Grebari buruzko datuak manipulatzea leporatu diote sindikatuek Osakidetzari
Osakidetzak joan den astean Araban egindako grebaren jarraipenari buruzko datuak "manipulatu" dituela salatu dute sindikatuek, "zerbitzu minimo izendatu dituztelako edo egun horretan jai zutenek lanuztearekin bat egiteko aukerarik gabe geratu zirela kontutan hartu ez dituztelako".
SATSE, ELA, LAB, SME, CCOO, UGT, ESK, SAE eta UTESE sindikatuek ohar batean adierazi dutenez, "Osakidetzak ez zituen grebaren jarraipenari buruzko benetako datuak eman, zerbitzu minimo zirelako edo jai eguna zutelako lanuztea egiteko aukerarik izan ez zuten langileak ere gehitu zituelako zenbaketan; eta hau guztia deialdiak izan zuen babesa zabala ezkutatzeko saiakera bat baino ez da".
Halaber, ostegun honetan Gipuzkoan deitu dute greba, eta Eusko Jaurlaritzak ezarri dituen gutxiengo zerbitzuak "gehiegizkoak" direla salatu dute. "Beste behin, kolektibo baten grebarako eskubidea murriztu eta ekidin nahian ari dira", kritikatu dute.
Zerbitzu minimo horiek "Osakidetzako langileek egunero jasaten duten prekarietatearen erakusgarri dira".
Aurrerantzean egingo diren lanuzteen jarraipenari buruzko informazioa ematerakoan "datu errealak" publikatzeko eskatu diote sindikatuek Osakidetzari, "grebaren eragina ezkutatu gabe eta existitzen ez den normaltasuna irudikatu gabe".
Bizkaian, datorren asteko ostegunerako deitu dute greba.
Albiste gehiago ekonomia
Lan mahai bat osatu da Barrualde-Galdakao ESIko larrialdi zerbitzuaren egoera bideratzeko
Inplikatutako alderdi guztiek hartuko dute parte, “diskrezioz” lan eginda. Egoerak eztanda egin du, larrialdi zerbitzuetako langileen zati handi bat bajan dagoen garaian, zuzendari medikoak dimisioa eman duenean.
Eusko Jaurlaritzak hamarren bat apaldu du 2026rako hazkunde aurreikuspena eta % 1,7an kokatu du
Industria izango da ziurgabetasunak eta nazioarteko merkataritzaren moteltzeak gehien eragingo duen sektorea, kanpoko lehiak daukan eraginagatik.
Sindikatuek salatu dute Galdakaoko Ospitaleko zuzendaritza duela bi urtetik zela arazoaren jakitun
Galdakaoko larrialdi-zerbitzuetako langileek duela bi urte salatu zuten lan-karga handiegia zutela, LAB sindikatuko Jessica Gondraren hitzetan. Horren esanetan, zuzendaritzak urte biko epean ez du ezer egin. Sindikatuen ustez, zuzendaritzak egoera baliatu nahi du langileen irudia zikintzeko, Gernika-Lumoko larrialdi-zerbitzua gauez itxita.
Barrualde-Galdakao ESIaren zuzendari medikoak dimititu egin du, larrialdi-zerbitzuko langileen bajak direla eta sortutako krisi betean
Langileen batzordea eta zuzendaritza 13:00etan bilduko dira, Galdakao-Usansolo Ospitaleko Larrialdi Zerbitzuko egoera bideratzeko. Bertan, azken asteetan hainbat baja-mediko eta barne mugimenduak pilatu dira.
Auzitegi Gorenak atzera bota du ABRAren helegitea, eta 'Arabako Mahastiak' jatorri-deitura behin betiko baliogabetzea berretsi du
Uste du bederatzi urte hauetan "kalte larria" egin zaiela "Errioxa jatorri-deiturari, haren kideei, markari eta izen onari".
Gasteizko lorezainak lanera itzuli dira, gutxieneko zerbitzuak betetzeko
Gasteizko lorezainak lanera itzuli dira gutxieneko zerbitzuak betetzeko. Florida parkeko belarra mozten hasi dira. Belarra mozteko bost makina eta sasiak garbitzeko beste pare bat makinarekin ia hiru hilabetez ukitu gabe egon diren lorategiak zaintzen hasteko agindua jaso dute. Ezarritako zerbitzu minimoak gehiegizkoak eta justifikazio gabeak direla salatu dute lorezainek.
Hasi da hegaluzearen denboraldia: 8.000 kilo heldu dira Getariako portura
Datozen egunetan olatu handia espero da, euskal arrantzaleek hegaluze asko arrantzatu baitute kostaldetik gertu. Salneurria: 13 euro.
ELAk helegitea jarriko die Gasteizko lorezainei ezarritako gutxieneko zerbitzuei
Sindikatu abertzalearen ustez, "justifikaziorik gabekoak" dira eta "grebarako eskubidea urratzen dute". ELAk salatu duenez, "orain funtsezkotzat jotzen da baldintza prekarioak dituen lan bat".
Ekainaren 25etik eskatu ahal izango dira ibilgailu elektrikoak erosteko 7.000 eurorainoko dirulaguntzak
Eusko Jaurlaritzak Moves III 2025 plana martxan jarriko du, 14,9 milioi euroko partida bideratuta, mugikortasun elektrikoa sustatzeko eta autoak eta birkarga-puntuak erosteko dirulaguntzak emateko.
Euskadik Estatuko bigarren soldata-kosturik altuena izan du urteko lehen hiruhilekoan
Euskadin, soldaten kostua 2.543,50 eurokoa izan da lehen hiruhilekoan, eta Espainian, berriz, batez bestekoa 2.290,46 eurokoa.