EH Bilduk ez die Espainiako aurrekontuei osoko zuzenketarik aurkeztuko
Mertxe Aizpurua EH Bilduk Kongresuan duen bozeramaileak baieztatu du ez dietela 2021eko Espainiako aurrekontu orokorrei osoko zuzenketarik ezarriko, Gobernuarekin izandako negoziazioetan aurrerapausoak ikusi dituztelako. Dena den, baldintza gisa jarri diote negoziazio horietan Ciudadanosekin aurrera ez egitea.
"Bi aukera dituzte: Espainiako Gobernuak ezkerreko politika egin nahi badu, posible du eta han aurkituko gaitu. Aitzitik, Ciudadanosekin aurrera egin nahi badu, bide laburra dauka aurretik", esan du Kongresuan emandako prentsaurrekoan.
Maria Jesus Montero Ogasun ministroarekin eta Nacho Alvarez Eskubide Sozialen Estatuko idazkariarekin bildu ostean, Aizpuruak adierazi du haien aldetik "asmo ona" ikusi duela, "EH Bilduren aldarrikapen sozial eta ekonomikoak kontuan hartu dituztelako".
"Horrek hitz egiten jarraitzeko aukera ematen du", azpimarratu du, aurrekontuekin lotutako negoziazioak bide onetik doazela argitzearekin batera.
ERCk ez du osoko zuzenketarik aurkeztuko
Bestalde, ERCk iragarri du ez diela Espainiako aurrekontu orokorrei osoko zuzenketarik jarriko, "bizi dugun egoera bizita, kontuak blokeatzea arduragabekeria litzatekeelako".
"Ez diogu guztiari ezetza eman behar. Nahiz eta beharbada hori den jarrera errazena, Kataluniako herritarrek, gure enpresek eta gizarteak ez dute halakorik behar", nabarmendu du ERCk ohar batean.
Albiste gehiago ekonomia
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.