Eusko Jaurlaritzak 305 milioi euro bideratuko ditu emisioak murrizteko eta energia berriztagarriak indartzeko
Eusko Jaurlaritzak 2021-2024 aldirako Trantsizio Energetikoaren eta Klima Aldaketaren Plana onartu du astearte honetan, isurketak murrizteko, energia berriztagarriak indartzeko eta lurraldea klima-aldaketaren eraginetara egokitzeko.
Zehazki, 2024. urtea horizontetzat hartuta, Eusko Jaurlaritzak % 30 murriztu nahi ditu berotegi-efektuko gasen isurketak, energia berriztagarrien kuota energiaren azken kontsumoaren % 20 izatea lortu nahi du eta euskal lurraldearen erresilientzia segurtatu nahi du klima-aldaketaren aurrean.
Arantxa Tapia Ekonomiaren Garapen, Jasangarritasun eta Ingurumeneko sailburuak azaldu duenez, Euskadik indartu egiten du nazioartean hartutako helburuak lortzeko hartuta duen konpromisoa, klima-aldaketaren oraingo abiadura murrizten laguntzeko eta haren ondorioen aurrean erantzuteko ahalmena handitzeko, ondorio horiek jadanik agerikoak baitira zenbait alorretan.
Ildo horretan, sailburuak nabarmendu du oso garrantzitsua dela "arriskuei aurrea hartzea eta aurreikustea, muturreko egoeren aurrean alerta-sistema ona izateko eta horiei aurre egiteko baliabide nahikoak izateko".
"Horregatik, larrialdiak, babes zibila eta osasun-sistema indartzea funtsezko elementuak dira dokumentu honetan", gaineratu du.
Sailburuak azaldu duenez, zeharkako plan bat da, energia- eta klima-aldagaiak batzen dituen ikuspegi batekin egina, eta arriskuen aurreikuspena eta aurrea hartzea jasotzen ditu.
Tresna hori aitzindaritzat jo du, eta, azaldu duenez, proiektuen artean nabarmentzekoak dira energia berriztagarriak garatzeko lurraldearen antolamendu "eredugarria" lortzera bideratutakoak eta ozeanoetako energien nazioarteko erreferente bihurtzera bideratutakoak.
Era berean, planak honako neurriak jasotzen ditu: EAEko industria lurreko eta itsasoko azpiegitura eolikoen garapen teknologikoaren abangoardian kokatzea, eguzki-energia fotovoltaikoko instalazioen ezarpena erraztea eta Euskadin hidrogenoaren ekoizpen-, banaketa- eta kontsumo-ekosistema bat sortzea.
Mugikortasun iraunkorraren esparruan, proposamenen helburua da energia- eta ingurumen-konpromisoei erantzuna emango dien eredu bat ezartzea, ekonomia zirkularraren bidez berotegi-gasen eragina murriztea eta karbono-hustubideen potentziala handitzea. Era berean, planak udalerriak eta kostaldeko azpiegiturak klima-aldaketarako prestatzea sustatu nahi du.
Plan hori Euskadiko Trantsizio Energetikoari eta Klima Aldaketari buruzko lehen Legearen aurreko urrats gisa onartu dute. Lege hori izapidetze-prozesuan dago gaur egun, eta, horren bidez, Eusko Jaurlaritzak nahi du EAE erkidegoko arau-testuingurura egokitutako Europako lehen eskualdeen artean kokatzea. Horri esker, Tapiaren arabera, EAEko Administrazio Publikoa energia-trantsiziorako "eredu" izango da.
Plana hiru ardatz nagusitan egituratzen da, neutraltasuna, lurraldearen erresilientzia eta ekintza klimatikoaren zeharkakotasuna eta trantsizio energetikoa lortzera bideratuak; eta bederatzi jardun-ildo horiek 15 ekimen enblematiko biltzen dituzte, lan-eremu espezifikoetan, hala nola energia berriztagarrietan, hiri-berroneratzean edo ekonomia zirkularrean, industrian, lehen sektorean edo larrialdietan, eta zeharkako eta beharrezko eremuetan, berrikuntzan esaterako.
Munduko Aliantza
Ildo horretan, sailburuak gaineratu duenez, "klima-aldaketari erantzuteko ekintza gehiago behar dira; horregatik, gaur ere urrats bat ematen dugu euskal industria herrialdearen erronka honen buruan jartzeko apustuan".
Horrela, Eusko Jaurlaritzak Euskadiko Net Zero Industria Klusterraren Aliantza bultzatuko du. Aliantza horren bidez, euskal industriak 2050ean zero isurketa garbiak egiteko konpromisoa hartuko du, eta asteazken honetan eratu eta aurkeztuko dute Barakaldoko BECen.
