Ekainean eta uztailean 7 larunbatetan lan egitea proposatu du Mercedesek
Mercedesek Gasteizen duen lantegiko zuzendaritzak ekaineko lau larunbatetan eta uztaileko hirutan lan egitea proposatu die langileei, baita abuztuko oporren zati bat aldatzea ere, hilabete horretan enpresak bi astez lanean jarraituko lukeelako.
Horiexek dira zuzendaritzak fabrikako enpresa batzordeari helarazi dizkion proposamenetako batzuk. Joan den apirilaren 27an enpresak jarduerari ekin zion pixkanaka, langileen heren bat baino gehixeagorekin, martxoaren 16tik koronabirusaren pandemia dela-eta geldirik egon ondoren.
Zuzendaritzak, duela egun batzuk baieztatu zuenez, langileen ordezkariei jakinarazi die Vito eta Clase V furgoneten ekoizpena 129.700 unitatetan finkatu dela aurten, urtearen hasieran aurreikusitakoak baino 30.000 gutxiago.
Igor Guevara batzordeko presidenteak azaldu duenez, zuzendaritzak lan-egutegi berria adostu du datozen hilabeteetarako, eta horren arabera, ekaineko lau larunbatetan eta uztaileko hirutan (4, 11 eta 18 egunetan) lanaldiak egokituko dituzte.
Gainera, hasiera batean oporrak abuzturako aurreikusita bazeuden ere, aurreikuspen horiek aldatzea erabaki dute. Hala, hilabete horretan bi astez jarraituko du aktibo ekoizpenak, abuztuaren 10etik 23ra bitartean.
Enpresaren planteamenduaren arabera, oporrak abuztuko lehen eta azken astean eta iraileko lehen bietan hartuko dira.
Enpresak batzordeari jakinarazi dionez, aurreikusitako ekoizpenera iritsi ahal izateko beste 7 larunbatetan lan egin beharko litzateke irailetik aurrera. Halere, munduko ekonomiaren eta automobilgintzaren sektorearen egoera dela eta, "ziurgabetasun handia dago" Daimlerren kanpoko hornitzaileek piezak hornitzeko duten gaitasunari eta salmentei dagokienez.
Zure interesekoa izan daiteke
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELA, LAB eta ESK sindikatuek, grebarekin jarraitzearen aldekoek, bozketa zilegi den zalantzan jarri dute.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.
Apirilean, 3.368 langabe gutxiago zenbatu dituzte EAEn, eta 833 gutxiago, Nafarroan
Urtearteko datuak alderatuta, langabeziak behera egin du bai EAEn (-3.006) eta baita Nafarroan ere (-588).
Tubos Reunidosek hartzekodunen konkurtsoa aurkeztu du
Enpresak maiatzaren 6an bilera egingo du Trapagaran eta Amurrioko langile batzordeekin. Bestalde, Amurrioko greba mugagabearekin jarraitu ala ez erabakitzeko asanblada egin ahal izateko beharrezkoak ziren 235 sinadurak aurkeztu dituzte Lan Ikuskaritzaren aurrean.
Medikuek mahai sektoriala eratzea eskatu dute, “Osakidetzaren egitura aldatzeko”
Salatu dutenez, lanean jasaten duten "gainkargak" etengabe luzatzen diren "agenda txikle" deritzonak eragiten dizkie, eta horrek haien osasunerako kaltegarria da.
Gipuzkoan, hiru kontrataziotik bi goi-mailako ikasketak dutenek beteko dituzte
Unibertsitatera joan direnek zein graduondoa dutenek kontratuen % 47 biltzen dute, eta bereziki nabarmentzekoa da STEM profilen eskaera handia. Nolanahi ere, kontratazioa aurreikusten duten enpresa guztiek diote zailtasunak dituztela langileak aurkitzeko eta lanpostuak betetzeko.