2021erako Bizkaiko aurrekontuak onartu dituzte, EAJ eta PSE-EEren aldeko botoekin
Bizkaiko Batzar Nagusietako osoko bilkurak 2021erako aurrekontuak onartu ditu asteazken honetan, Foru Gobernua osatzen duten bi taldeen (EAJ eta PSE-EE) aldeko botoekin. EH Bilduk, Elkarrekin Bizkaiak eta PPk kontra bozkatu dute. Oposizioko taldeek zuzenketarik aurkeztu ez izana kritikatu dute, eta Exekutiboko alderdiek, berriz, proposamenak "maximalistak" direla esan dute.
7.970,8 milioi euroko zenbatekoa duen aurrekontu-proiektua da, 2020an baino % 6 gutxiago; izan ere, covid-19aren pandemiaren ondorioz sorturiko krisiak guztiz baldintzatu du aurrekontua. Hala ere, sailaren eskuragarritasuna % 5,9 handitu da, 1.358,8 milioi euroraino.
Legebiltzarreko izapide horretan, bai EH Bilduk baita Elkarrekin Bizkaiak ere osoko zuzenketak erregistratu zituzten, baina otsailaren 3an osoko bilkurak atzera bota zituen; 600 zuzenketa partzial baino gehiago egin dituzte, eta horietako bakarra, EAJ eta PSErena, sartu dute proiektuan Ogasun Batzordean izandako eztabaidan.
Azkenik, asteazken honetan Batzordearen azken proposamena bozkatu dute, eta, beraz, behin betiko onartu dituzte Bizkaiko bigarren legegintzaldiko aurrekontuak, Diputazioa zuzentzen duten bi alderdien aldeko 33 botorekin eta oposizioko hiru alderdien aurkako 18rekin.
Batzar Nagusietako eztabaidan, oposizioko taldeek Foru Exekutiboari osoko bilkurarako gordetako 600 zuzenketa partzial baino gehiago onartu ez izana kritikatu dute. "Bat bera ere ez al zen berreskuratzeko modukoa?", galdetu dute bozeramaileek.
Arantza Urkaregi EH Bilduko batzarkidearen hitzetan, EAJk eta PSEk ez dute "benetako borondaterik akordioak lortzeko", eta ez dute euren bidetik atera nahi izan aurrekontuen eztabaidan. Batzarkideak uste du pandemiak utzitako lehentasunei aurre egiteko "aukera galdu" dela.
Zentzu horretan, "azken urtean egoera erabat aldatu da, jendearen lehentasunak aldatu dira, baina ez aurrekontu honenak", ohartarazi du.
Elkarrekin Bizkaitik, Eneritz de Madariaga bozeramaileak "arrabola" aplikatzea leporatu die Foru Gobernuko taldeei, "inolako negoziazio jarrerarik gabe". Adierazi duenez, "egiteko gaitasuna dago, kontua borondate politikoa izatea da", baina Foru Gobernuan "aspaldi uko egin zioten Bizkaiko herritarren eskubideen alde lan egiteari". Pandemiarik eta krisi ekonomikorik gabeko urte batentzako moduko aurrekontuak direla kritikatu du, baina "ikusezinarena egin arren, biak hor daudela" gogoratu du.
Bestalde, Amaya Fernandez PPko bozeramaileak esan du bizkaitarrek "aurrekontu hobeak" merezi dituztela, "kaleko errealitateari lotuta" daudenak. Bere ustez, aurrekontuak "kontinuistegiak" dira eta pandemiak sortutako egoerari aurre egiteko "proiektu berri gutxi" aurkeztu dituzte. Bizkaia "koma egoeran" dago eta aurrekontuak "parazetamolaren" antza handiagoa du, "bizkortze prozesu batena" baino.
