Kongresuak erkidegoei 16.000 milioi banatuko dizkien Covid funtsa onartu du
Espainiako Kongresuko osoko bilkurak Covid-19 funtsaren sorrera arautzen duen Lege Dekretua onartu du gaur; izan ere, funtsak 16.000 milioi euro banatzen ditu erkidegoen artean, diru hori ez da itzuli behar eta pandemiak eragindako gastuei aurre egiteko erabiliko da.
Aldeko 275 boto, kontrako 70 boto eta bi abstentzio lortu ditu, Maria Jesus Montero Ogasun ministroak 16.000 milioiak banatzeko irizpideen inguruan aho batez erabakitzea "ezinezkoa" dela onartu du, baina "objetibotasunez begiratzeko" eskatu du, diru hori erkidego guztientzat "aringarria" delako eta zerbitzu publikoen horniduran doikuntzak egitea saihesten duelako.
Dekretu hori presazko prozeduraren bidez lege-proiektu gisa izapidetzearen bozketa egin da eta ukatu egin dute.
Monterok aurreratu du erkidegoek historia osoko finantziazio sistemaren baliabide kopuru handiena izango dutela aurten.
Gainera, krisiaren hasieran onartutako partidak gehituz gero, guztira 24.500 milioi euro gehiago emango dizkiete erkidegoei 2019ko datuekin alderatuta, "Gobernuak zorpetzearekin eta defizit propioarekin inoiz egin ez duen ahalegin bat".
Monterok azpimarratu du Covid-19 funtsa ez dela mailegu bat, eta ez duela interesik sortzen, eta 16.000 milioi euro lau alditan banatuko dituztela adierazi du.
Lehenengo bietan 9.000 milioi euro banatuko dira osasun gastuari lotuta (6.000 milioi erkidegoei ordainduko zaizkie hilabete honetan, eta 3.000 azaroan); hirugarren tartean 2.000 milioi Hezkuntzara bideratuko dira; eta laugarrenean, pandemia dela eta jarduera ekonomikoaren beherakadak eragindako diru-sarreren murrizketa orekatzeko 5.000 milioitik gora emango dira.
Elvira Rodriguez PPko diputatuak zenbait eskakizun egin dizkio ministroari, nahiz eta bere alderdiak aldeko botoa eman, zerga politika "serio" hartzeko eskatu dio, enplegua sortzeko eta EBko kideen artean mesfidantzarik ez sortzeko.
Rodriguezek Politika Fiskalaren Kontseilua noiz deituko duen galdetu dio Monterori; izan ere, bilera hori egitea "premiazkoa" dela adierazi du, erkidegoek euren aurrekontuak bete ditzaten, 2021erako plangintza egin dezaten eta zerbitzuak bermatzeko neurriak har ditzaten.
PPko diputatuak adierazi duenez, alderdiak Gobernuak epe laburrean zer egiten duen ikusteko zain dago, baina aurreikuspenei erantzuten ez badie, "atxikimendu itunak sinatzeko" ez duela popularren laguntzarik izango ohartarazi dio Gobernuari.
Podemosetik, En Comu Podemeko diputatu Jaume Asensek adierazi du, partekatzen duen gobernuaren ildotik, 16.000 milioiak "erkidegoetara zuzenean egindako transferentziarik handiena" direla, "Espainiako historian aurrekaririk ez duena".
Hala ere, finantzaketa eredu berrian lan egitea exijitu dio Asensek ministroari, "Espainiaren lurralde arazoari ez zaiolako Katalunia deitzen, Madril eta dumping fiskala deitzen zaio. Hori da benetako lurralde arazoa, Madrilgo Erkidegoaren elkartasunik eza".
ERCko Joan Margallek funtsak transferentzia zuzena izatea eta zorpetzerik ez eragitea ospatu du, baina Kataluniarentzat "onuragarria" ez den banaketa dela aurpegiratu dio Gobernuari.
Carmen Martinez Csko diputatuak "oxigeno-baloiaren" dekretu gisa definitu du, baina berreraikuntzarako neurri gehiago eskatu ditu; Ferran Bel JxCATeko diputatuak, berriz, aldeko botoa eman du, beharrezko dekretua delako, baina "ez da aski".
Victor Gonzalez Voxeko diputatuak adierazi duenez, dekretua "ez da inoren gustukoa, tarteek ez dute konbentzitzen", eta gainera, Voxekin ez dutela negoziatu deitoratu du.
Vox alderdiko diputatuak azaldu du ezin duela aldeko botoa eman "Estatuaren zentzuagatik", eta "gerra zibilaz geroztik Espainiak izandako krisi ekonomiko larrienari" heltzeko gai ez den gobernuaren politika gaitzetsi du.
Oso kritikoak izan dira, halaber, UPN, EAJ eta EH Bildu, onartutako dekretuarekin foru erkidegoak (EAE eta Nafarroa) galtzaile ateratzen direlako.
