniko ordezkariak hitz egin dute prentsaren aurrean. Horien arabera, Gipuzkoako 35 elkartek baino gehiagok egin dute bat greba orokorrarekin.
"Duela bi urtetik astelehenero kalera ateratzeko ditugun arrazoi berberak ditugu greba hau babesteko", esan dute.
Zure interesekoa izan daiteke
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.
Sopela eta Urduliz bizitegi-merkatuko gune tentsionatu izendatu ditu Eusko Jaurlaritzak
Bizkaiko bi udalerriek urtarrilean eta otsailean eskatu zuten izendapena, eta hiru urteko hasierako indarraldia izango du, luzatzeko aukerarekin.
Espainiako Gobernuak diesela 20 zentimo jaitsiko du irailean, uztailean prezioak gora egin ostean
KPIa lau hamarren igo da uztailean, % 3,6raino Espainia osoan, erregaien eta elektrizitatearen garestitzeak bultzatuta. EAEn, hazkundea bost hamarrenekoa izan da, % 3,7raino. Nafarroan, aldiz, zazpi hamarrenekoa, % 3,4ra arte.
HLREk Megapark merkataritza-gunea saldu dio NEPI Rockcastleri, 254 milioi euroren truke
Akordio honek, NEPI Rockcastlek Europako merkataritza-zentroen sektorean duen presentzia indartuko du, eta Bizkaian erreferentziazko aktibo nagusietako bat gehituko dio bere merkataritza-ondareari.
Euskadiko ikuskizunetako teknikariek grebari eutsi diote, lehen hitzarmen kolektiboaren negoziazioa blokeatuta dagoela salatuta
Lanuzteek abuztuaren 14an eta 26an jarraituko dute, Donostiako eta Bilboko jaiekin bat eginez.
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.