"Orain arte lortutakoaren balioa azpimarratu, eta beti bezala, gure eskubideak aldarrikatuko ditugu kalean"
Herri eta hirietako kaleak hartuko dituzte, berriro, gaur euskal pentsiodunek. Pentsio duinen aldeko aldeko aldarria erdigunean jarrita, kalitatezko osasun sistema publikoa exijituko dute. Protestak hasi zituztenetik lau urte bete direnean, Euskal Herriko Pentsiodunen Mugimenduak orain arte egindako bidearen balioa ere nabarmendu nahi du gaurko protestetan, Maria Serrano Mitxelena Alderdi Ederreko Pentsiodunen Mugimenduko kideak esan duenez. "Egindako bidean azpimarra jarri, eta gure betiko aldarri nagusia oihukatuko dugu: 1.080 euroko gutxieneko pentsioa", adierazi du.
Halaber, covid-19aren pandemiak osasun sisteman "agerrarazi dituen hutsuneak" salatzeko ere baliatuko dituzte gaurko protestak, "bereziki, Lehen Arretan ikusten ari garen gabeziak". Ildo horretan, hainbat izapide web bidez bideratu behar izateak pentsiodunen zati handi bat bazterrean uztea ekarri duela uste du Serranok, "askok eta askok ez baitute plataforma digitaletarako sarbiderik". "Formulario digitalak, aurretiazko hitzorduak, telefonoak kolapsatuta ... bide horietatik Lehen Arretara iristea ezinezkoa bilakatu da askorentzat", gehitu du.
Espainiako Gobernuak aurrera atera nahi duen lan-erreforman jaso nahi dituen hainbat eduki ere gaitzetsiko dituzte manifestariek, "etorkizuneko pentsioetan eragin zuzena izango dutelako orain hartuko dituzten erabakiek". Alderdi Ederreko Pentsiodunen bozeramailearen iritzian, "muga asko dituen erreforma da". Azpimarratu duenez, bestalde, urte honetarako iragarritako KPIren eta pentsioen igoerak alderatuta, erosteko ahalmena %3 murriztuko zaie.
Indartsu ekingo diote urte berriari pentsiodunek, eta 2022an bide horri eustea da euren asmoa, harik eta helburuak lortu arte. Halere, Serranok aitortu du egindako bideaz gogoeta egiteko eta aurrera begirako lan-dinamikak birpentsatzeko ordua ere badela.
12:00etan abiatuko dira protestak Gasteizen (Correos Plaza), Donostian (Alderdi Eder), Bilbon (Kale Nagusia) eta Iruñean (Baluarte Plaza), eta beste hainbat herritan, tartean, Eibarren, Ondarroan, Tafallan, Altsasun eta Lizarran.
Zure interesekoa izan daiteke
Euskal gehiengo sindikalak martxoaren 17ko greba orokorra erregistratuko du bihar
ELAk, LABek, Steilasek, ESK-k, Etxaldek eta Hiruk lanbide arteko 1.500 euroko gutxieneko soldata proposatu dute 2026rako. EAEko eta Nafarroako parlamentuek ezarri beharko lukete.
Arrantzaleen kofradiek jarduna etengo dute astelehen honetan, EBren araudi berriaren aurka protesta egiteko
Kofradiek ez dituzte kontrol neurri berriak begi onez ikusi, besteak beste, betebehar polemikoak inposatzen dizkietelako, hala nola porturatzeko abisua lau ordu lehenago eman behar izatea eta harrapaketen erregistroa "zero kilotik aurrera" egin behar izatea. Eskakizun horiek, sektorearen arabera, ez datoz bat baxurako arrantzaren eguneroko errealitatearekin.
Ordena berriaren urtea: euskal ekonomia, Trumpen muga-zergek baldintzatuta
Bilboko Portuan, AEBrekiko merkataritza-jarduera bikoiztu egin da, gas inportazioei esker. Hala ere, EAEtik AEBra egindako esportazioak % 11 murriztu dira, eta inportazioak % 4,5. Adituek premiazkotzat jo dute Europako araudia egokitzea.
EBk eta Mercosurrek merkataritza akordio historikoa sinatu dute, Lula faltan zela
Bi eskualdeek ia 26 urteko negoziazio aldia amaitu dute, akordioa adostu eta harremanetarako esparru berri bat ezarrita. Europako nekazariak eta EBko dozena erdi bat estatu akordioaren kontra daudenez, ituna berresteko prozesua gogorra izango da, aurreikuspenen arabera.
Getariako Txakolinak uzta berriaren 3,3 milioi botila merkaturatuko ditu
Jatorri Deituraren arabera, 2025eko uzta "kalitate onekoa" da, eta, kantitatez, 2024koaren "parekoa ia". 31 upategi daude deituraren baitan, eta guztira 479 hektarea dituzte landatuta, aurreko urtean baino 21 gehiago.
Enbalatze lerroa saltzea eta paperaren sektorean enplegu erregulazioko espediente bat ezartzea aztertzen ari da Papresa
Balizko erosleak, CL Grupo Industrial talde extremadurarrak, kartoizko plantan soilik du interesa, "paper salmentak izugarri jaitsi direlako". Enbalatzeek, ostera, online salmentei esker, errentagarritasun handia dutela argudiatu dute.
Nola eragingo dio EB-Mercosur merkataritza akordioak gure ekonomiari?
Haragi ekoizleen ustez, EB-Mercosur merkataritza akordioak lehia desleiala ekarriko du. Ardo eta olio ekoizleek, berriz, esportazioak handitzea espero dute. Batzuentzat aukera dena nekazaritza eta abeltzaintza sektorean mehatxua da; hori dela eta, ez dute baztertzen protestei eustea.
EBk eta Mercosurrek merkataritza akordio historikoa sinatuko dute gaur, baina akordioa berresteko prozesua gogorra izango da
Munduko merkataritza libreko eremu handienetako bat sortuko da, 700 milioi pertsonari eragingo diena.
Garai latzak bizi dituzte merkatu plazek
Herri askotako merkatu plazak erdi hutsik daude; postuetako askok pertsiana bota behar izan dute. Durangon eta Laudion, esate baterako, hainbat postu botatzen dituzte faltan. Erosketa saskia betetzeko ohiturak aldatu dira eta, gaur egun, zaila da hiriburuetan ez dauden merkatuak bezeroz lepo ikustea.
Elgoibarko Merkatu Plazak ateak itxi ditu
Amaia Mendikuteren fruta-dendak soilik eutsi dio zabalik azken egunera arte. Hunkituta eta eskertuta esan dio agur lantoki izan duen postuari. Orain, osasun-zentro berria eraikiko dute espazio horretan.