Tubacexek neurriak hartzen jarraituko du bideragarritasuna bermatzeko
Tubacexen Amurrioko eta Laudioko lantegien "etorkizuna babesteko beharrezkoak diren doitze neurri guztiak" aplikatzeko asmoa azaldu die enpresak euskal erakundeei, urte honetarako 18 milioi euroko "galera jasanezinen" aurrean.
Hodien fabrikatzaileak ohartarazi duenez, datozen bi urteetarako talde multinazionalaren aurreikuspenak "oso ezkorrak" dira, eta "sindikatuen jarrera arduragabea" kritikatu du, bi lantegien "bideragarritasuna bermatzeko" proposamenak ez negoziatzeagatik.
Jesus Esmoris Tubacexeko kontseilari delegatuak erabakiaren berri eman die EAEko erakundeetako ordezkariei, Arabako lantegietan fabrikatzaileak duen egoera azaltzen duen gutun batean, konpainiak "herrialdearen egitura ekonomiko eta sozialean betetzen duen paperaren jakitun".
Esmorisen hitzetan, azken hilabeteetan "sindikatuetako ordezkariek mobilizazio ugari egin dituzte enplegu galeraren aurka", eta lantegi horien bideragarritasuna bermatzeko Tubacexeko zuzendaritzak proposatutako neurriak "publikoki" baztertu dituzte, oso ahulduta dagoen merkatu batean".
Esmorisek gogorarazi duenez, "egoera kritiko" horren aurrean, Tubacexek "kostuak murrizteko asmo handiko plan bat" jarri zuen martxan aurtengo lehen hiruhilekoan, "TTI eta Aceralava Arabako lantegien jasangarritasuna irabazteko", bi lantegi horiek baitute talde osoko lan-kostu handienak.
Elkarrizketak
Neurri horiek gorabehera, 2020an izandako "galera handiek" 12 milioira igo dute murrizketa beharra, lantegiak irekita mantendu nahi badituzte. "Eskaeren sarrera asko murrizten ari da eta % 50 eta % 70 artean aplikatzen ari gara aldi baterako erregulazioak", esan du Tubacexeko kontseilari delegatuak.
Esmorisek adierazi duenez, "hilabete hauetan", sindikatuak ez dira euren proposamenak negoziatzen hasi, egungo aldi baterako erregukazioak nahikoak direlakoan, eta TTI eta Aceralavako zuzendaritzari 2021aren amaieratik aurrera edozein neurriren negoziazioari ekiteko deia egin diete, "horrekin guztiarekin galera-egoera bat luzatuz, orain jasanezina dena".
Zure interesekoa izan daiteke
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuko eta UAGA Arabako nekazarien elkarteko ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.
Tubos Reunidosek 88,19 milioi euroko galera ekonomikoa izan du 2026ko lehen seihilekoan
Konpainiak nazioarteko arantzelek eragindako beherakadari eta enplegu-erregulazioko espedientearen negoziazioan zehar lantegietan izandako mobilizazioei egotzi die emaitza negatibo hori.
Etxebizitza-salerosketen kopurua % 8,2 igo da Nafarroan, eta % 13,6 jaitsi da EAEn, maiatzean
Notariotzaren Kontseilu Nagusiaren arabera, etxebizitzaren prezioa % 13,5 garestitu da Nafarroan eta EAEn, berriz, egonkor mantendu da.
BBVAk 6.051 milioi irabazi ditu ekainera arte, iaz baino % 11 gehiago, diru-sarrera errepikariek eta kredituen igoerak bultzatuta
Erakundeak akzioak berrerosteko ezohiko programa berri bat iragarri du, 2.000 milioi eurokoa. Lehenengo tartea, 1.000 milioikoa, abuztuaren 5ean hasiko da.