Koronabirusak ez du eraginik Makina-erremintaren Biurtekoaren antolaketan
Makina-erremintaren Biurtekoaren antolakuntzak "erabateko normaltasunez" jarraitzen du aurrera, eta koronabirusak ez du inolako eraginik antolaketan. Bilbao Exhibition Centren (BEC) maiatzaren 25etik 29ra bitartean egingo duten azokaren antolatzaileek esan dutenez, koronabirusarekin lotutako "inolako gorabeherarik gabe" ari dira lanean.
Bartzelonako Mobile azoka bertan behera utzita, BECeko iturriek EFEri esan diote Urtebikoa prestatzen ari direla bete-betean; erakusketarako gunearen % 90 baino gehiago beteta dute, dagoeneko, eta ez dute “aparteko ezer” antzeman: "Dena normaltasunez doa aurrera".
Euskadin egiten dituzten azoka guztietan garrantzitsuena da Urtebikoa. 2018an, alegia, aurreko Urtebikoan, 61 herrialdetatik iritsitako 42.000 bisitari baino gehiago izan ziren bertan.
BECeko hainbat pabiloitan izango diren erakusketarien banaketa ari dira "marrazten", "planoan"; erakusketari-zerrenda ia itxita dute. Urtebikoan, Asatik heldutako erakusketari gutxi izaten dira.
Iturri horiek, halaber, adierazi dute uste dutela Mobile azoka ez dela "osasun publikoko arrazoiengatik” bertan behera utzi; izan ere, ez dago osasun-alarmarik espainiar Estatuan. Gainera, zehaztu dutenez, "oraindik denbora luzea igaro behar da", Urtebikoa hasi arte.
Horrez gain, gogora ekarri dute nazioarteko beste saio batzuk "normaltasun osoz" ari direla egiten (esate baterako, aste honetan, BECen, MANen kamioi berriak ari dira aurkezten, munduan lehen aldiz, eta hogei bat herrialdetako bisitariak daude). Orain arte, hortaz, ez da inolako gorabeherarik izan, berretsi dutenez.
Zure interesekoa izan daiteke
Kutxa Fundazioak Elgoibarko Geminis enpresa erosi du
Lehendik erosita zuen Itziarko Gurutzpe enpresarekin batzea da operazioaren asmoa, talde indartsu baten bidez nazioartean lehiatu ahal izateko. Guztira 70 milioi euro fakturatzea espero dute.
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.
Albiste izango dira: Saretzen mugikortasunari buruzko azterlana, Osakidetzako inoizko LEP handiena eta "Mitoaroa III"
Gaurkoan Orain-en albiste izango direnen laburpena, bi hitzetan.
Nafarroak etxebizitza berrien stocka agortu zuen 2025eko amaierarako, eta Euskadik % 0,23ra murriztu zuen
Urte amaieran, 2.502 etxebizitza zeuden saldu gabe Euskal Autonomia Erkidegoan (EAE). Espainiar Estatuan, berriz, saldu gabeko etxebizitza berrien stocka 452.670 etxebizitzakoa izan zen.
Zabalik dago Tubos Reunidos erosteko interesa agertzeko epea
Hartzekodunen konkurtsoa kudeatzen duen epaileak erosketa-prozesua aktibatu du eta konkurtso-administratzaileak prozesua bideratzeko jarritako arauak onartu ditu. Lehentasuna ematen dio talde osoa saltzeari.
Ekitaldi eta ikuskizunetako teknikariek greba egingo dute berriz
“Patronalaren pasibotasunaren aurrean”, maiatzaren 15ean egin zuten bezala, greba egingo dute Bilbao BBK Liveko zein Gasteiz, Donostia eta Bilboko jaietako egun banatan.
Pirinioetako abeltzainek hartzak zaintzeko eskatu dute, horien kopurua abeltzaintza estentsiboarekin "bateragarria" izan dadin
Ezkaroze eta Aribe herrietan, etxeetatik gertu dauden eremuetan, bi hartz ikusi dituzte asteburuan. Hartza hain gertu izateak kezka zabaldu du inguruko abeltzainen artean, abere taldeetan zer ondorio izango dituen beldur.
Tubos Reunidosko langileen batzordeak konpainiaren jarraipena bermatzeko eskatu du Diputatuen Kongresuan
Amurrioko lantegiko beharginen ordezkariak Diputatuen Kongresuko hainbat talderekin bildu dira, tartean Podemos eta EH Bildurekin, legez besteko proposamen bat aurkezteko. SEPIren zorra akzio bihurtzea eskatu dute, jarduera eta enplegua bermatzeko, hala nola plan industrial bat eta bankuei laguntzeko neurriak hartu ditzatela, besteak beste, BBVAri, akziodun eta hartzekodun gisa. Tubos Reunidosek 263 milioi euroko zorra duen hartzekodunen konkurtso bati aurre egin behar dio.