EAEko herritarren % 56,2ren ustez, krisiak bereziki saltoki handiak indartuko ditu

Galdetutakoen % 34,5en iritziz, aldiz, pandemiak saltoki txikiak indartuko ditu, EiTB Focusen arabera. Gainera, herritarren % 34,8 beldur dira, uste dutelako lana galtzeko arriskua dutela.

Krisiak bereziki merkataritza-zentroak indartuko ditu, herritarren % 56,2ren iritziz.

EiTB.EUS

2020/04/17 - 14:59

Azken eguneratzea

2020/04/17 - 14:59

Euskal Autonomia Erkidegoko herritarren % 56,2k uste dute koronabirusaren krisiak bereziki saltoki handiak indartuko dituela, behar-beharrezko produktuak erosteko premiagatik, eta ez horrenbeste saltoki txikiak; % 34,5ek, berriz, pentsatzen dute pandemiak saltoki txikiak indartuko dituela, hogeigarren EiTB Focusen bigarren partearen arabera. Halaber, herritarren % 34,8 beldur dira, uste dutelako lana galtzeko arriskua dutela.

EiTB Focusek, alegia, EiTB Taldeko makroinkestak, COVID-19 gaitzak Euskadin izandako eragina du hizpide, berriro . Lehen partean (ostegunean argitaratu ziren emaitzak) ondorioztatu zuen EAEko herritarren % 68k uste dutela konfinamendua apirilaren 26tik aurrera luzatzea "egokia" izango litzatekeela; egun horretan bertan da amaitzekoa egun indarrean dagoen alarma-egoera, eta Espainiako Gobernuak ez du argitu, oraingoz, Diputatuen Kongresuan beste luzapen bat eskatuko duen ala ez.

Testuinguru horretan, inkestatuen % 56,2ren iritziz, koronabirusaren krisiak bereziki saltoki handiak indartuko ditu, alegia, merkataritza-zentroak. Herritarren % 34,5ek, baina, erantzun dute batez ere saltoki txikiak irtengo direla indartuta krisi honetatik.

Saltoki handiak ala saltoki txikiak

Euskadiko herritarren % 34,8 lana galtzeko beldur dira, eta % 60,8k, aldiz, adierazi dute ez direla horren beldur. Hemeretzigarren EiTB Focusen (martxoan argitaratu ziren emaitzak, eta COVID-19aren eragina izan zuen hark ere hizpide), antzeko emaitzak izan ziren: herritarren % 35 lana galtzeko beldur ziren, eta % 62,2, ez.

Lana galtzeko beldurrik ala ez

Pandemiari aurre egiteko moduaz galdetuta, Espainiako Gobernuaren kudeaketa "ona" da, EAEko herritarren % 36,6ren esanetan; % 29,8ren iritziz, "hala moduzkoa" da, eta % 18,5k uste dute "txarra" dela. 5,27ko batez besteko nota eman diote. Eusko Jaurlaritzaren kudeaketari dagokionez, % 51,7k esan dute kudeaketa "ona" ari dela egiten, eta % 27k, "hala moduzkoa" dela; % 5,4ren hitzetan, "txarra" da. Inkestatuek, batez beste, 6,57ko nota eman diote Jaurlaritzari.

Gobernuen kudeaketa pandemian

Konfinamendua hasi zenetik hilabete igarota, herritarrek 6,74ko nota eman diote euren gogo-aldarteari. Martxoko nota pixka bat altuagoa zen: 7,01. Nabarmentzekoa da 65 urtetik gorako herritarrek eman diotela notarik altuena euren gogo-aldarteari: 7,08, hain zuzen ere.

Gogo-aldartearen balorazioa

Bestalde, koronabirusaren krisiak familia-balioak indartuko ditu euskal etxeetan, inkestatuen % 73,4ren iritziz.

