Bizkaiak salbuespen fiskalak onartuko ditu talde zigortuenei laguntzeko
Unai Rementeria Bizkaiko ahaldun nagusiak azaldu duenez, Bizkaiko Foru Aldundiak salbuespen fiskalak onartuko ditu abenduaren hasieran administrazio publikoak krisiaren kaltea jasan duten "kolektiboei zuzendutako edozein laguntza zuzenentzat", eta atzera eraginez aplikatuko du, 2020. urtearen hasieratik.
Rementeriak Bizkaiko Batzar Nagusietako osoko bilkuran iragarri du neurri berriak hartuko dituztela, Iker Rahona EH Bilduko diputatuari erantzunez.
Rahonak ostalaritzaren egoera deitoratu du eta Aldundiaren "aurreikuspen eta autokritika falta" kritikatu du. EH Bilduko ahaldunak ohartarazi duenez, ostalarien elkarteek "ez dituzte adabakiak eta limosnak eskatzen", "laguntza eraginkorrak" eta "benetako erreskate plan bat" baizik.
Bere erantzunean, sektorearen egoera zailaren aurrean elkartasuna adierazi dio Rementeriak ostalaritzari, eta Aldundiak erabakiak "guztiengan pentsatuz" hartzen dituela azpimarratu du.
Diputatuak alarma-egoera hasi zenetik ezarritako neurriak errepasatu ditu, eta, zergen atzerapenak luzatzeaz gain, pandemiak bereziki zigortutako sektoreak babesteko eta bultzatzeko neurri berriak onartuko dituztela azaldu du.
Neurri berriak abenduaren hasieran onartuko dituzte, eta atzera eragina izango dute, 2020ko urtarrilaren 1etik aurrera balioko baitute.
Neurri berriak
Ahaldun nagusiaren esanetan, "PFEZtik salbuetsita egongo dira 2020ko urtarrilaren 1etik aurrerako ondorioekin" Eusko Jaurlaritzak alokairuan eta babestutako etxebizitzan dauden pertsonei eta familiei etxebizitza-eskubidea bermatzeko ematen dituen laguntzak, Eusko Jaurlaritzak familiei laguntzeko berariaz ematen dituenak, laneko eta familiako bizimodua uztartzekoak, eta merkataritza-, turismo- eta kultura-sektoreko bonuei emandako laguntzak.
Salbuespenen zerrendan, "administrazio publiko guztiek behargin edo autonomoei emandako ezohiko laguntzak salbuesteko neurriak" daude, "batez ere, turismo, nekazaritza eta abeltzaintza sektoreetako autonomoei emandako laguntzak, eta baita Lanbidek autonomoei zuzenduta eman dituen edo emango dituenak ere".
Gainera, Rementeriaren arabera, "inpaktua jasan duten kolektiboei zuzendutako eta administrazio publiko batek emango duen edozein laguntza zuzen ere" egongo da PFEZ ordaintzetik salbuetsita, eta langile autonomoek 2021eko urtarrilean egin beharreko ordainketa salbuestea ere onartuko dute.
Zure interesekoa izan daiteke
Pirinioetako abeltzainek hartzak mugatzeko eskatu dute, abeltzaintza estentsiboarekin "bateragarriak" izan arte
Ezkarotz eta Aribe herrietan, etxeetatik gertu dauden eremuetan, bi hartz ikusi dituzte asteburuan. Hartza hain gertu izateak kezka zabaldu du inguruko abeltzainen artean, abere taldeetan izango dituen ondorioen beldur.
Tubos Reunidosko langileen batzordeak konpainiaren jarraipena bermatzeko eskatu du Diputatuen Kongresuan
Amurrioko lantegiko beharginen ordezkariak Diputatuen Kongresuko hainbat talderekin bildu dira, tartean Podemos eta EH Bildurekin, legez besteko proposamen bat aurkezteko. SEPIren zorra akzio bihurtzea eskatu dute, jarduera eta enplegua bermatzeko, hala nola plan industrial bat eta bankuei laguntzeko neurriak hartu ditzatela, besteak beste, BBVAri, akziodun eta hartzekodun gisa. Tubos Reunidosek 263 milioi euroko zorra duen hartzekodunen konkurtso bati aurre egin behar dio.
Arabako lantegietan aldi baterako lan erregulazioa aktibatzea proposatu du Tubacexek, eskaeren jaitsieragatik
Ormuzko itsasartea ixtearen ondorioz, eskaera-kopuru asko jaitsi delako proposatu du neurria. Alabaina, Iranen eta AEBren arteko akordioa gauzatzen bada, egoera alda daiteke.
Cl Group taldeak Papresa erosteko eskaintza onartu du epaitegi batek
Cristian Layri lotutako Extremadurako taldeak 39,3 milioi euroko eskaintza egin zuen, baina azkenean erosketaren zenbatekoa handiagoa izango da Donostiako Merkataritza Arloko Epaitegiaren arabera.
Bizkaiak “etorkizuna eraikitzeko lekua” dela aldarrikatu du Madrilen, inbertitzaileak erakartzeko
Aldundiak bere erreforma fiskala aurkeztu du Madrilen, ehun bat enpresatako eta erakundetako ordezkarien aurrean.
Langile bat hil da Topoaren lanetan, Donostian
Euskal Trenbide Sareak ohar bidez jakinarazi duenez, tunel batean lanak egiten ari zirela, makina bat irauli da eta langilea azpian harrapatu du.
ZUZENEAN: Etekin Ekonomia Topaketak
Lehiaren Batzordeak espedientea ireki die Ibexeko sei bankuei, hipotekekin lehiaren kontra jardun dutelakoan
Banco Santanderrek, CaixaBankek, BBVAk, Sabadellek, Bankinterrek eta Unicajak adierazi dute hipoteken garestitzea merkatuaren egoeraren ondorio dela.
Satsek bertan behera utzi du emaginen greba Osakidetzan, profesionalen faltari buruzko negoziazioa ireki ostean
Erizainen sindikatuak ekaina eta uztaila bitartean aurreikusitako lanuzteak geldiarazi ditu, baina ohartarazi du mobilizazioei ekingo diela Euskal Osasun Zerbitzuak plantillak indartzeko neurriak zehazten ez baditu.
Medikuen Greba Batzordeak baieztatu egin du greba mugagabea abiatuko dutela irailean
Medikuen Sindikatuak azaldu duenez, erabakia "hartuta" du jada Greba Batzordeak, eta, orain, "hasiera data" zehaztea falta da.