ELA eta LAB: "Gipuzkoako zahar egoitzetako egoera kinka larrian dago"
Ehunka pertsonak hartu dute parte, astearte honetan, Gipuzkoako zahar egoitzetako egoera salatzeko ELAk eta LABek Donostian deitutako manifestazioan. Bi sindikatuek aho batez salatu dute zentro horietan "kinka larrian" daudela, eta COVID-19aren pandemiak egoera gaizkiagotu duela.
Eusko Jaurlaritzak ezarritako % 100eko gutxieneko zerbitzuek, baina, mugatu egin dute lanuztearen jarraipena.
Zentzu horretan, ELAk eta LABek "eskandalutzat" jo dituzte osasun langileei zein garbitzaileei ezarritako gutxieneko zerbitzuak, eta aurreratu dute ez dutela baztertzen afera epaitegietara eramatea, "greba eskubidea zapuzten dutelako".
Donostian egin duten manifestazioan, sektore horretako langileek hainbat elkarteren babesa jaso dute, Gipuzkoako Senideakena eta pentsiodunen elkarteena, besteak beste.
Esan bezala, ehunka lagunek hartu dute parte mobilizazioan. 11:00etan abiatu dira Gipuzkoako Foru Aldundiaren egoitzatik, "Kalitatezko zaintza eta lan baldintza duinak" leloa ardatz.
Parte-hartzaileak hiru zutabetan banandu dira, segurtasun tartea gordetzeko, eta Donostiako kale nagusiak zeharkatu dituzte lan baldintzak hobetuko lituzken hitzarmen kolektiboa aldarri hartuta.
Txomin Lasa eta Leire Ormazabal ELA eta LABeko bozeramaileek gogor kritikatu dute zahar egoitzetako langileek bizi duten egoera, irtenbide gisa "eredu aldaketa" baten alde egin aurretik.
Greba Araban
Araban, hiru eguneko greba deialdia egin dute ELAk, LABek, CCOOk, eta UGTk, lehena bihar, urriaren 7an. Gainerako lanuzteak azaroaren 11n eta azaroaren 25ean egingo dituzte. Gipuzkoan bezala, Lan hitzarmen berria negoziatzea eskatzen dute.
Arabako pentsiodunen elkarteak, Gasteizko mugimendu feministak eta egoitzetako egoiliarren senitartekoek babestu dute greba.
Zure interesekoa izan daiteke
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.
Apirilean, 3.368 langabe gutxiago zenbatu dituzte EAEn, eta 833 gutxiago, Nafarroan
Urtearteko datuak alderatuta, langabeziak behera egin du bai EAEn (-3.006) eta baita Nafarroan ere (-588).