Lehendakariak ohartarazi du ez dela Osakidetzan "greba egiteko unea"
Iñigo Urkullu lehendakariak ostegun honetan ohartarazi duenez, ez da Osakidetzan "greba deitzeko garaia". Defendatu du euskal osasun sistemak "maila handiko erantzuna" eman diela pandemiak eragindako arazo guztiei.
Hala erantzun dio Urkulluk Miren Gorrotxategi Elkarrekin Podemos-IU taldeko ordezkariak Eusko Jaurlaritzako kontrol batzordean botatako galderari. Zentzuzkotzat jo du sindikatuek Osakidetzan bi greba egun iragartzea, otsailaren 25 eta 28rako.
"Zentzuzkoa ez dena da Eusko Jaurlaritzak eskaera hauei" eta zerbitzu publiko honen "egiturazko arazoei erantzuna emateko duen ezgaitasuna". Gorrotxategiren aburuz, arazo horiek "2008an hasitako murrizketen eta plangintza zein pertsonal faltaren emaitza" dira.
Lehendakariak onartu du Osakidetzak arazoak dituela, baina zehaztu du gainerako erkidegoek eta inguruko osasun-sistemek ere badituztela, eta azpimarratu du "hasieratik maila handiko erantzuna" eman zaiela.
"Arazoak eta zailtasunak ezagutu eta ulertu egiten ditut, baina ez da greba deitzeko unea, arreta eta osasun publikoa bermatzen jarraitzekoa baizik", adierazi du.
Urkulluk ziurtatu du ezin dela Osakidetzaren egiturazko arazoez hitz egin, eta familiako medikuen eskasiari egotzi dio zailtasun nagusia. "Arazo hau ez du greba batek konponduko", esan du.
Gaineratu duenez, pandemia gorabehera, Eusko Jaurlaritzaren baliabideak "ez dira urriak", bere lehentasuna delako euskal osasungintza publikoa mantentzea. Gogorarazi du Estatuko baloratuena dela, Osasun Publikoaren Defentsarako Federazioaren arabera.
Errepikatu duenez, urtero pertsonako osasun-gastua 1.984 eurokoa da, sistemaren aurrekontua 2019ko 3.800 eurotatik aurtengo 4.300 eurora igaro da, 45.700 profesional ditu 2019ko 40.900en aurrean, eta martxan da 3.525 lanpostuko OPEa.
Zure interesekoa izan daiteke
Zubietako erraustegiko langileek osasun bermeak eskatu dituzte bederatzi langile intoxikatu ostean
Langileek garbitzaileen egungo akordioa ordezkatuko duen lan-esparru espezifiko bat eskatzen dute, eta erraustegiko azpiegituren segurtasun-falta salatzen dute
UAGAk Barredo sailburuaren dimisioa eskatu du bazkaren aferaz egindako adierazpenengatik
Nekazarien elkarteak Jaurlaritzaren "immobilismoa" salatu du, eta "sektoretik urrundu izana". Bestalde, ENHE sindikatuak lehorte egoera izendatzea eta "ezohiko laguntzak" eskatu ditu jasandako kaltea konpentsatzeko.
Euriborra % 3tik gora dago 2024ko irailetik lehen aldiz, eta hipotekadunen gaineko presioa handitu du
Adierazleak 2026an izan duen goranzko joera sendotu du, baina adituek gogorarazi dute eguneko datua dela, ez hileko batez bestekoa, hau da, hipoteka gehienak berrikusteko benetan erabiltzen den indizea.
Zubietako erraustegiko langileek salatu dutenez, enpresak "negozioa segurtasunaren aurretik jartzen du"
Abuztuaren 19an sute bat izan zen Ekobalen, eta bederatzi langile intoxikatu ziren beharrezko babes ekipamendurik gabe aritu zirelako sua itzaltzeko lanetan.
Grebarako aukera aztertzen ari dira garraiolariak, gasolioaren prezioaren ondorioz
Hileko gastua 2.000 euro inguru igo zaie otsailetik hona, eta garraiolari batzuek momentuz kamioiak aparkatzea erabaki dute. HIRU sindikatuko kamioilariek, berriz, lanuzteak egiteko aukera eztabaidatuko dute asanbladan, eta erabaki bateratua hartuko dute bertan.
Apartamentu turistikoetako gaualdiak % 23,3 igo dira uztailean EAEn, eta sarrerak % 9,7
Landa-ostatuen kasuan, sarrerak % 2,8 handitu dira eta gaualdiak % 5,6 jaitsi, 2025eko hilabete bereko datuekin alderatuta.
Amaia Barredo: "Eusko Jaurlaritza lanean ari da abeltzainekin hartutako epeak eta konpromisoak betetzeko"
Amaia Barredo Eusko Jaurlaritzako Elikadura, Landa Garapen, Nekazaritza eta Arrantza sailburuak aurreratu duenez, Jaurlaritzak "irailaren hasieran" abeltzaintza-sektorearen esku jarriko ditu lehengai batzuk batera erosteko bideak, lehorteak eragindako belar eskasia dela eta. Radio Euskadin ostiral honetan egindako elkarrizketa batean Barredok esan duenez, Bazka Mahaia oraindik deituta ez badago ere, ez da atzerapenak egongo: "Administrazioa ez dago bileraren zain erosketa bateratua prestatzeko".
Abeltzainak haserre, Bazka Mahaia irailera atzeratu duelako Jaurlaritzak
Eusko Jaurlaritzak bazkaren beharrei buruz egindako inkestan 435 ustiategiren erantzunak jaso ditu eta horiekin hartuko ditu erosketa bateratuaren kopuruari eta hornitzaileei buruzko erabakiak. UAGAk eta ENHEk lan egiteko modu eraginkorragoak eskatu dituzte. Hala ere, guztiak ados daude, etorkizunera begira bazkari buruzko plangintza bat behar dela esatean.
Hoteletako sarrerak % 7,7 igo dira uztailean EAEn, eta gaualdiak % 6,7
Sarrera guztien % 58,8 eta gaualdien % 59,9 atzerritar jatorriko pertsonenak izan ziren, 2025eko uztailean baino % 11,1 eta % 11,7 gehiago, hurrenez hurren.
Txakolinaren mahats-bilketa aurreratu dute, beroagatik
Txakolinaren mahats-bilketa ohi baino lehenago hasiko da beroaldien ondorioz. Ekoizleen arabera, data hauek ez dira ohikoak mahats-bilketari ekiteko. Etengabe egiten dituzte analisiak mahastietan, mahatsak azukre eta garraztasun puntua noiz hartuko dituen zehatz-mehatz jakiteko, eta biltzeko une egokiena heldu da.