Ostiral honetan zabalduko da Hezkuntzako LEPerako eskaerak aurkezteko epea
Hezkuntzako 2020ko Lan Eskaintza Publikorako eskabideak aurkezteko epea ostiral honetan, otsailaren 28an, irekiko da, eta martxoaren 18ra arte egongo da zabalik, Euskal Herriko Agintaritzaren Aldizkariak ostegun honetan argitaratu duenez.
Guztira, 1.148 lanpostu betetzeko deialdia egin du Eusko Jaurlaritzako Hezkuntza Sailak: 1.021 plaza Bigarren Hezkuntzako irakasleentzat izango dira eta 127 plaza Lanbide Heziketako irakasle teknikoentzat.
Apirilaren 29tik maiatzaren 11ra bitartean, hautagaiek programazio didaktikoa aurkezteko epea zabalduko da, eta apirilaren 29a eta maiatzaren 11 bitartean merituak aurkezteko txanda izango da.
Oposizio aldiko bi probetako lehena ekainaren 20an egingo da, larunbatez, Barakaldon, Bilbao Exhibition Centren. Lehen proba hori kanporatzailea izango da, eta bi zati izango ditu. Horietan lehenean izangaiek idatziz garatu beharko dute euren espezialitateari dagokion gai zerrendako gai bat. Jarraian, kasu praktiko bat idatziz garatu beharko dute, hau ere espezialitatearekin lotura estukoa.
Lehen proba gainditzen duten izangaiak bigarren fasera pasatuko dira. Epaimahaiaren aurrean programazio didaktikoa aurkeztu eta defendatu beharko dute (aurrez, maiatzean, entregatu behar izan duten programazio didaktikoa).
2020an zehar gauzatuko den hautapen prozesurako deialdiak jarraipena ematen die 2015etik hezkuntza arloan "etengabe eta urtero gertatu diren" aurreko deialdiei. Horrela, Hezkuntza Sailak legealdi honetarako harturiko bi konpromisoak bete ditu: batetik, urtero lan eskaintza publiko bat egitekoa, eta, bestetik, legealdian gutxienez 5.000 plaza eskaintzekoa (azkenean, legealdi honetan 5.294 plaza eskainiko dira).
"Lan eskaintza publikoek, kalitatezko enplegua sortzeaz gain, Euskal Hezkuntza Sisteman diharduten irakasleei lan egonkortasun handiagoa ere eskaintzen die. Egonkortasun horrek, aldi berean, sendoago bihurtzen du hezkuntza sistema, irakaskuntzaren kalitatean ere eraginez", ziurtatu dute Hezkuntza Sailetik.
Indarrean den araudiak baimentzen dituen plaza guztiak eskainiko ditu Hezkuntza Sailak deialdi honetan. Aurrekoetan bezala, segurtasun eta berme juridikoa lehenesten dira eskaintza honetan ere, prestatzeko ahalegina egiten duten irakasleen lana baloratzeko asmoz. Hezkuntza administrazioaren nahia da "behin-behinekotasun tasa jaisten jarraitzea" legealdi honetan zehar.
Cristina Uriarte sailburuak zuzentzen duen sailak 1.021 plaza eskainiko ditu Bigarren Hezkuntzan, ikasgai hauetarako: Filosofia (45), Latina (5), Gaztelania (115), Geografia eta Historia (116), Matematika (147), Fisika eta Kimika (81), Biologia eta Geologia (44), Marrazkigintza (32), Frantsesa (18), Ingelesa (14), Musika (9), Gorputz Heziketa (35), Hezkuntza Orientazioa (36), Aholkularitza eta irudi pertsonaleko prozesuak (5), Eraikuntza (8), Lan-prestakuntza eta lan-orientazioa (26), Ostalaritza eta turismoa (8), Esku-hartze soziokomunitarioa (12), Merkataritza antolamendua eta kudeaketa (13), Ibilgailuen antolaketa eta mantentze-prozesuak (15), Fabrikazio mekanikoko prozesuak eta antolamendua (49), Osasun-prozesuak (17), Akuikultura-hazkuntzako prozesuak (6), Sistema elektronikoak (12) eta Sistema elektroteknikoak eta automatikoak (22).
