Sindikatuek beste hiru greba egun deitu dituzte Osakidetzan
ELA, SATSE, SME, LAB, CCOO, UGT, ESK, SAE, UTESE sindikatuek hiru greba egun deitu dituzte Osakidetzan, osasun publikoaren egoera "larria" dela salatzeko eta Osasun Sailari neurriak eskatzeko. Greba egun bana deitu dute lurralde bakoitzean: urriaren 29an, Araban, azaroaren 5ean, Gipuzkoan eta azaroaren 12an, Bizkaian.
Bederatzi sindikatu deitzaileak elkarrekin agertu dira prentsaren aurrera, Bilbon, mobilizazio berriak iragartzeko. Salatu dutenez, gaur-gaurkoz "ez dago neurri zehatzik" Osakidetzak dituen "egiturazko arazoak" konpontzeko.
Horien esanetan, "aspalditik datorren arazoa" da, baina COVID-19ak egoera are eta larriago egin du.
Osasun krisi egoeran hiru greba egun deitzeko aukeraz galdetuta, Esther Saavedra ELAko osasun arloko arduradunak esan du "pandemian gaudelako inoiz baino beharrezkoagoa" dela Osakidetzaren arazoak konpontzea.
Osakidetzak ez du ulertzen
Osasun Sailak, bere aldetik, adierazi du ez duela "ulertzen" sindikatuek deitutako greba, eta "elkar ulertzearen bidea" aldarrikatu du, "aurrez aurrekoaren" ordez. Hori horrela, elkarrizketarako deia egin die sindikatue, "akordioetara iristeko modu bakar" gisa.
Gotzone Sagardui buru duen Sailak errefusatu egin ditu lanuzteak une honetan egitea, "sindikatuek helarazitako beharrak partekatzeko eta entzuteko" aldebiko bilerak egiten ari diren heinean.
Sindikatuei gezurretan aritzea leporatu die, Osakidetzan langileen eta baliabide materialen murrizketak daudela "erabat faltsua" delakoan.
Osasun Sailak, gainera, gogorarazi du legegintzaldi honetan 4.000 lanpostu eskaintzeko konpromisoa hartu duela.
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.