Kongresuak 'ezkutu sozialeko' neurriak luzatzea babestu du "beste mekanismo iraunkor batzuk hartu arte"
Pandemia garaian onartutako 'ezkutu sozialeko' neurriak luzatzeko proposamena babestu du Diputatuen Kongresuko osoko bilkurak ostegun honetan, "beste mekanismo iraunkor batzuk hartu arte".
EH Bilduk legez besteko proposamena aurkeztu zuen, etxegabetzeak eta energia zein ura moztea debekatzeko eta alokairuaren ordainketa aldi baterako atzeratzeko aukera ematen duten neurriak iraunkor bihurtzea eskatzeko.
Asteartean, koalizio gobernuko alderdiek, PSOEk eta Unidas Podemosek, 'ezkutu sozialeko' neurriak luzatzeko akordioa lortu zuten EH Bildurekin, "inguruabarrak tarteko, beharrezkoa den bitartean, eta izaera iraunkorreko beste mekanismo batzuk hartu arte".
PSOEk, Unidas Podemosek, Esquerra Republicanak, EH-Bilduk, Juntsek, CUPek, Más País-Equok, Teruel Existek, Nueva Canariasek, Compromisek eta BNGk ekimenaren alde bozkatu dute, eta PPk, Voxek, Ciudadanosek, UPNk, Foro Asturiasek eta Coalicion Canariak, berriz, kontra. EAJ, PDeCAT eta PRC abstenitu egin dira.
Espainiako Gobernuak 2020ko martxoaren 31n onartu zituen lehen aldiz neurriok, covid-19aren hedapena geldiarazteko alarma-egoeraren dekretuaren ondoren, eta ordutik luzapenak bata bestearen atzetik onartu ditu.
Zure interesekoa izan daiteke
Urrearen eta zilarraren prezioak behera, pasa den astean markak hautsi ostean
Pasa den urtarrilaren 29an ezarri zuen urreak bere azken marka (5595,47 dolar), zilarrak bezala (121,65 dolar).
Tubos Reunidoseko Amurrioko eta Trapagarango batzordeek bilera egingo dute gaur, EEEaren inguruko jarrera erabakitzeko
Enplegu Erregulazio Espedienteak bi lantokiri eragiten dien arren, enpresak espediente bakar gisa negoziatu nahi du. Horregatik, jarrera komun bat ezarri nahi dute bi batzordeek.
Tubos Reunidos: Trumpen muga-zergek bultzatutako krisiaren gakoak
Konpainiak produkzioaren % 40 galdu du, bere merkatu nagusia (% 45eko kuota) AEB baita. Txerra Molinuevo Amurrioko alkatea zuhur bezain kezkatuta agertu da, "Tubos Reunidos motor ekonomikoa baita eskualde osoan".
Nafarroako Volkswagenek ohartarazi du 93 langile finko egiteak lan-erregulazioko espediente batean amaitu dezakeela
Enpresak "legezkotasuna zorrotz beteko" duela ziurtatu dio batzordeari bilera batean, Lan Ikuskaritzak behin-behineko 93 langile finko egitea agindu ostean. Sindikatuek akordiorako proposamena egin dute.
32 urteko langile bat hil da Zumaiako enpresa batean, pieza handi batek jota
Estaños Matiena enpresan jazo da ezbeharra, LAB sindikatuak jakinarazi duenez. Enpresa horrek hainbat salaketa zituen prebentzio-araudia ez betetzeagatik, sindikatuak salatu duenez.
UGT, CC. OO. eta USO sindikatuek akordioa sinatu dute Arabako garbiketa-hitzarmenerako
ELA eta LAB sindikatuek, aldiz, baztertu egin dute aurreakordioa, "amore ematea" delakoan, eta "atzerakada nabarmena" dakarrela iritzita. Uste dute "langileak erosteko ahalmena galtzeko arriskuan" egongo direla, "azken bost urteetan gertatu den bezala".
Tubos Reunidosek enplegu-erregulazioko espediente bat proposatuko du Amurrio eta Trapagarango lantegietan
Tubos Reunidoseko zuzendaritza bi lantegietako enpresa-batzordeekin bildu da gaur goizean, lan-erregulazioko espedientea iragarri ondoren. Sindikatuetako iturrien arabera, bileran, zuzendaritzak planteatuko dituzten neurriak aurkeztu ditu. Kontsulta aldiak, paraleloak eta bi lantegietarako, otsailaren 9an hasiko dira, eta asmoa da negoziazioa bi enpresa batzordeekin negoziazio mahai bakar batean garatzea.
EAEn batez besteko soldata % 3,6 haziko da 2026an, KPIaren gainetik beste urte batez
LKS Nextek egindako ikerketa baten arabera, profil profesional teknikoak, industrialak, digitalak eta AAri eta datuen analisiari lotutakoak dira gehien behar direnak.
KPIa bost hamarren moteldu da espainiar estatuan urtarrilean, % 2,4raino
Hiru hilabetez jarraian jaitsi da KPIa, 2025eko urrian azken 16 hilabeteetan izandako igoerarik handiena ( % 3,1) jasan ostean.
Lanbide arteko gutxieneko soldata % 3,1 igotzea adostu du Espainiako Gobernuak CCOO eta UGT sindikatuekin
CEOE eta Cepyme patronalek ez dute igoera babestu. Lanbide arteko gutxieneko soldata hilean 1.221 eurokoa izango da (14 paga), 518 euro gehiago urtean, eta neurriak atzerako eragina izango du 2026ko urtarrilaren 1etik aurrera.