Koronabirusaren krisiak 17.000 lanpostu suntsituko ditu eta BPG % 3,6 jaitsiko du
Koronabirusaren krisiak 17.000 lanpostu suntzituko ditu Euskadin eta Barne Produktu Gordina (BPG) % 3,6 murriztea eragingo du, Pedro Azpiazu Ekonomia eta Ogasun sailburuak aditzera emandako datuen arabera. 2021n, berriz, joera goitik behera aldatzea espero dute: aurreikuspenek diote 15.000 lanpostu sortuko direla eta BPGk % 2,6ko hazkundea izango duela.
Pandemiaren aurretik, Jaurlaritzak BPG % 1,9 haztea espero zuen eta 11.500 lanpostu berri sortzea, langabezia tasa % 9,6an utziz.
Azpiazuk azaldu duenez, egungo alarma eta osasun larrialdi egoerak “osasun arloko gastua finantzatzea posible egingo duen eta enpresak eta pertsonak jasaten ari diren larrialdi egoerari erantzungo dion estrategia ekonomikoa behar du, premiaz”.
Jaurlaritzak "oso argi dauka" ezinbestekoa dela Covid-19aren bilakaeraren arabera eman daitezkeen agertokiei aurrea hartzea.
Horretarako, arlo ezberdinetan eragina izango duten erabakiak hartu dira, hiru alorretan:
-Sektore publikoaren likidezia, enpresen likidezia bultzatzeko tributu arloan hartu diren neurriak direla eta.
-Diru-sarrerak, ekonomiaren bilakaera eta erantzuteko malgutasuna kontuan izanda.
-Gastu publikoari buruzko erabakiak.
Hartutako neurriak
Hori guztia aurrera eramateko, Jaurlaritzak zenbait neurri hartu ditu: Martxoaren 17an 300 milioi euroko Covid-19 programa egokitzea, beste 200 milioitan handitzeko aukerarekin, zirkulagarriaren 0 intereseko 525 milioiko finantzaketa-lerroak aktibatzea eta defizita eta zor publikoa handitzea, jarduera ekonomikoa gehiago eroriz gero.
Jakitera emandako datuen artean, badaude beste batzuk deigarriak direnak: etxeetako kontsumoan 4,4 puntuko beherapena emango dela urtean batez beste, eta inbertsioek ere behera egingo dutela, 4,1 puntu. Gora egingo duen balio bakarra kontsumo publikoa izango da, 4,6 puntu, ekonomiaren egonkortzaile automatikoek eta gastu publikoa handitzeko ezohiko neurriek, osasun arlokoek, besteak beste, eta konfinamenduaren ondorioak arintzeko ezarritakoek bultzatuta.
Zure interesekoa izan daiteke
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELA, LAB eta ESK sindikatuek, grebarekin jarraitzearen aldekoek, bozketa zilegi den zalantzan jarri dute.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.
Apirilean, 3.368 langabe gutxiago zenbatu dituzte EAEn, eta 833 gutxiago, Nafarroan
Urtearteko datuak alderatuta, langabeziak behera egin du bai EAEn (-3.006) eta baita Nafarroan ere (-588).
Tubos Reunidosek hartzekodunen konkurtsoa aurkeztu du
Enpresak maiatzaren 6an bilera egingo du Trapagaran eta Amurrioko langile batzordeekin. Bestalde, Amurrioko greba mugagabearekin jarraitu ala ez erabakitzeko asanblada egin ahal izateko beharrezkoak ziren 235 sinadurak aurkeztu dituzte Lan Ikuskaritzaren aurrean.
Medikuek mahai sektoriala eratzea eskatu dute, “Osakidetzaren egitura aldatzeko”
Salatu dutenez, lanean jasaten duten "gainkargak" etengabe luzatzen diren "agenda txikle" deritzonak eragiten dizkie, eta horrek haien osasunerako kaltegarria da.
Gipuzkoan, hiru kontrataziotik bi goi-mailako ikasketak dutenek beteko dituzte
Unibertsitatera joan direnek zein graduondoa dutenek kontratuen % 47 biltzen dute, eta bereziki nabarmentzekoa da STEM profilen eskaera handia. Nolanahi ere, kontratazioa aurreikusten duten enpresa guztiek diote zailtasunak dituztela langileak aurkitzeko eta lanpostuak betetzeko.