Espainiako Gobernuak eta kideek "egonkortasuna" bermatuko dute, lan erreforman bat etorri ez arren
Pedro Sanchezen Gobernua eta kide nagusietako batzuk bat datoz: lan erreformak eragindako desadostasunak (ERC, EH Bildu eta EAJren ezezko botoekin) ez du norabide aldaketarik suposatuko legealdian, eta ez du arriskuan jarriko betearazlearen egonkortasuna. Orain Ciudadanosekin ados jarri den arren, ohiko aliatuekin negoziatzen jarraituko du.
Espainiako Gobernutik nabarmendu dute "gehiengo progresistak" aurrera egingo duela eta legeak onartzen jarraituko dutela etorkizunean. Hori dela eta, UPN eta Ciudadanosen babesarekin itxitako lan erreformaren botazioak ez du eraginik izango. Ines Arrimadasen babesa ere eskertu dute.
Sozialistek eta Unidas Podemos taldeak ez dute arriskuan ikusten legealdia, lege dekretua baliozkotzeko batera lan egin ostean.
Kazetariei egindako adierazpenetan, Hector Gomez Kongresuko PSOEko bozeramaileak eta Adriana Lastra alderdi bereko idazkariordeak azaldu dute taldeekin hitz egiten jarraituko dutela, orain arte bezala, akordioak bilatzeko. Izan ere, indarren korrelazioaz jabetuta daude.
"Bi urte ditugu aurretik herrialde hau eraldatzeko, eta geure betiko kideekin egingo dugu", azpimarratu du Lastrak. Onartu du oraingoan ez dela posible izan batura hori, baina nabarmendu du "zailtasunak beti gainditzen" direla, eta gobernu-kideekin duten harremana ona dela.
Gainera, ez dute uste desadostasunak inflexio-puntua suposatuko duenik ERC edo EH Bilduren lerroetan. Azken horiek adierazi dutenez, bozketa honetan inbestidura blokea hautsiz gero, hurrengo pausoa da berregiteko lan egitea, legealdiak ezkerretik jarrai dezan.
Kataluniako errepublikanoek uste dute Gobernua dela "erretratatuta" gelditu dena, eta Diputatuen Kongresuan eratutako baturak inorentzat kosturik izango badu, Yolanda Diaz Lan ministroarentzat izango duela.
Aldeko botoa eman duen Joan Baldoví Compromiseko diputatuak deitoratu du erreforma inbestiduraren gehiengoak ez onartzea. Haren aburuz, horrek "sendotasun mezua" bidaliko zukeen. Edonola ere, ez du aurreikusi egonkortasuna arriskuan jarriko duen hausturarik, "jendea arduratsua delako", eta aprobetxatu behar duten aukera-leiho baten aurrean daude.
Ciudadanosek, oraingoan betearazlearekin lerrokatu delarik, ez du iraulketarik espero estrategian, jarraikortasuna baizik. Talde laranjatik azpimarratu dute euren jarrera ez dela aldatu, eta babestu egiten dituztela interes orokorrerako onuragarri ikusten dituzten arauak. Gobernuarekin izandako elkarrizketak lan erreformaren esparrura mugatu dira eta ez dira etorkizunaz aritu, azaldu dutenez.
Albiste gehiago ekonomia
Villavesetako langileek greban jarraitzearen alde egin dute, oso bozketa estu batean
Garraio publikoko langileen % 50,6k egin dute grebaren alde; sei botoko aldeagatik gailendu da aukera hori. TCC enpresak ohartarazi du ez duela negoziatuko lanuztea bertan behera utzi arte.
Mondragon Korporazioko Diknua kooperatibak 1,5 milioi ordaindu ditu Ternuagatik eta 56 lanpostu mantenduko ditu
Donostiako Merkataritza arloko 1 zenbakiko Epaitegiak konpainiaren 56 enpleguak Euskadin mantentzea ekarriko duen operazioa baimendu du, "lan-baldintzak eta antzinatasuna errespetatuz".
Honelakoa da Internet bidezko iruzurren aurkako banku-egiaztapen berria
Hemendik aurrera, hartzailearen izena eta IBAN kodea bat ez badatoz, erabiltzaileari jakinaraziko dio bankuak, transferentzia bidezko iruzurrak errotik mozteko.
Estatuan, EAEn sortu dira abuztuan enpresa berri gehien, % 24,1eko hazkundearekin
Guztira, 201 enpresa sortu dira Euskal Autonomia Erkidegoan, eta 9,7 milioi euroko kapitala izenpetu dute. Sozietate mugatu gisa sortu dira guztiak.
SAPA Transmission konpainia gipuzkoarrak AEBko Armadaren ibilgailu blindatuen transmisio sistema egingo du
2025-2030 Plan Estrategikoaren arabera, konpainiak partaidetza handia izango du kontratuetan, eta 7.000 unitate egingo ditu datozen urteetan.
Gaur amaituko da Sabadelleko akziodunek BBVAren eskaintza onartu ala ez erabakitzeko epea
Epea amaitu baino ordu batzuk lehenago, Cesar Gonzalez Bueno Banco Sabadelleko kontseilari delegatuak ziurtatu du BBVAk eman dituen datuak "boluntaristak" direla. BBVAren esanetan, Sabadelleko akzioen % 50 trukatu dituzte, baina Sabadellek esan du ez direla % 30era heldu.
"Iaz, azoka egin eta hilabetera, enpresen % 35ek esan ziguten kontratazioak edo elkarrizketak izaten ari zirela"
Donostian, Enplegu Azoka egiten ari dira, Gipuzkoako Merkataritza Ganberaren eskutik. Gipuzkoako Ganberako Ezagutzaren Kudeaketa Arloko zuzendari Ana Ugalderen hitzetan, azoka aukera "zoragarria" da langabetuentzat zein ibilbide profesionala aldatu nahi dutenentzat, eta azokan bertan lana topatzeko aukerak daudela erantsi du.
LABek eta Steilasek egun osoko lanuzteari eutsi diote urriaren 15ean, Gazako genozidioa salatzeko
Gasteizen agerraldia egin dute LAB eta Steilas sindikatuetako ordezkariek, urriaren 15ean Hezkuntzan deituta duten egun osoko lanuzteari eusten diotela azaltzeko. Hezkuntzako komunitatea osatzen duten kide guztiei dei egin diete herri eta hirietan egingo diren mobilizazioetan parte hartu eta Palestinari babesa adierazteko. EAEko hiru hiriburuetan 12:30ean egingo dira manifestazioak.
Oronak lantegi berri bat eraikitzeko 60 milioi euroko inbertsioa egingo du Hernaniko lurretan
Orona enpresak 60.000 metro koadroko lur-eremua erosi duela iragarri du, igogailuen sektorean ariko diren 150 lanpostu sortzeko helburuz.
Ryanairrek txalotu egin du eskuko ekipajearen espedientea, eta Kontsumok “airelineak defendatzea” leporatu dio EBri
Europako Batzordeak zalantzan jarri ditu Espainiako Gobernuak kostu txikiko hegaldien bost konpainiari ezarritako 179 milioiko zigorrak; kontsumitzaileek eta Bustinduy ministroak, berriz, Bruselaren “menpekotasuna” salatu dute aireko sektorearen presioen aurrean.