Lan-erregulazioko laguntzak uztailaren bigarren hamabostalditik eskatu ahalko dira
Lanbide Euskal Enplegu Zerbitzuaren Administrazio Kontseiluak aparteko laguntzen deialdia onetsi du gaur, covid-19aren ondoriozko aldi baterako lan-erregulazioko espediente baxuenak dituzten langileentzat, patronalak, sindikatuek eta Jaurlaritzak Gizarte Elkarrizketarako Mahaiaren Enplegu Taldean adostu zuten bezala. Deialdi horrek laguntza horietara jotzeko bete behar diren baldintzak arautu eta haiek eskatzeko mekanismoa ezartzen du.
Zehazki, Lanbideren web-orrian (lanbide.euskadi.eus) inprimaki bat gaituko da, online, eta hori izango da bide bakarra eskabidea egiteko. Inprimakia telematikoki bete ahalko da eta ez da identifikazio elektronikorik sartu beharko; hala, edozein gailutik bete ahalko da. Erabaki denaren arabera, eskabideak aurkezteko epea deialdia Euskal Herriko Agintaritzaren Aldizkarian argitaratu eta hurrengo egunetik aurrera hasiko da, eta 2020ko urriaren 20an amaitu. Argitalpen hori uztaileko bigarren hamabostaldian egitea aurreikusten da.
Onuradunei diru-laguntza hilero ordainduko zaie, hura eman ondoren, baina, aurretik, ofizioz egiaztatuko ditu Euskal Enplegu Zerbitzuak aldi horretan eskatzaile bakoitzari aitortutako langabeziagatiko prestazioaren iraupena eta zenbatekoa.
Lanbidek 15,46 milioi euroko aurrekontua du deialdi horri aurre egiteko. Ekainaren amaieran, 37.000 pertsona inguru zeuden aldi baterako lan-erregulazio egoeran eta betetzen zuten, a priori, laguntza horretara jotzeko eskakizun ekonomikoa.
Deialdia uztailean, abuztuan eta irailean lan-erregulazio egoeran dauden eta urtean 20.000 eurotik beherako kotizazio-oinarria duten pertsonei zuzentzen zaie. Zehazki, hilean 150 euroko langabeziagatiko prestaziorako osagarria sortu da % 50etik gorako lanaldia duten pertsonentzat, eta hilean 100 eurokoa, % 50etik beherako lanaldia dutenentzat.
Borja Belandia Lanbideko zuzendari nagusiak honako hau esan du: "Neurri horrek EAEko Gizarte Elkarrizketarako Mahaian du jatorria; hark erabaki du, Urkullu Lehendakariak proposatuta, ABEEE egoeran egon eta kalteberak diren pertsonak babestea". Hori dela eta, "normaltasuna pixkanaka berreskuratzeko fase horretan, enplegua sendotzeko neurriekin batera, soldata baxuenak dituzten langileen langabeziagatiko prestaziorako osagarri hori sortzearen aldeko apustua egin da, zati batean errenten murrizketa arintzeko eta, ahal den neurrian, beren beharrei erantzuteko besteko bizitza-mailari eusten lagundu ahal izateko".
Laguntza horiek pasa den ekainaren 18an adostu zituzten Gizarte Elkarrizketarako Mahaiko Enplegu Taldeak, Eusko Jaurlaritzak, Langile Batzordeak eta Langileen Batasun Orokorrak sindikatuek eta Confebaskek. Eta, haien bidez, diru-sarrera txikienak dituzten eta lan-erregulazio egoeran dauden langileen prestazioak osatu nahi dira, uztailaren 1etik irailaren 30era bitartean.
Zure interesekoa izan daiteke
Ikuskizunetako teknikarien grebaren deitzaileak pozik agertu dira, lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Behineko kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian lan egiteagatiko plusik ez jasotzea edota lana eta bizitza pertsonala uztartzeko zailtasunak izatea salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuko eta UAGA Arabako nekazarien elkarteko ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.