Donostiak tokiko merkataritzan eta ostalaritzan erostea sustatzeko bonoak atera ditu
Donostiako Udalak online kontsumitzeko bonuak atera ditu plataforma digital baten bidez, hiriko saltoki txikietan eta ostalaritzan Gabonetako erosketak sustatzeko asmoz.
Aldi berean, 15 euroko 6.600 bonuren jaulkipena antolatu eta diruz lagundu du, hiriko ekialdeko auzoetako 200 merkataritza-establezimenduren bezeroen artean zuzenean banatzeko.
Ekimena Marisol Garmendia Bultzada Ekonomikoko zinegotziak aurkeztu du, horretan lagun dituen elkarteetako (Merkataritza Federazioa eta Donostia Shop elkartea) kideekin batera emandako prentsaurrekoan.
Garmendiaren arabera, erakundeak "buru-belarri" dihardu tokiko merkataritza eta ostalaritzaren negozioak eta enpleguak babesten, "hiriaren ezaugarri" eta krisi soziosanitarioak "bereziki" kaltetu diren sektoreak direlako.
Bi eremu horiek "biziberritzeko", "Gabonetako azoka online" prestatu dute, eta www.donostiagabonetakoazoka.eus plataforman izena eman nahi duten denda, taberna eta jatetxe guztiek saldu ahalko dituzte beren produktuak bertan.
Orrialde honen bidez erosten dutenek % 30eko deskontua (gutxienez 20 euroko gastua eta gehienez ere 30 euroko hobaria bakoitzeko) eta doan etxera eramateko aukera izango dute.
Ostalaritzarako, 10 euroko kontsumo bonuak egongo dira, eta bezeroek horietako zazpi ordainduko dituzte. Modu birtualean erosiko dira plataforman eta establezimendu bakoitzean, eta bezeroak haiekin harremanetan jarri beharko dira erositako produktuak kontsumitzeko (eramateko edo lokalean bertan).
Gabonetako merkatu digitalaz gain, Altza, Intxaurrondo, Mirakruz-Bidebieta, Egia, Loiola eta Martutene auzoetako 200 dendetarako bonu programa berezia sortu du Udalak. Negozio horiek gehienez ere 33 bonu eskaini eta banatu ahalko dituzte bezeroen artean. 15 euroko balioa izango dute, eta bezeroek horietako 10 ordainduko dituzte.
Garmendiak azaldu duenez, helburua auzo behartsu horietako merkataritza jarduera "dinamizatzea" da, 100.000 euroko erosketak eraginez. Era berean, gogorarazi du ekimen horiek bat egiten dutela Sustapen Elkarteak merkataritzari eta ostalaritzari ematen dizkion laguntzekin, eraldaketa digitala bultzatzeko eta osasun segurtasunerako protokoloak ezartzeko.
Zure interesekoa izan daiteke
Espainiak gasolio-, gasolina- eta keroseno-erreserbak ditu ia 100 egunerako
Sara Aagesen hirugarren presidenteorde eta Trantsizio Ekologikorako eta Erronka Demografikorako ministroak berretsi du Espainiako gas- eta petrolio-merkatuak "lasai eta normal" funtzionatzen ari direla.
Espainiako Gobernuak 107 milioi inbertituko ditu Multiverse Computing enpresa donostiarrean
2025ean, Eraldaketa Teknologikorako Espainiako Sozietateak bere babesa eman zion konpainiari 59,2 milioi euroko inbertsioarekin, AAri lotuta aurrerapen teknologikoak sustatzeko helburuarekin.
Bizkaiko Aldundiak iragarritako aldaketa fiskalek langileen artean desberdintasunak sortzen dituztela salatu du ELAk
Aldundiak beherapen fiskalak eskaini nahi ditu enpresak bertan errotzeko eta langileak erakartzeko. ELAren arabera, "enpresarien zerbitzura" egindako neurriak dira, eta langileen artean ezberdintasunak sortuko dituzte.
Araban, AP-68a % 70 merkeago izango dute autoek, eta % 50, kamioiek
Foru Aldundiak azaroan hartuko du bere gain bide horren Arabako zatiaren kudeaketa. Tarifen helburua lurraldeko gaitasun handiko bideen "zaintzeko eta modernizatzeko baliabideak biltzea" izango dela adierazi du.
Osakidetzak deitutako EPEaren azterketak gainditu dutenen batez besteko tasa % 90 ingurukoa da
Epaimahaiek berehala zuzentzen dituzte azterketak, eta Osakidetzak egun berean edo hurrengo egunean argitaratzen ditu notak. Normaltasunez eta gorabeherarik gabe egin dituzte probak.
Osakidetzako EPEaren azken egun handia BECen
Guztira, 13.112 pertsonak eman dute izena Erizaintzako hautaprobak egiteko. Administrari laguntzaile (16.728 hautagai) eta administrari (9.821) lanpostuak betetzeko azterketak ere egin dituzte goizean.
Kutxa Fundazioak Elgoibarko Geminis enpresa erosi du
Lehendik erosita zuen Itziarko Gurutzpe enpresarekin batzea da operazioaren asmoa, talde indartsu baten bidez nazioartean lehiatu ahal izateko. Guztira 70 milioi euro fakturatzea espero dute.
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.