Gipuzkoako erresidentzietako langileek udalen inplikazioa eskatu dute
Gipuzkoako zaharren egoitzetako langileek protesta egin dute ostegun honetan hainbat udalerritan, ELA eta LAB sindikatuek gaurko eta biharko deitutako bi greba egunekin lotuta. Mobilizazio horietan, erresidentzietako lan gatazkan "inplikatzeko" eskatu diete udalerri ezberdinetako alkateei.
Horrez gain, Eusko Jaurlaritzak bi lanuzte egunetarako ezarritako % 100eko gutxieneko zerbitzuek greba eskubidea urratzen dutela salatu dute bi sindikatu horiek.
Hala, ELA eta LABeko ordezkariak Donostiako eta beste bederatzi herritako udaletxeen aurrean paratu dira, bertako arduradun politikoei "konpromisoa" eskatzeko. Gainera, irtenbide bat bilatze aldera, udal ordezkariei exijitu die Foru Aldundiari dagokion erantzukizuna har dezala eska diezaiotela.
Donostiako protestan haize bolada gogorrei egin behar izan diete aurre manifestariek. Halere, hamaika langile batu dira bertan "Konponbidea zaharren egoitzetan! Aldundia erantzule" leloari eutsita.
Aimar Etxeberria ELAko ordezkariak, kazetarien aurrean egindako adierazpenen bidez, gogora ekarri du 2018ko irailaz geroztik 245 greba egun egin dituztela erresidentzietako langileek, hitzarmen kolektibo berri bat aldarrikatzeko. Gainera, pandemia hasi zenetik, babes neurriak eta segurtasuna ere eskatu dute.
ELAren arabera, alkateek ere badute erantzukizuna horretan, "zaharren egoitzak haien udalerrietan daudelako eta bertan dauden adinekoak auzokide dituztelako".
Hain zuzen ere, horrekin lortu nahi dutena da udalek Markel Olano ahaldun nagusiari gatazka desblokeatzeko bitartekoak exijitzea eta langileen ordezkariekin hitz egin dezala galdegitea.
Ane Sarriegi LABeko arduradunak, bestalde, nabarmendu du "erresidentzien sistemak behea jo duela. Horregatik, beharrezkotzat jo du guztiz publikoa izatea eta sistemaren "osotasuna" berrantolatzea, langileen eta senitartekoen parte-hartzearekin".
Zure interesekoa izan daiteke
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.
Albiste izango dira: Saretzen mugikortasunari buruzko azterlana, Osakidetzako inoizko LEP handiena eta "Mitoaroa III"
Gaurkoan Orain-en albiste izango direnen laburpena, bi hitzetan.
Nafarroak etxebizitza berrien stocka agortu zuen 2025eko amaierarako, eta Euskadik % 0,23ra murriztu zuen
Urte amaieran, 2.502 etxebizitza zeuden saldu gabe Euskal Autonomia Erkidegoan (EAE). Espainiar Estatuan, berriz, saldu gabeko etxebizitza berrien stocka 452.670 etxebizitzakoa izan zen.
Zabalik dago Tubos Reunidos erosteko interesa agertzeko epea
Hartzekodunen konkurtsoa kudeatzen duen epaileak erosketa-prozesua aktibatu du eta konkurtso-administratzaileak prozesua bideratzeko jarritako arauak onartu ditu. Lehentasuna ematen dio talde osoa saltzeari.
Ekitaldi eta ikuskizunetako teknikariek greba egingo dute berriz
“Patronalaren pasibotasunaren aurrean”, maiatzaren 15ean egin zuten bezala, greba egingo dute Bilbao BBK Liveko zein Gasteiz, Donostia eta Bilboko jaietako egun banatan.
Pirinioetako abeltzainek hartzak zaintzeko eskatu dute, horien kopurua abeltzaintza estentsiboarekin "bateragarria" izan dadin
Ezkaroze eta Aribe herrietan, etxeetatik gertu dauden eremuetan, bi hartz ikusi dituzte asteburuan. Hartza hain gertu izateak kezka zabaldu du inguruko abeltzainen artean, abere taldeetan zer ondorio izango dituen beldur.
Tubos Reunidosko langileen batzordeak konpainiaren jarraipena bermatzeko eskatu du Diputatuen Kongresuan
Amurrioko lantegiko beharginen ordezkariak Diputatuen Kongresuko hainbat talderekin bildu dira, tartean Podemos eta EH Bildurekin, legez besteko proposamen bat aurkezteko. SEPIren zorra akzio bihurtzea eskatu dute, jarduera eta enplegua bermatzeko, hala nola plan industrial bat eta bankuei laguntzeko neurriak hartu ditzatela, besteak beste, BBVAri, akziodun eta hartzekodun gisa. Tubos Reunidosek 263 milioi euroko zorra duen hartzekodunen konkurtso bati aurre egin behar dio.
Arabako lantegietan aldi baterako lan erregulazioa aktibatzea proposatu du Tubacexek, eskaeren jaitsieragatik
Ormuzko itsasartea ixtearen ondorioz, eskaera-kopuru asko jaitsi delako proposatu du neurria. Alabaina, Iranen eta AEBren arteko akordioa gauzatzen bada, egoera alda daiteke.