Tabakoaren BEZa igo eta emakumeen higienerako produktuena jaitsiko du Espainiak
PSOEk eta Unidas Podemosek adostu berri duten erreforma fiskalak tabakoaren eta apustu etxeen gaineko BEZa igotzea aurreikusten du, Txema Guijarro Unidas Podemoseko diputatuak ostegun honetan jakinarazi duenez. Horrez gain, emakumeentzako higiene produktuei eta albaitaritza zerbitzuei zeharkako zerga jaitsi nahi die koalizio-gobernuak.
Hala ziurtatu du Guijarrok, Kongresuan aurrekontu egonkortasunerako eta gastu ez finantzarioaren mugari buruz goizean egindako saioan. Izan ere, 2020ko Estatuko Aurrekontu Orokorrak onartu aurretik 'gastu-sabaia' eta defizit helburuak adostu behar dira.
Guijarrok nabarmendu duenez, "PSOEk eta Unidas Podemosek erreforma fiskalerako hitzartutako neurri ekonomikoen helburua justizia fiskalari berrekitea da, herrialdeak aspaldi galdu zuen bideari berriro ekiteko".
Zuzeneko zergei dagokienez, erreforma fiskalak Pertsona Fisikoen Errentaren gaineko Zergaren (PFEZ) azken zatia igoko du koalizio-gobernuak, eta Sozietateenak harmonizatuko ditu, enpresa txiki eta ertainei ezartzen zaien tasa murriztuz.
Dena dela, aldaketa nagusiak zeharkako zergetan izango direla jakinarazi du Guijarrok, "produktu eta zerbitzu jakin batzuei" BEZa igoko dietelako, hala nola, tabakoari eta apustu etxeei. Dena dela, beste produktu batzuei zeharkako zerga hori murriztuko diete, adibidez emakumeentzako higiene produktuei eta albaitaritza zerbitzuei.
Gauzak horrela, baliteke emakumezkoen produktuen BEZa % 10etik % 4ra jaistea, eta albaitari zerbitzuena % 21etik % 10era. Tabakoaren gaineko BEZaren aldaketak, berriz, ez dira PSOEk eta Unidas Podemosek koalizio-gobernua osatzeko adostu zuten akordioan ageri.
Neurri horiekin batera, zerbitzu digital jakin batzuei ('Google Tasa') eta finantza transakzioei ('Tobin Tasa') zerga berriak ezarriko dizkietela gogora ekarri du Unidas Podemoseko diputatuak.
Zure interesekoa izan daiteke
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.
Sopela eta Urduliz bizitegi-merkatuko gune tentsionatu izendatu ditu Eusko Jaurlaritzak
Bizkaiko bi udalerriek urtarrilean eta otsailean eskatu zuten izendapena, eta hiru urteko hasierako indarraldia izango du, luzatzeko aukerarekin.
Espainiako Gobernuak diesela 20 zentimo jaitsiko du irailean, uztailean prezioak gora egin ostean
KPIa lau hamarren igo da uztailean, % 3,6raino Espainia osoan, erregaien eta elektrizitatearen garestitzeak bultzatuta. EAEn, hazkundea bost hamarrenekoa izan da, % 3,7raino. Nafarroan, aldiz, zazpi hamarrenekoa, % 3,4ra arte.
HLREk Megapark merkataritza-gunea saldu dio NEPI Rockcastleri, 254 milioi euroren truke
Akordio honek, NEPI Rockcastlek Europako merkataritza-zentroen sektorean duen presentzia indartuko du, eta Bizkaian erreferentziazko aktibo nagusietako bat gehituko dio bere merkataritza-ondareari.
Euskadiko ikuskizunetako teknikariek grebari eutsi diote, lehen hitzarmen kolektiboaren negoziazioa blokeatuta dagoela salatuta
Lanuzteek abuztuaren 14an eta 26an jarraituko dute, Donostiako eta Bilboko jaiekin bat eginez.
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.