ITP Aerok 133 behargin kaleratuko ditu Barakaldoko eta Sestaoko lantegietatik
ITP Aero Castings taldearen zuzendaritzak enplegu erregulazioko espedientea aurkeztuko du Barakaldoko eta Sestaoko lantegietan. Sindikatuek eta enpresako iturriek jakitera eman dutenez, 500 beharginetatik 133 kaleratuko dituzte.
Hain zuzen ere astearte honetan ekin diete negoziazioei, arrazoi ekonomikoak eta ekoizpen arazoak tarteko, enpresak planteatu dituen kaleratzeak ardatz hartuta.
ITP Aerok azaldu duenez, bi lantegi horien jarduna ziurtatzea dute helburu kaleratzeek. Dena den, esan du lanpostuen galera arinduko duen eta etorkizuneko enplegua bermatuko duen neurri oro "negoziatzeko asmoa" duela.
Enpresako iturrien arabera, COVID-19aren pandemia hasi aurretik, industria aeronautikoak hazkundea aurreikusi zuen hurrengo urteetarako. Testuinguru horretan, enpresak inbertsio handiak egin zituen instalazioetan, baita jendea kontratatzerakoan ere.
"Alabaina", adierazi du atsekabez,"inoiz sektore honetan izan den krisirik handiena ekarri du pandemiak, alegia, krisi estruktural handi bat" ."Duela gutxi genituen aurreikuspenak ezin izan ditugu bete. Ekoizpena % 50 inguru jaitsi da, eta seguruenik enpresaren jardunak beherako joerari eutsiko dio datozen urteetan ere", gaineratu du.
ELAk, bestalde, planteatutako kaleratzeak errefusatu ditu. "133 pertsona lanik gabe geratuko dira, eta 115 kontratu ebentual gutxiago daude urte hasieratik", salatu du.
Zure interesekoa izan daiteke
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuko eta UAGA Arabako nekazarien elkarteko ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.
Tubos Reunidosek 88,19 milioi euroko galera ekonomikoa izan du 2026ko lehen seihilekoan
Konpainiak nazioarteko arantzelek eragindako beherakadari eta enplegu-erregulazioko espedientearen negoziazioan zehar lantegietan izandako mobilizazioei egotzi die emaitza negatibo hori.
Etxebizitza-salerosketen kopurua % 8,2 igo da Nafarroan, eta % 13,6 jaitsi da EAEn, maiatzean
Notariotzaren Kontseilu Nagusiaren arabera, etxebizitzaren prezioa % 13,5 garestitu da Nafarroan eta EAEn, berriz, egonkor mantendu da.
BBVAk 6.051 milioi irabazi ditu ekainera arte, iaz baino % 11 gehiago, diru-sarrera errepikariek eta kredituen igoerak bultzatuta
Erakundeak akzioak berrerosteko ezohiko programa berri bat iragarri du, 2.000 milioi eurokoa. Lehenengo tartea, 1.000 milioikoa, abuztuaren 5ean hasiko da.