Aldi baterako lan-erregulazioak irailaren 30era arte luzatu ditu Espainiako Gobernuak
Aldi baterako lan-erregulazioak irailaren 30era arte luzatzeko Errege Dekretu-legea onartu du arratsalde honetan Espainiako Gobernuak ezohiko bilera batean. Beharginak lanera bueltatzea sarituko dute, eta lan-erregulazioan jarraitzea ezinbestekoa denean, enpresek ordaindu beharreko kotizazioak murriztuko dituzte.
Horrez gain, autonomoei zuzendutako laguntzak luzatuko dituzte, eta jarduera etenda duten bitartean zerga-salbuespenak izango dituzte.
Jose Luis Escriva Gizarte Segurantzako ministroak azpimarratu du Espainiako Gobernuak "ahalegin ekonomiko handia" egin duela babes-neurri hori luzatuta. Aldi baterako lan-erregulazioak eta autonomoentzako laguntzak kontuan hartuta, 19.000 milioi euro bideratu ditu orain arte, eta datozen lau hilabeteetan beste 2.000 milioi jarriko ditu.
Horrez gain, Yolanda Diaz Lan ministroak iragarri du langileei lanaldia egokitzeko aukera aitortzen dien plana indarrean mantentzea eta kulturaren sektoreko beharginei zuzendutako laguntzak bideratzea onartu dutela gaurko ezohiko bileran.
Orain arteko neurri asko bere horretan mantenduko dituzte: kaleratzeak debekatuta egongo dira eta aldi baterako kontratuetan ez da etenaldirik izango. Halaber, dibidenduen banaketari, ordu estrei eta zerbitzuak kanpora ateratzeari lotutako baldintzak berdinak izango dira.
Alabaina, Gizarte Segurantzari enpresek egin beharreko ordainketak arinduko dituzte eta laguntzak handiagoak izango dira berriro hartutako langile bakoitzeko, lan-erregulazioan mantentzen denean baino, Gizarte Segurantzaren eta Lan ministerioek zabaldutako oharraren arabera.
Horrela, bada, langileak beren jarduerara bueltatzen direnean, kuotaren % 95 ordaintzetik libratuko dira 50 behargin baino gutxiagoko enpresak ekainean, uztailean, abuztuan eta irailean; eta murrizketa hori % 85ekoa izango da konpainia handien kasuan.
Langileak lan-erregulazioan mantenduz gero, Gizarte Segurantzari ordaindu beharreko kuotan egingo zaien murrizketa % 85ekoa izango da enpresa txikietan (50 langiletik behera) eta % 75ekoa enpresa handietan (50etik gorakoak). Irailean murrizketa hori % 60koa izango litzateke.
Zure interesekoa izan daiteke
Kutxa Fundazioak Elgoibarko Geminis enpresa erosi du
Lehendik erosita zuen Itziarko Gurutzpe enpresarekin batzea da operazioaren asmoa, talde indartsu baten bidez nazioartean lehiatu ahal izateko. Guztira 70 milioi euro fakturatzea espero dute.
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.
Albiste izango dira: Saretzen mugikortasunari buruzko azterlana, Osakidetzako inoizko LEP handiena eta "Mitoaroa III"
Gaurkoan Orain-en albiste izango direnen laburpena, bi hitzetan.
Nafarroak etxebizitza berrien stocka agortu zuen 2025eko amaierarako, eta Euskadik % 0,23ra murriztu zuen
Urte amaieran, 2.502 etxebizitza zeuden saldu gabe Euskal Autonomia Erkidegoan (EAE). Espainiar Estatuan, berriz, saldu gabeko etxebizitza berrien stocka 452.670 etxebizitzakoa izan zen.
Zabalik dago Tubos Reunidos erosteko interesa agertzeko epea
Hartzekodunen konkurtsoa kudeatzen duen epaileak erosketa-prozesua aktibatu du eta konkurtso-administratzaileak prozesua bideratzeko jarritako arauak onartu ditu. Lehentasuna ematen dio talde osoa saltzeari.
Ekitaldi eta ikuskizunetako teknikariek greba egingo dute berriz
“Patronalaren pasibotasunaren aurrean”, maiatzaren 15ean egin zuten bezala, greba egingo dute Bilbao BBK Liveko zein Gasteiz, Donostia eta Bilboko jaietako egun banatan.
Pirinioetako abeltzainek hartzak zaintzeko eskatu dute, horien kopurua abeltzaintza estentsiboarekin "bateragarria" izan dadin
Ezkaroze eta Aribe herrietan, etxeetatik gertu dauden eremuetan, bi hartz ikusi dituzte asteburuan. Hartza hain gertu izateak kezka zabaldu du inguruko abeltzainen artean, abere taldeetan zer ondorio izango dituen beldur.
Tubos Reunidosko langileen batzordeak konpainiaren jarraipena bermatzeko eskatu du Diputatuen Kongresuan
Amurrioko lantegiko beharginen ordezkariak Diputatuen Kongresuko hainbat talderekin bildu dira, tartean Podemos eta EH Bildurekin, legez besteko proposamen bat aurkezteko. SEPIren zorra akzio bihurtzea eskatu dute, jarduera eta enplegua bermatzeko, hala nola plan industrial bat eta bankuei laguntzeko neurriak hartu ditzatela, besteak beste, BBVAri, akziodun eta hartzekodun gisa. Tubos Reunidosek 263 milioi euroko zorra duen hartzekodunen konkurtso bati aurre egin behar dio.