Osakidetzako sindikatuak Bilboko manifestazioan: "Honaino heldu gara"
Osakidetzako eta haren azpikontratako sindikatuek Gotzone Sagardui Osasun sailburuari ohartarazi diotenez, mobilizazio gehiago deituko dituzte, osasun publikoaren egoerari irtenbiderik eman ezean.
“Honaino heldu gara”, azpimarratu dute sindikatuek Bilbon deitutako manifestazioaren amaieran irakurritako manifestuan zein protestaren pankartan.
Hiru zutabek osatu dute manifestazioa segurtasun distantzia mantentzeko. Eusko Jaurlaritzaren bi egoitza nagusiak lotu ditu protestak, Jesusen Bihotzetik Bizkaia plazara.
Manifestazioa SATSE, ELA, LAB, Sindikatu Medikoak, CCOO, UGT eta ESKk deitu dute, “Kalitatezko osasun publikoaren eta langileen eskubideen alde”, lelopean.
Ordubeteko iraupena izan du protestak. Podemoseko eta EH Bilduko buruzagiek, eta Raul Arza eta Loli Garcia UGTko eta CCOOko idazkari nagusiek, hurrenez hurren, parte hartu dute manifestazioan.
Protesta hasi baino lehen, deitzaileek manifestu bat irakurri dute. Sindikatuen hitzetan, Osakidetzak “egiturazko defizita” du, eta lehen arreta eta arreta espezializatua “hilzorian” daude.
“Murrizketek egoera honetara eraman gaituzte, Eusko Jaurlaritzak ez du osasun sistema sendotu, eta egiturazko erreformak premiazkoak dira”, adierazi dute.
Beharginen ordezkarien esanetan, “urteak eman ditugu langile gutxirekin” eta COVID-19aren pandemiaren “aitzakiak” ezin du “egiturazko defizit” hori ezkutatu.
Azpikontratazioaren bidez osasuna “pribatizatzeari” uztea, behin-behinekotasuna murriztea, lan kargak murriztea profesionalak “akituta” daudelako, babes neurriak areagotzea eta behargin kopurua areagotzea eskatu dute sindikatuek.
“Osakidetzaren muturreko egoerak guztiei eragiten digu”, nabarmendu dute.
Datorren astean hasiko da Eusko Jaurlaritza banan bana sindikatuekin biltzen, baina oraindik ez dute hitzordurik, medikuen sindikatuak, esaterako, ez du bilera deirik jaso, Mabel Artziniega ordezkariak Euskadi Irratian adierazi duenez.
Osakidetzan "muturreko egoeran" ari direla lanean salatu dute. Ilaran, banan-banan eta distantziak gordez egin dute protesta.
Sindikatu guztiek eta beharginek arreta zerbitzua bermatzeko "zailtasunak" dituztela azpimarratu dute.
Azken asteotan, zentroen atarietan egin dituzte protestak. Gaur, Bilboko erdigunera irten dira. Manifestazio amaieran elkarri txalo egin diote manifestariek. Gaur, ordea, ez dira konfinamendu garaian balkoietan entzundako txaloak entzun.
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.