Greba eguna dute gaur Bizkaibusen zerbitzua ematen duten Avanza Durangaldea enpresako langileek
Bizkaibusen zerbitzua eskaintzen duten Avanzada Durangaldea enpresako langileak 24 orduko greba egitera deituta daude gaur. Besteak beste, enpresa batzordeak eskatzen du 2020tik iraungita dagoen lan hitzarmena berritzea. Langileen ordezkariek salatu dutenez, zuzendaritzak "uko egiten dio hitzarmen berria negoziatzeari, eta murrizketa eta aldaketa gehiagorekin erantzuten du".
Avanza Durangaldea enpresak 350 langile eta 75 autobus baino gehiago ditu, eta greba deialdiak Eibar, Elorrio, Ermua, Laudio, Arrasate eta Urduña inguruan dabiltzan autobusei eragingo die.
Goizeko lehen ordutik ekin diete protestei, kontzentrazio eta autobus karabana batekin. Karabana Lemoatik irten da 07:00etan eta Bilbon amaituko da.
Mobilizazio horiekin, egindako hobekuntza planteamenduak onartzeko eskatzen diote langileek zuzendaritzari. Halaber, Bizkaiko Foru Aldundiari bitartekari lanak egitea eskatzen diote.
Urtea hasi zenetik egiten duten bigarren greba eguna da, urtarrilaren 7koaren ondotik.
Gutxieneko zerbitzuak Bizkaibuseko webgunean kontsultatu daitezke.
Zure interesekoa izan daiteke
Argindarraren prezioa 200 euro/MWh-tik gorakoa izango da asteartean, 2022tik lehen aldiz
CC. OO.k eta UGTk greba orokorra deitu dute udazkenerako
Osakidetzak LEPa egingo du 2027an, estaldura zaileko plazak betetzeko, eta erizaintzakoak ere jasoko ditu
Bilboko metroaren Errekalde eta Matiko arteko linea egiteko lanek sei urte iraungo dute
Milaka lagun kalera atera dira berriro etxebizitza ez dela negozioa aldarrikatzeko
Eusko Jaurlaritzak ia sei milioi euro bideratuko ditu lehen sektorera lehortearen eta kostera txarraren ondorioak konpentsatzeko
G7ak 100 milioi petrolio- eta diesel-upel askatuko ditu lau hilabetez
Etxebizitza izan da protagonista 10 egunetan
Adegik ezkortasun handia antzeman du Gipuzkoako enpresetan, batez ere industrian
