Mobilizazio gehiago iragarri dituzte sektore publikoan
ELA, LAB, CCOO, Satse, ESK eta Steilas sindikatuek mobilizazioak bultzatzen jarraituko dute Euskal Autonomia Erkidegoan (EAE), Eusko Jaurlaritzak eta alderdi politikoek "enplegu publikoa finkatu eta sortzeko beharrezko pausoak eman eta zerbitzu publikoak indartu arte".
Egoeraren aurrean, sindikatuek berehala biltzeko deia egingo diete Eusko Jaurlaritzari, Eudeli eta alderdi politikoei, "haien esku dagoelako, eta ez beste batzuetan, zerbitzu publikoak indartzea eta behin-behinekotasunaren gaitza pairatzen duten 60 000 langile baino gehiagori enplegua finkatzea".
Horrekin batera, helburu hori lortzeko beharrezkoak diren mobilizazioak eta greba egunak bultzatzen jarraituko dute. Hain zuzen, datozen asteetarako honako mobilizazio hauek adostu dituzte: maiatzaren 25ean, manifestazio-mobilizazioa Gasteizen; ekainaren 1ean, elkarretaratzeak EAEko sektore publiko osoko lantokietan; eta ekainaren 5ean, manifestazioak Donostian, Bilbon eta Gasteizen.
Apirilaren 22ko grebaren "oso balorazio positiboa"
EAEko sektore publiko osorako deitutako mobilizazioei eta apirilaren 22ko grebari buruzko "oso balorazio positiboa" egin dute sindikatuok.
"Milaka langile publikori greba eskubidea ukatzen zieten gutxieneko zerbitzuak ezarri eta pertsonen mugikortasuna asko baldintzatzen zuen pandemia egon arren, 18 000 langilek baino gehiagok parte hartu zuten EAEko hiru hiriburuetan deitutako manifestazioetan", nabarmendu dute sindikatuotako ordezkariek ostiral honetan Bilbon egindako prentsa agerraldian.
Jaurlaritzak, erakundeek eta alderdiek emandako erantzuna
Aitzitik, ez dute balorazio bera egin "sindikatuek eta mobilizazioetan aktiboki parte hartu zuten euskal sektore publikoko milaka langilek egindako eskaerei Eusko Jaurlaritzak, erakundeek eta alderdi politikoek emandako erantzunari buruz".
"Eusko Jaurlaritzak, propaganda adierazpenak alde batera utzita, euskal sektore publikoko 60 000 langile baino gehiago finkatzeko benetako urratsik eman gabe jarraitzen du, eta, Europako behin behinekotasun ranking altuenaren lehen tokian dagoen bitartean, pribatizazioaren aldeko apustuarekin jarraitzen du", salatu dute.
Halaber, sindikatuen iritziz, Eusko Jaurlaritzak Kidegoen eta Eskalen Lege Proiektuan barneratutako proposamena "ez da nahikoa, eta behin behinekotasunaren gaitza pairatzen duten langile gehienak bere aplikaziotik at uzten ditu". "Ez mahai orokorrean, ez eta mahai sektorialetan ere, ez du enplegu publikoa finkatzeko bidean aurrera egiteko borondaterik agertzen", gaineratu dute.
Gainerako erakundeei eta euskal alderdi politikoei dagokienez, deitoratu dute egun ez dutela "benetako proposamenik" ikusten "zein zerbitzu publiko nahi eta behar ditugun erabakitzeko eta euskal enplegu publikoa finkatzeko".
Albiste gehiago ekonomia
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".