2023an Bizkaiak banda zabal azkarra izango du lurralde osoan
Bizkaiko Foru Aldundiak aurreikusi duenez, 2023ko ekainean zabalduko dute lurralde osoan abiadura handiko banda zabala, 10 milioi euroko inbertsioa egin ostean; horrela, "txoko guztietako" landa-eremuetako eta eremu periferikoetako etxebizitzek abiadura handiko interneteko konexioak eskuratu ahal izango dituzte.
Unai Rementeria Bizkaiko ahaldun nagusiak, Imanol Pradales (Azpiegiturak eta Lurralde Garapena) eta Ibone Bengoetxea (Administrazio Publikoa eta Harreman Instituzionalak) diputatuekin batera azaldu du proiektua, joan den astean Bizkaiko Batzar Nagusietan egindako politika orokorreko osoko bilkuran aurreratu zuena.
Rementeriak adierazi duenez, Aldundiak proiektu "eraldatzailea" aurkeztu nahi dio Europar Batasunaren berreraikitze funtsari, Europak ezarritako lehentasunekin bat datorrelako.
Azaldu duenez, "Aldundiaren proiektu garrantzitsuenetako bat" da, "Bizkaian pertsonen eta udalerrien arteko berdintasuna, aukera-berdintasuna, sendotzea" dakarrelako.
Abiadura handiko banda zabala lurralde osora hedatzeak oraindik Internetera ondo konektatuta ez dauden eremuei eragingo die, bereziki landa-eremuei edo iristeko zailak diren eremuei, baldin eta, horretarako, aldez aurretik inbertsio bat behar badute operadoreek aurre egiten ez dieten azpiegituretan, errentagarri ateratzen ez zaielako.
Jarduera hori Bizkaia Aurrera Planaren barruan jasota dago, eta landa-eremuetako eta periferikoetako 7.600 etxebizitza baino gehiagotara eramango ditu gutxienez 300 mega simetrikoko abiadurako Internet konexioak, populazio handiko eremuetako merkatu-baldintza berberetan.
Kalkuluak dituen zailtasunak gorabehera, Foru Aldundiko arduradunek uste dute proiektuak, guztira 602 jarduera-eremu biltzen dituenak, 14.500 pertsona ingururi egingo diela mesede.
Foru Dekretua
Espainiako Gobernuaren baimena jaso ostean, Foru Aldundiak foru dekretu bat onartu du lizitazioaren baldintzekin, eta gaur argitaratu dute Bizkaiko Aldizkari Ofizialean.
Banda zabala ez duten azken "atarietara" zabaltzeko, Foru Aldundiak 10 milioi euroko diru-laguntza publikoa deitu du, eta, horren bidez, azpiegitura digitalari ekiteko behar den gastuaren % 90 ordainduko du.
Ekimenean parte hartu nahi duten telekomunikazioen konpainiek azaroaren 7ra arte aurkeztu ahal izango dituzte eskaerak.
Esleitu ondoren, banda zabala zabaltzeko lanak urte honen amaieran edo datorren urtearen hasieran hasiko dira, eta 2023ko ekaina baino lehen osatu beharko dira. Abiadura handiko konexioa pixkanaka iritsiko da kaltetutako eremuetara.
Gainera, dirulaguntza esleitzeko baldintzen artean, operadore onuradunak diruz lagundutako azpiegituretarako handizkako sarbidea eskatzen duten gainerako operadoreei eskaintzeko betebeharra izango du. Horrela bermatzen da erabiltzaileek operadoreen artean aukeratu ahal izatea.
Zure interesekoa izan daiteke
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.
Tubos Reunidoseko langile talde batek Amurrioko greba mugagabeari buruzko erreferenduma egitea eskatu du
Enpresa batzordeak deituta, martxoaren 15etik daude greba mugagabean Amurrioko lantegian. ELAk, LABek eta ESK-k babestu zuten lanuztea, eta CCOO eta UGT kontra agertu ziren. Azken horiek hasieratik eskatu dute grebari buruzko erabakia erreferendumean hartzea.
Behargin bat hil da Zamudion, lan-istripuz
Langileak 61 urte zituen. Ezbeharra ostegun goizean gertatu da, Ugaldeguren industrialdean, eta biktima bertan hil da, osasun-zerbitzuek esku hartu duten arren. ELAk lan-istripua salaktzeko elkarretaratzea deitu du maiatzaren 5erako.
AAk 2,3 milioi lanpostu suntsitu ditzake datorren hamarkadan Espainian
Bereziki enplegatu administrarien eta erdi-mailako zein goi-mailako teknikarien taldeei eragingo lieke. Hala ere, AAri lotutako 1,61 milioi lanpostu berri inguru sortuko lirateke eta, horrek, suntsitutako lanpostuen zati handi bat konpentsatuko luke.
Nafarroako Volkswagenek 500-1.000 langile artean beharko ditu 2027an, ekoizpen-aurreikuspenak berretsiz gero
Ekoizpen bolumen "oso handiak" espero ditu konpainiak datorren urterako eta, datuak behin-behinekoak diren arren, laster ekingo dio enpresak barneko eta kanpoko langileak hautatzeko, prestatzeko eta gaitzeko prozesuari, espezialitate profesionalen beharrak betetzeko, hala nola elektromekanikariak, txapistak eta hornitzaileak.