EAEko sektore publikoan mobilizazio egutegia prestatzen ari dira sindikatuak
Euskal Autonomia Erkidegoko sektore publikoan ordezkaritza duten sindikatuek bilera egingo dute datorren astelehenean (hilak 11), Bilbon, mobilizazio egutegi bat prestatzeko. Eskakizunen artean, behin-behineko 50.000 langile baino gehiagoren enplegua kontsolidatzea aldarrikatzen dute.
ELAk ohar batean jakinarazi duenez, gainerako sindikatuekin batera ari dira mobilizazio egutegi bat taxutzen.
Sindikatuak azpimarratu duenez, urteak daramatzate "behin-behinekotasunaren gaitza" salatzen. Zehazki, EAEko sektore publikoan (Osakidetza, hezkuntza, gizarte zerbitzuak, administrazioa, etab.) lan egiten duten hamar beharginetatik lau "behin-behineko" langileak dira.
"Estatu osoko eta Europako behin-behinekotasun tasarik altuena dugu. Europako auzitegiek ere gaitzetsi izan dute EAEko sektore publikoan behin-behinekotasuna gehiegikeriaz erabiltzea", gaineratu du.
ELAren hitzetan, azken hilabeteetan Espainiako Gobernuak asmoa agertu du "Langile Publikoaren Oinarrizko Estatutua (EPOE) aldatzeko eta sektore publikoan behin-behinekotasunarekin amaitzeko neurriak hartzeko". Ildo horretan, ELAk uste du balizko aldaketa horrek ahalbidetu behar duela "langile publikoen enplegua bermatzea ekarriko duten kontsolidazio prozesuak egitea.
Amaitzeko ELAk nabarmendu duenez, Eusko Jaurlaritzak eta alderdi politikoek bide horretan "egiazko pausoak" eman ditzaten sindikatuak aspaldidanik ari dira euskal sektore publikoan mobilizazioak bultzatzeko lanean.
Zure interesekoa izan daiteke
Tubos Reunidoseko langileek trafiko arazoak eragin dituzte Bilbon, Sabino Arana etorbidea moztuta
Tubos Reunidoseko langileek Sabino Arana etorbidea moztu dute. Argazkia: EITB Media
EBZk inflazioaren gorakada eta hazkundearen moteltzea aurreikusi ditu, Ekialde Hurbileko gerraren ondorioz
Abenduko proiekzioekin alderatuta, aurten bereziki inflazioak gora egingo duela ohartarazi du Europako Banku Zentralak (EBZ), Ekialde Hurbileko gerraren ondorioz energiaren prezioak nabarmen igo direlako.
Angularik ezin dela arrantzatu berretsi du EAEko Justizia Auzitegi Gorenak
Iazko azaroan, 2025-2026rako aurreikusitako angularen kanpaina bertan behera geratu zen EAEn, Eusko Jaurlaritzaren txostenek espeziea egoera kritikoan zegoela egiaztatu baitzuen.
Diesel litroa 2 eurotik gora dago Hego Euskal Herriko gasolindegi askotan
Gasolioaren prezioa % 30,78 igo da martxoan, Irango gerrak eragindako ezegonkortasunaren ondorioz, eta maximo berria ezarri du, litroko 1,916 eurora iritsi baita EAEn, batez beste, 2022ko uztailetik izan duen preziorik garestiena.
Euskadiko CCOOk gaitzetsi du ELAk "seinalamendu kanpaina" darabilela haren kontra, eta adierazi du euskararen aldeko jarrera "integratzailea" duela
Comisiones Obrerasek salatu du sindikatuaren aurkako manifestazio kanpaina bat darabiltzatela beste sindikatuek, euskararekiko eta hizkuntza eskakizunekiko duen jarrera dela eta. Santi Martinez idazkari nagusiak, gainera, Korrikan parte hartzeko "betoa" jarri izana gaitzetsi du, eta sindikatu abertzaleak haien kontra "erakunde ultra batek egingo lukeen moduan" jokatzen ari direla uste du.
Aste Santuan greba egingo dute Bilboko aireportuko Grounforceko lurreko asistentziako langileek
Lanuzteak martxoaren 27an hasiko dira eta apirilaren 1ean (asteazkena), apirilaren 3an (Ostiral Santua) eta 6an (Pazko Astelehena) izango lukete eragina. KPIaren diferentzialari eta erosahalmenari eustea aldarrikatzen dute langileek. Handling enpresa horrek zerbitzua ematen duen Estatuko aireportu guztietan izango dira greba-deialdiak.
Nafarroako Ekonomia eta Gizarte Kontseiluak Irango gerraren ondorioei aurre egiteko neurriak aztertuko ditu
Nafarroako Gobernuak aurreratu du Ministroen Kontseiluak ostiral honetan iragarriko dituen neurriak arretaz aztertuko dituela Nafarroan aplika daitezkeen egiaztatzeko.
"Indarberriturik eta helburua lortzetik gertuago" atera dira langile klasea eta indar sindikala, ELAren eta LABen ustez
Sindikatuen ustez, greba orokorra "klase elkartasun erakustaldia" izan da. LGS propioa lortzeko bideak zabalik daudela adierazi dute (bai patronalarekin, bai Espainiako Kongresuan) eta Jaurlaritzari eta, bereziki, EAJri, eskatu diote argitu dezala Legebiltzarrean eta Espainian dituen jarrera kontraesankorrak.
Atzoko greba orokorra "indar erakustaldia" izan zen, LAB eta ELA sindikatuen aburuz
Radio Euskadin eta Euskadi Irratian egindako elkarrizketetan LAB eta ELAko idazkari nagusiek adierazi dutenez, atzokoak "oso mobilizazio jendetsuak izan ziren, 135.000 pertsona ere batu zirela". "Indarberrituta atera gara", azpimarratu du Garbiñe Aranburu LABen koordinatzaile nagusiak.
Albiste izango dira: Greba orokorraren balantzea, Iranek Ali Larijaniren heriotza eta Ipar Euskal Herriko udal hauteskundeen bigarren itzulia
Orain-ek gaur landuko dituen albiste nagusien laburpena.