Bilboko, Basauriko eta Gasteizko alkateek informazio gehiago eskatu dute behin-behineko geltokien inguruan
Basaurin eta Gasteizen (lurrazalean) AHTaren behin-behineko geltokiak eraikiko dituztela jakin eta biharamunean, informazio gehiago eskatu dute Bilboko, Basauriko eta Gasteizko alkateek. Lehenengo biak "haserre" agertu ziren atzokoan, erabakiaren berri ez zutelako. Iñigo Urkullu lehendakaria eta Denis Itxaso Espainiako Gobernuak EAEn duen bozeramailea giroa lasaitzen saiatu dira gaur, eta tren lasterra Euskadira heltzearen garrantzia azpimarratu dute.
Juan Mari Aburto Bilboko alkateak aitortu duenez, ez zitzaizkion atzoko iragarpenaren "moduak" gustatu, baina ez du kritika gehiago egin nahi izan: "Garrantzitsuena aurrera begiratzea da. Albiste ona da AHTa lur azpitik helduko dela Bilbora". Aipatu du Arriolarekin bat egin dutela ekitaldi batean, eta labur hitz egin dutela kontuaren inguruan.
Dena dela, esan du Garraio Ministerioarekin eta Jaurlaritzarekin batera bildu nahiko lukeela azpiegitura horren "bidaia-orria" zehazteko. Horren ustez, hiru erakundeen arteko proiektu "korala da" eta hiruren elkarlana beharrezkoa da.
Kritikoago azaldu da Asier Iragarri Basauriko alkatea. Euskadi Irratiari egindako adierazpenetan, informazio gutxi duela eta aldi baterako dela behin betiko bilakatuko ote den beldur dela aitortu du.
AHTaren proiektuaren azken aldaketei buruzko informazioa "idatziz lehenbailehen jasotzea" eskatu du Iragorrik, tren lasterrak Basaurin eta basauriarrengan izango duen eragina zein izango den jakiteko.
Gorka Urtaran Gasteizko alkateak ere onartu du behin-behineko konponbidea, baina behin betiko ez bihurtzea eskatu du. "Akordioak betetzeko daude, eta Gasteizen ez da kabitzen behin-behineko geltoki bat. Normala da obrek irauten duten bitartean irtenbide bat ematea, baina horrek ez du esan nahi onartuko dugunik behin-behineko geltoki bat, behin-behinekotasuna behin betiko bihurtzen delako horrelako proiektu batean", ohartarazi du.
Hortaz, "ahalik eta lasterren, hitzetatik ekintzetara pasatzea" eskatu du, AHTa "proiektu guztiz estrategikoa delako gure etorkizunerako".
Zure interesekoa izan daiteke
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.
Sopela eta Urduliz bizitegi-merkatuko gune tentsionatu izendatu ditu Eusko Jaurlaritzak
Bizkaiko bi udalerriek urtarrilean eta otsailean eskatu zuten izendapena, eta hiru urteko hasierako indarraldia izango du, luzatzeko aukerarekin.
Espainiako Gobernuak diesela 20 zentimo jaitsiko du irailean, uztailean prezioak gora egin ostean
KPIa lau hamarren igo da uztailean, % 3,6raino Espainia osoan, erregaien eta elektrizitatearen garestitzeak bultzatuta. EAEn, hazkundea bost hamarrenekoa izan da, % 3,7raino. Nafarroan, aldiz, zazpi hamarrenekoa, % 3,4ra arte.
HLREk Megapark merkataritza-gunea saldu dio NEPI Rockcastleri, 254 milioi euroren truke
Akordio honek, NEPI Rockcastlek Europako merkataritza-zentroen sektorean duen presentzia indartuko du, eta Bizkaian erreferentziazko aktibo nagusietako bat gehituko dio bere merkataritza-ondareari.
Euskadiko ikuskizunetako teknikariek grebari eutsi diote, lehen hitzarmen kolektiboaren negoziazioa blokeatuta dagoela salatuta
Lanuzteek abuztuaren 14an eta 26an jarraituko dute, Donostiako eta Bilboko jaiekin bat eginez.
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.