Familia-balioak indartuta ala ez

Herritarren % 27,5ek esan dute konfinamenduaren neurriak hausten ari den norbait ezagutzen dutela, eta % 67,2k, berriz, erantzun dute ez dutela ezagutzen hori egiten ari den inor. Hemeretzigarren EiTB Focuseko emaitzak antzekoak ziren; izan ere, duela aste batzuk, % 29,6k esan zuten ezagutzen zutela etxean egoteko agindua betetzen ari ez zen norbait.

Konfinamendua hausten ari den norbait

EAEko herritarren % 35,4ren esanetan, ETB2 da kanal fidagarriena krisiaren gaineko informazioa jasotzeko. % 9,9k ETB1 kokatu dute zerrenda horretako lehen postuan. Guztira, % 45,3k ipini dute ETB lehen postuan.

katerik fidagarriena

Halaber, EiTB krisian ematen ari den informazioak 7,16ko nota merezi du, inkestatuen iritziz.

EiTBrentzako nota

FITXA TEKNIKOA

LAGINA

Gizakerrek EiTBren informazio-zerbitzuetarako egindako inkesta EAEn bizi diren 400 pertsona elkarrizketatuta egin da (Arabako 125, Bizkaiko 150 eta Gipuzkoako 125).

La= ±% 4,90, konfiantza-maila % 95, p=q=0´5, EAEko datuetarako.

Inkesta hori egiteko hautatutako udalen populazio-tamainagatik haztatutako erabateko emaitzak dira.

LANDA-LANA

Landa-lana 2020ko apirilaren 13an eta 14an egin zuten, elkarrizketak telefonoz eginez. Galdeketen batez besteko iraupena 5,66’ izan zen: motzenak 3 minutu iraun zuen, eta luzeenak, 13 minutu.

Kontuan izan osasun agintariek koronabirusaren aurrean eman dituzten aholkuak. Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu arren, agintariek emandakoei bakarrik egin kasu. Gaitzaren sintomarik baduzu, EAEn bizi bazara, ohiko zure osasun-zentrora deitu. Era berean, zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, Osasun Batzordearen telefonora dei dezakezu: 948 290 290. Gogoratu, COVID-19 gaitza ez hedatzeko modurik eraginkorrena eskuak sarri garbitzea dela; ahoa estaltzeko maskarak gomendagarriak dira sintomak badituzu edo adineko pertsonekin edo immunodeprimituekin harremanetan bazaude, edo eta garraio publikoa erabiltzen baduzu. Dena dela, horien erabilera ez da derrigorrezkoa.

Zure interesekoa izan daiteke

Balenciaga ontziolako langileek atzera bota dute Abu Dhabi Ports talde arabiarraren azken eskaintza

Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.

Talgoren erosketaren ondoren, partzuergoko kideek Rivabellosako fabrika bisitatuko dute

Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.

Petronorreko greba bertan behera, enpresak bide judizialari uko egin ostean

Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.

Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko

Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.

EAEko ekonomiaren hazkundea % 2,1ekoa izango da datorren urtean, Confebasken arabera

Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.

Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik

Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.

Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako

Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.

Medikuen protesta Gurutzetako Ospitalean

Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute

CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.

Carcasonne (France), 17/12/2025.- Farmers stage a protest on the A61 highway against the slaughter of entire herds amid rising concerns over lumpy skin disease outbreaks across the country, in Carcassonne, France, 17 December 2025. French authorities decided to slaughter entire cattle herds if a case of lumpy skin disease was detected, a decision criticized by the farmers already hit by export bans and severe economic losses. Several outbreaks of lumpy skin disease have been detected in France over the last months. The virus spread by insects affects cattle and buffalo but causes no risks to human health. (Protestas, Francia, Búfalo) EFE/EPA/GUILLAUME HORCAJUELO

Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko

Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.

ELA, LAB y Steilas piden que se garantice el derecho a trabajar y ofrecer el servicio en euskera en el sector público

ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute

Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.