Hain zuzen ere, Idoia Sagastizabal EAJko diputatuak Covid funtsa ukatu egin du, "alde bakarrekoa" delako eta "foru erkidegoak errespetzen ez" dituelako.
Nestor Rego BNGko diputatuak ere bere kontrako botoa justifikatu du, Galiziaren ezaugarriak kontuan hartzen ez dituen dekretua delako; Jose Maria Mazon PRCko diputatuak, berriz, Covid funtsa "eskasa" dela argudiatu du, eta, ildo beretik, Isidro Martinez Oblanca Foroko ordezkariak adierazi du Asturiasera banaketa oso murriztua helduko dela.
Zure interesekoa izan daiteke
Europak atzera egin du 2035ean errekuntza ibilgailuen salmenta debekatzeko asmoan
Auto elektrikoen eskariaren moteltzeak, sektorearen presioak eta Txinaren lehiak eraman dute Europako Batzordea erabakia hartzera: errekuntza-autoen ekoizpen "mugatua" baimenduko du 2035etik aurrera.
Bat eta Barik txartelekin ordaindu daiteke gaurtik Lurraldebusen
Abenduaren 23tik aurrera, Irungo eta Lasarteko hiri-autobusetan ere ordaindu ahal izango da Bat eta Barik txartelekin, eta Gipuzkoako gainerako herrietan, berriz, ordaintzeko makinak egokitu ahala erabili ahal izango dira.
Eusko Jaurlaritza: "Angularen egoerari buruzko azken txostenek erabaki hau hartzera behartzen gaituzte"
Leandro Azkuek, Eusko Jaurlaritzako Arrantza, Portu eta Itsasertzeko sailburuordeak, kudeaketa-plana eguneratzeko beharra azpimarratu du, "oraingo planak ez dituelako espero ziren emaitzak eman".
Angulazaleak: "Arrantzak soilik ez du angula hiltzen"
Unai Eizagirre Euskadiko Angulero Elkartearen presidenteak adierazi du angularen arrantzaren atzean lanbide bat dagoela, "gorde beharrekoa", eta dio debekuak ez duela "espeziea salbatuko".
Unai Rementeria izango da BBK Fundazioaren presidente berria
Bizkaiko ahaldun nagusi ohiaren hautagaitza gehiengo osoz onartu du gaur izendapen batzordeak, eta bihar Fundazioaren batzordeak berretsi beharko du.
Euskadiko Anguleroen Elkarteak epaitegietara joko du arrantzan irten ahal izateko
ORAINek jakin ahal izan duenez, anguleroek ez dute beste irtenbiderik ikusi. EAEko anguleroak kexu daude Eusko Jaurlaritzak aurtengo angularen arrantza-kanpaina bertan behera utzi duelako, Espainiar eta Frantziar estatuetako beste anguleroek arrantza baimenduta izango duten bitartean. Eusko Jaurlaritzak erabakia errespetatzen duela adierazi du.
Kanpoan lan egiten duten Euskadiko eta Nafarroako talentu gazteen % 85ek baino gehiagok itzuli nahi dute
Ikerketa baten arabera, sorterritik kanpo lan egiten dute 25 eta 40 urte bitarteko EAEko 30.000 gaztek eta Nafarroako 12.000k, eta gehienek politika aktiboak eskatzen dituzte haien etxera itzultzeko. Gazteen diaspora horretan kualifikazio handiko profilak daude, ingeniariak, enpresa-kudeatzeileak eta STEM adarreko langileak, besteak beste. Gainera, egonaldi luzea egiten duten atzerrian, % 60k sei urte baino gehiago ematen dituzte sorterritik kanpo.
Osakidetzak 5.425 lanpostuko lan-eskaintza publikoa deituko du 2026an
Berrikuntza gisa, desgaitasun intelektuala duten pertsonentzako 25 lanpostu eskainiko dira, zeladore eta zerbitzu langile kategorietarako. Horrez gain, betetzen zailak diren postuak eskuratzeko bigarren Lan Eskaintza Publikoa (LEP) deituko du Osakidetzak datorren urtean, oraindik hutsik dauden postu guztiak betetzeko asmoz.
Talgok Deutsche Bahn operadorearekin adostu du 230 modeloaren hornidura-kontratua 79 trenetik 60ra murriztea
Akordio horrek fabrikazio irismena 79 trenetik 60ra murriztea jasotzen du, baina eskaera 100 trenera arte luzatzea ahalbidetuko lukeen esparru kontratuari eutsiz, eta, aldi berean, epe luzerako errebisio eta mantentze lan kontratu berri bat gehitzen du, baita proiektuaren egutegia doitzea ere, besteak beste.
11 kilometroko kamioi ilarak AP-8an, Irun parean, Baionarako bidean, ibilgailu astunentzat muga itxi ondoren
Bidegik inguru horretatik ez igarotzeko gomendatu die kamioiei, eta, ibilgailu arinei, berriz, arretaz gidatzeko eta ahal den neurrian AP-8a ez erabiltzeko.