Petronorrek 300 langileri eragingo dien aldi baterako lan erregulazioa aurkeztu du
Petronorrek Muskizko birfindegiko lantaldearen herenari, 300 langileri, abenduaren 31ra arte eragingo dien Aldi Baterako Lan Erregulazio Txostena aurkeztu du.
Enpresak argudiatu du covid-19aren pandemiarengatik mugikortasunari jarritako mugen ondorioz birfindegiaren jarduera % 40 murriztu delako proposatu duela neurria. Izan ere, beherakada horrengatik lantegiaren atal batzuk geldirik eduki omen dituzte.
"Garaiotan Petronorrek formakuntzaren aldeko apustua egin du langile guztiak lanpetuta edukitzeko, baina irtenbide hori ezin da betiko luzatu", eta horregatik Aldi Baterako Lan Erregulazio Txostena aurkeztea erabaki du. Gainera, horri esker "2025eko epemugari begira birmoldatze prozesua bermatuko" omen du Repsolena den eta Kutxabank bazkide duen konpainiak.
Petronorren arabera, "mugikortasunaren itzuleraren inguruan dauden zalantzekin, guztia txertaketa prozesura lotuta baitago, ezin da aurreikusi birfindegia noiz itzuliko den ohiko funtzionamendura".
"Gainera, horri gehitu behar zaio trantsizio energetikoak sortutako egoera zalantzatsua, datozen urteetan inbertsio eta proiektu handiak eskatuko dituena, bizirauteko eta gas-isuria 0 izateko helburuarekin", azaldu du konpainiak.
Sindikatuek mobilizazioak egingo dituzte
Bestalde, Petronorreko sindikatuak astearte honetan bilduko dira eta aldi baterako lan-erregulazioa salatzeko mobilizazioak deitzeko egutegia prestatuko dute.
CCOO Euskadi sindikatuak Europa Press agentziari azaldu dioenez, "iazko balantze ekonomikoaren arabera, enpresak 300 milioi euro baino gehiagoko galera izan zuen, horietatik 180 milioi produkzioari lotuta daude eta gainerakoak petrolioaren prezioaren jaitsieran ondorio dira".
"Zuzendaritzak gastu finkoari eusteko neurriak hartzea erabaki zuen. Otsailean bederatzi neurri aurkeztu zizkiguten, tartean aldi baterako lan-erregulazioa. Baina lantaldea ez da arazoa eta enpresaren galerak ez dira lan-erregulazio batekin konponduko; izan ere, lantaldeak 2 milioi euroko balioa dauka eta galera produktiboa 180 milioitik gorakoa izan da", ohartarazi dute.
Zure interesekoa izan daiteke
Osakidetzak deitutako EPEaren azterketak gainditu dutenen batez besteko tasa % 90 ingurukoa da
Epaimahaiek berehala zuzentzen dituzte azterketak, eta Osakidetzak egun berean edo hurrengo egunean argitaratzen ditu notak. Normaltasunez eta gorabeherarik gabe egin dituzte probak.
Osakidetzako EPEaren azken egun handia BECen
Guztira, 13.112 pertsonak eman dute izena Erizaintzako hautaprobak egiteko. Administrari laguntzaile (16.728 hautagai) eta administrari (9.821) lanpostuak betetzeko azterketak ere egin dituzte goizean.
Kutxa Fundazioak Elgoibarko Geminis enpresa erosi du
Lehendik erosita zuen Itziarko Gurutzpe enpresarekin batzea da operazioaren asmoa, talde indartsu baten bidez nazioartean lehiatu ahal izateko. Guztira 70 milioi euro fakturatzea espero dute.
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.
Albiste izango dira: Saretzen mugikortasunari buruzko azterlana, Osakidetzako inoizko LEP handiena eta "Mitoaroa III"
Gaurkoan Orain-en albiste izango direnen laburpena, bi hitzetan.
Nafarroak etxebizitza berrien stocka agortu zuen 2025eko amaierarako, eta Euskadik % 0,23ra murriztu zuen
Urte amaieran, 2.502 etxebizitza zeuden saldu gabe Euskal Autonomia Erkidegoan (EAE). Espainiar Estatuan, berriz, saldu gabeko etxebizitza berrien stocka 452.670 etxebizitzakoa izan zen.
Zabalik dago Tubos Reunidos erosteko interesa agertzeko epea
Hartzekodunen konkurtsoa kudeatzen duen epaileak erosketa-prozesua aktibatu du eta konkurtso-administratzaileak prozesua bideratzeko jarritako arauak onartu ditu. Lehentasuna ematen dio talde osoa saltzeari.
Ekitaldi eta ikuskizunetako teknikariek greba egingo dute berriz
“Patronalaren pasibotasunaren aurrean”, maiatzaren 15ean egin zuten bezala, greba egingo dute Bilbao BBK Liveko zein Gasteiz, Donostia eta Bilboko jaietako egun banatan.