Lan Ikuskaritzak 898 arau-hauste atzeman zituen 2021ean Euskadin, ia erdiak laneko segurtasunarekin lotuta
Lan Ikuskaritzak 19 zehapen-espediente eta istripu hilgarri edo oso larriengatiko 16 zuzenketa-errekerimendu ireki zituen 2021ean Euskadin, eta istripu larriengatiko 73 zehapen-espediente eta 94 zuzenketa-errekerimendu, Lan eta Enplegu Sailak asteazken honetan argitaratutako balantzearen arabera.
Guztira, 898 arau-hauste detektatu zituzten, eta horietatik 396 laneko segurtasun eta osasunarekin lotuta zeuden, 15.132 jarduketatan (9.058 segurtasun eta osasunaren arloan).
Idoia Mendia lehendakariorde eta Lan eta Enplegu sailburuak eman du horren berri, Elena Perez Barredo Lan sailburuordearekin eta Iciar Gonzalez Lan Ikuskaritzako zuzendariordearekin batera.
Mendiak nabarmendu duenez, Ikuskaritzak ekitaldian zehar egindako esku-hartzeari esker, berrikusi ziren 33.816etatik 16.494 kontratu mugagabe bihurtu ziren.
Kopuru horiekin, lehendakariordeak berretsi egin du bere Sailak zerbitzu hori indartzeko konpromisoa duela, eta gogorarazi du legegintzaldi honetan Ikuskaritzako plantilla egungoa baino hamar lanpostu gehiagotan handituko dela, 54 ikuskatzailera iritsi arte, hau da, duela 10 urte baino % 42 gehiago.
Istripu hilgarri, oso larri eta larriez gain, Ikuskaritzak 126 zehapen-espediente eta 112 zuzentzeko errekerimendu ireki zituen istripu arinengatik 2021ean.
Balantze osoak adierazten du kontratua aldatu zaien pertsona gehienak emakumeak direla. Gainera, Ikuskaritzak istripu-tasa eteteko talka-plan bat hasiko du gaur bertan, istripu larri gehien detektatu diren enpresetara berariaz bideratuta.
Zure interesekoa izan daiteke
Lekeitioko arrantzale bat hil da Senegalgo uretan
Bermeoko ATUNSA enpresako langilea zen. LAB sindikatuaren esanetan, "heriotza ez traumatiko" gisa sailkatu dute, eta enpresa horretan aurten izan den bigarren heriotza ez traumatikoa izan dela salatu du.
Pakistandarrak lanean esplotatzeagatik ikertutako hiru pertsonak aske utzi dituzte, Espainiatik irtetea galarazita
Ikertuek epailearen aurrean ez deklaratzeko eskubideari heldu diote, eta epaileak pasaportea kentzea eta hileko lehenengo egunean eta hamabosgarrenean epaitegian agertzea agindu du.
A-15 autobidea osorik zabalduko dute igandean, tunelak egokitzeko lanak guztiz amaitu ostean
Asteburuan behin-behineko seinaleak eta obrako gainerako elementuak kenduko dira eta, lanak bukatzeko, Andoain eta Berastegi artean itxita egongo da errepidea, ostiral gauetik igandera bitarte.
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan, Bilboko egoitzan. Erakundeetako eta enpresa munduko ordezkariak bildu ditu ekitaldiak, eta konpainiaren historia gogora ekarri dute. "Argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolaren presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.