Maximalistak
Bizkaiko Exekutiboa osatzen duten taldeek oposizioaren proposamen "maximalistak" kritikatu dituzte. Mikel Bagan EAJko batzarkidearen hitzetan, Gobernuaren aldetik "negoziatzeko eta akordioak lortzeko borondatea" egon da, eta "proposamen serioak" aurkeztu ditu, baina oposizioak "ez du sartu nahi izan". Ildo horretan, EH Bilduri kritikatu dio "Espainiako Estatuko beste gobernu batzuekin oso adeitsua" izatea eta EAJk dituen gobernuekin, berriz "guztiz zorrotza".
Baganek azaldu duenez, oposizioaren zuzenketak hainbat arrazoirengatik bota dituzte atzera: "oinarrizko justifikaziorik ez dutelako, Aldundiaren zerbitzuak normaltasunez garatzea eta ematea eragozten dutelako, urte askotako konpromisoen aurka doazelako edo estrategikoak diren eta sozialki bermatu diren proiektuen kalterako direlako".
Azkenik, Juan Otermin PSE-EEko bozeramaileak oposizioari leporatu dio "beste batekin adostasunez zikintzeko beldur" diren proposamenak aurkeztu izana. "Etorkizuna ez da Foru Gobernuaren zeregina zuzentzeko ardura dutenen ekimen eta proiektuei oztopoak jartzea edo besoak jaistea", ohartarazi du ahaldun sozialistak. "Adostasun zabala" lortu ez izana deitoratu du; izan ere, bere ustez, adostasun hori, bizi dugun egoera zail honetan aberasgarria izango litzateke.
Zure interesekoa izan daiteke
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.
Apirilean, 3.368 langabe gutxiago zenbatu dituzte EAEn, eta 833 gutxiago, Nafarroan
Urtearteko datuak alderatuta, langabeziak behera egin du bai EAEn (-3.006) eta baita Nafarroan ere (-588).
Tubos Reunidosek hartzekodunen konkurtsoa aurkeztu du
Enpresak maiatzaren 6an bilera egingo du Trapagaran eta Amurrioko langile batzordeekin. Bestalde, Amurrioko greba mugagabearekin jarraitu ala ez erabakitzeko asanblada egin ahal izateko beharrezkoak ziren 235 sinadurak aurkeztu dituzte Lan Ikuskaritzaren aurrean.
Medikuek mahai sektoriala eratzea eskatu dute, “Osakidetzaren egitura aldatzeko”
Salatu dutenez, lanean jasaten duten "gainkargak" etengabe luzatzen diren "agenda txikle" deritzonak eragiten dizkie, eta horrek haien osasunerako kaltegarria da.
Gipuzkoan, hiru kontrataziotik bi goi-mailako ikasketak dutenek beteko dituzte
Unibertsitatera joan direnek zein graduondoa dutenek kontratuen % 47 biltzen dute, eta bereziki nabarmentzekoa da STEM profilen eskaera handia. Nolanahi ere, kontratazioa aurreikusten duten enpresa guztiek diote zailtasunak dituztela langileak aurkitzeko eta lanpostuak betetzeko.
Eusko Jaurlaritza, Gipuzkoako Foru Aldundia eta Papresako batzordea gaur arratsaldean bilduko dira, CL Groupen eskaintzaren ostean
Hitzordua arratsaldean izango da, Gipuzkoako Foru Jauregian, Extremadurako enpresak Errenteriako paper-fabrika 39 milioi euroren truke erostea planteatu baitu, plantillaren % 72ri eutsita. Langileek aurreratu dute ez dutela proposamena onartuko.
Egunean 188.000 petrolio upel gehiago ekoitziko ditu OPEP+ aliantzak ekainetik aurrera
Bestalde, merkatuaren egoera gertutik aztertzen jarraitzeko konpromisoa hartu dute aliantza osatzen duten herrialdeek, eta berretsi dute garrantzitsua dela "ikuspegi zentzuduna" izatea, "baita ekoizpenaren doikuntza handitzeko, gelditzeko edo kentzeko malgutasuna izatea ere".
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.