127, Lanbide Heziketako irakasle teknikoen kidegoan
Sukaldaritza eta gozogintza (13), Estetika (7), Zurgintza eta altzarien fabrikazioa eta instalazioa (7), Ibilgailuen mantentze lanak (14), Makinen mekanizazio eta mantentzea (68), Ile-apainketa (6) eta Soldadura (12).
Zure interesekoa izan daiteke
Inoizko mahats bilketarik goiztiarrena egin dute Arabako Errioxan, klima aldaketak eraginda
Tenperatura altuak izan dira eta ez du ia euririk egin. Horren ondorioz, apenas egon da onddoek eragindako gaixotasunik, eta mahatsaren kalitatea "bikaina" da. Ifrentzuan, baldintza meteorologikoek alkohol graduazioa igoarazi dute; "upategian konpentsatu beharko dute hori", azaldu dute.
Bateriekin izandako intzidentzia batek auto elektrikoen ekoizpena geldiarazi du Nafarroako Volkswagenen
Hornitzaileak arazoa konpondu du eta normaltasunez ekoizten ari da; hortaz, Nafarroako Volkswagenek jarduerari "berehala" ekitea espero du.
CCOOk Pradalesi hainbat eskumenen aurrean dituen "zuhurtziak" azaldu dizkio, langile askori eragiten dietelako
CCOO Euskadiko idazkari nagusi Santiago Martinezek Gernikako Estatutua oso-osorik betetzearen alde egin du lehendakariaren aurrean, baina "zuhurtzia" agertu du eskumen-transferentzia batzuen aurrean, hala nola FOGASAren edo pentsioen ingurukoen aurrean; izan ere, langile askori eragiten diete, eta, azpimarratu duenez, "ondo egin behar dira".
UGTk enpresen irabaziak soldatetara bideratzeko eskatu dio Pradalesi
UGT Euskadiko batzorde kudeatzaileko presidente Jose Manuel «Tximi» Lopezek enpresa handien irabaziak langileen soldatetan islatu behar direla defendatu du Imanol Pradales lehendakariaren aurrean, eta Eusko Jaurlaritzari eskatu dio bitartekari lanak egin ditzala euskal patronala hitzarmenen bidezko gutxieneko soldata interprofesionala negoziatzera esertzeko.
Ondarroako arraste flota: "Gasolioaren prezioarekin itsasora irteteak diru galera dakar"
Gasolio profesionala % 227 garestitu da otsailetik, eta Ondarroako Alturako Arrantza Ekoizleen Elkarteak salatu duenez, igoera hori arrantzaleek asumitu behar dute, handizkariak finkatzen duelako arrainaren erosketa-prezioa.
Gazteentzako hipotekak: zer hartu kontuan sinatu aurretik eta zer dira Gazteaval laguntzak?
EKA kontsumitzaileen elkarteak gutxienez hiru edo lau banketxeren eskaintzak alderatzea, presarik ez izatea eta Urteko Tasa Baliokideari, lotutako produktuei eta benetako ordainketa-ahalmenari erreparatzea gomendatzen du. Gazteaval programari esker, gainera, zenbait kasutan etxebizitzaren balioaren % 80tik gorako finantzaketa lor daiteke.
Bizkaiko Foru Aldundiak arau fiskal berriaren proiektua onartu du, EAJren botoekin eta PSE-EEren abstentzioarekin
Foru erakundearen arabera, EAJk eta PSE-EEk "gutxieneko akordioa" lortu dute, eta testua Batzar Nagusietara bidaliko dute, Legebiltzarrean izapidetzen hasteko.
Hipotekak 600 euro baino gehiago garestituko dira urtean, maileguan hartutako 100.000 euro bakoitzeko
ASUFINen arabera, euriborra % 3,2an kokatuko da irailean, eta tasa aldakorreko hipotekak garestituko ditu.
EBZk tasak % 2,5era igo ditu eta inflazioak epe luzean altu jarraituko duela ohartarazi du
Erakundeak hiru tasa ofizialak 25 oinarri-puntutan igo ditu, urteko bigarren igoeran, prezioen gorakadaren ondorioz.
"Eusko Jaurlaritzak ez du Osakidetzaren kolektibo guztien egoera hobetzeko borondaterik"
SATSE, ELA, LAB, CCOO eta UGT sindikatuek bost greba egun iragarri dituzte urritik abendura bitartean, Osakidetzako kolektibo guztientzako lan-baldintza hobeak eta "benetako edukiak dituen benetako negoziazioa" aldarrikatzeko.