Oraindik Corrugados berriro irekitzeko "aukera" badagoela esan du Tapiak
Azpeitiko Corrugados lantegia berriro irekitzeko balizko aukerak zeresana ematen jarraitzen du. Atzo, Cristian Lay Taldeak ziurtatu zuen proiektu "sendoa" aurkeztu ziela Eusko Jaurlaritzari, Gipuzkoako Foru Aldundiari eta Azpeitiko Udalari, zortzi hilabeteko epean Azpeitiko lantegia zabaltzeko. Nagore Alkorta Azpeitiko alkateak, ordea, erantzun du "Azpeitiko Udalak ez duela Corrugados irekitzeko proiektu ekonomikorik, ez dagoela jarduera hori abiarazteko administrazio prozedurarik martxan". Arantxa Tapia Ekonomiaren Garapen, Jasangarritasun eta Ingurumen sailburua izan da hitz egiten azkena, eta oraindik ere lantegia martxan jartzeko aukera badagoela esan du.
Radio Euskadiko "Boulevard" saioan egin dioten elkarrizketan, Corrugados auzia izan du hizpide. "Administrazioek informazio gehiago eskatu behar dute eta enpresen kontsultei erantzun", adierazi du Tapiak. "Proaktiboak izan behar dugu, enpresara hurbildu, xehetasunez ezagutu eta irtenbide bat bilatzen saiatu". Ildo horretan, pausoa emateko eta enpresarekin hitz egiteko eskatu dio sailburuak Nagore Alkorta alkateari, "oraindik posible delako". "Corrugados proiektua oraindik ez dago galduta", gaineratu du. Halaber, ukatu egin du erakundeen edo alderdi politikoen arteko eztabaida dela.
"Erakargarriak izaten jarraitzen dugu gaitasun teknologikoagatik, prestatutako pertsonak eta lehen mailako hornitzaileak izateagatik eta arrazoi fiskalengatik". Iberdrolak sustatutako eta azkenean Guadalajaran eraikiko duten elektrolizagailuen lantegiari dagokionez, Arantxa Tapiak azaldu du Cummins enpresak dirulaguntzak baloratu dituela: "I+G arloan laguntzarik onenak ditugu. Enpresa batek bere teknologia Euskadin garatu edo partekatu nahi ez badu, ez da gure eredua". Arantxa Tapiak ez du "porrot" gisa hartu Iberdrolaren erabakia. "Lor dezagun Euskadiko hornitzaileek enpresa horrentzat lan egitea eta zeharka enplegua sortzea", erantsi du.
Bestalde, Tubacexeko gatazka "konplexua" ez ezik, "gaiztotuta" dagoela onartu du Tapiak. Lan-erregulazioko espedientearen harira, "ahalegina eskatu diegu bi aldeei, baina jarrerak oso kontrajarriak dira". Horren esanetan, Eusko Jaurlaritza aldeekin hitz egiten ari da, "aukerarik ba ote dagoen ikusteko".
Zure interesekoa izan daiteke
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuaren eta UAGA Arabako nekazarien elkartearen ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.