Yolanda Diazek bide eman dio lan erregulazioak urte amaierara arte luzatzeko aukerari
Yolanda Diaz Espainiako Gobernuko Lan eta Gizarte Ekonomia ministroak gaur, asteazkenarekin, esan duenez, “dudarik gabe” zabalik du aldi baterako lan erregulazioak urte amaierara arte luzatzeko aukera, hala behar duten sektoreetan.
“Gaur egun, agerikoa da enpresak eta langileak luzatzearen aldekoak direla. Sektore arteko batzordearen jarduna bukatutakoan, bidaia orri bat izango dugu eskura eta jakingo dugu zein sektorek beharko duten laguntza hau ekainaren 30az haraindi. Ezbairik gabe, uste osoa dut zoritxarrez sektore batzuek beharko dutela”, azaldu du ministroak RNE irrati katean.
Diazen hitzetan, aldi baterako lan erregulazioak aplikatu ezean, enpleguaren suntsiketa masiboa izango zen Espainian eta egoera “oso larria” zatekeen.
Diazek esan du aldi baterako lan erregulazioek 3 milioi langile babestu dituztela Espainian, 10 milioi Alemanian eta 8 milioi Italian.
Horrez gain, aldi baterako lan erregulazioetako langabezia sariak “ia ordainduta” daudela adierazi du. Langabeziaren faktura jasangarria ote den galdetuta, jasangarria izango ez litzatekeena pertsona horiek langabezia babesik gabe izatea izango zela azpimarratu du ministroak.
Espainiako Gobernuak lan erreforman egin nahi dituen aldaketei dagokienez, Diazek esan du pandemiak lan arloan utzi dituen datuek agerian utzi dutela “ezinbestekoa” dela Espainiako lan legedia aldatzea, arau batzuek “goitik behera prekarizatu dutelako lan merkatua” eta behin-behineko kontratazioa “larriagotu” dutelako.
Halaber, Diazek gogora ekarri du Exekutiboa “laster” argitaratuko duten legedia lantzen ari dela: telelana arautuko dute eta plataforma digitaletako langileei, hala nola “riderrei”, gizarte babesa emango diete.
Zure interesekoa izan daiteke
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuaren eta UAGA Arabako nekazarien elkartearen ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.