Tokiko ekimen bat da, eta bertan industria-klusterrek parte hartuko dute, aliantza horren enpresa sortzaileen (Petronor eta Iberdrola) inplikazioarekin, eta "mundu mailako hurrengo jauzia" eman nahi du.
Zure interesekoa izan daiteke
Hegazti-gripea dela eta, gauritk aurrera milioi bat oilo baino gehiago konfinatuko dituzte Nafarroan eta Araban
Nafarroako 12 udalerritako eta Arabako 6 udalerritako etxeko hegazti konfinatuta egongo dira gaurtik aurrera, hegaztien gripeak Europan izan duen gorakadaren ondorioz. Nekazaritza Ministerioak lasaitasuna eskatu du, baina zuhur ibili behar dela azpimarratu du, kutsatzeak saihesteko eta birusa hedatzea geldiarazteko.
Etxebizitza sailburuak dio gehiago eraiki behar dela
EITB DATAk ezagutzera emandako datuak aztertu ditugu Denis Itxaso Etxebizitza eta Hiri Agenda sailburuarekin. Dioenez, etxebizitza gehiago eraiki behar da, baina horretarako lurzorua behar da. Epeak murriztea ere helburutzat jarri du sailburuak eta hiruzpalau urtean emaitzak ikusiko direla ziurtatu du.
Azken hamarkadan, nabarmen handitu da hipotekarako eskatzen dugun diru-kopurua: % 30 gehiago
Azken hamarkadan, etxebizitza ordaindu ahal izateko hipoteken zenbatekoak gora egin du Euskadin, Nafarroan eta Espainian. Izan ere, 2024. urtean azken hamarkadako markak hautsi ditugu.
Etxebizitzen eraikuntza gelditu den arren... Salerosketen kopurua zifra historikoetan dago EAEn eta Nafarroan
Euskadi 80ko hamarkadako erritmoan ari da eraikitzen, eta, hala ere, maximo historikoak gainditu ditu etxeen salerosketa-kopuruari dagokionez. Hori lortzeko, batez ere, bigarren eskuko etxebizitzen merkatua ari da mugitzen: saltzen diren etxeen % 85 ez dira berriak.
Nolakoak dira eraikitzen ari diren etxebizitza berriak?
Eraikitzen diren etxebizitzetatik zenbat dira babestuak? Eta, libreak? Zenbat dira ohiko etxeibizitzak? Eta zenbat daude bizilagunik gabe? Galdera horiek eta beste batzuek EITB Dataren azken txostenean dute erantzuna.
Alokairuak gora egin du Hego Euskal Herrian: sei etxetatik batean horrela bizi dira
EITB Dataren arabera, azken hamarkadan, Euskadin, Nafarroan eta Espainian alokairuan bizi diren etxebizitzen ehunekoa sei puntu inguru igo da.
Metro koadroa duela hamar urte baino % 35 garestiagoa da gaur egun Euskadin
Albiste honen barruan aurkituko duzun mapa interaktiboan, nabigatu dezakezu bizi zaren eremu funtzionaleko metro koadroaren prezioa zein den jakiteko: Donostiak jarraitzen du ranking horren buruan, eta ondoren datoz Getxo, Donostialdea eta Mungialdea.
Kamioilariek protesta egin dute Iruñean, "Bidesariei ez" lelopean
Ehun kamioilari baino gehiago bildu dira protestan larunbat honetan Iruñean. Garraiolari nafarrak bidesariak "inposatzearen aurka" agertu dira, eta hauek eskatu dituzte: "bidezko fiskalitatea, azpiegituretan hobekuntzak, belaunaldien arteko erreleboa eta garraiolarien duintasun profesionala bermatuko duten neurri eraginkorrak".
Talgo % 9,7 igo da burtsan Sidenorrek konpainiaren % 30 erosi ondoren
Talgoren kotizazioa ordubete inguru egon da etenda ostiraleko saioan, konpainiak Balore Merkatuaren Batzorde Nazionalari Sidenorrek akzio-pakete hori erosi duela jakinarazi aurretik.
Sidenorren arabera, Talgok "etorkizuneko proiektu sendo batekin" ekin ahalko dio etapa berriari
Mikel Jauregi Eusko Jaurlaritzako Industria sailburuaren esanetan, euskal partzuergoak Talgoren % 29,76 erosteko sinatutako akordioa "mugarri oso garrantzitsua" da urtea amaitu aurretik operazioa gauzatu ahal izateko. EAJk euskal industriaren aldeko apustuaren erakusgarri gisa ospatu du operazioa; EH Bilduk, berriz, albiste ontzat jo du, nahiz eta izen aldaketa eskatuko duen eta beheranzko joera hartua duen euskal ekonomiarentzat lagungarria izatea espero du.