Elkarrizketa Sozialerako Mahaia martxoaren 15ean bilduko dela iragarri du Mendiak
Idoia Mendia Eusko Jaurlaritzako bigarren lehendakariorde eta Lan eta Enplegu sailburuak iragarri duenez, Elkarrizketa Sozialerako Mahaia martxoaren 15ean bilduko da. Bilera otsailaren 8an zen egitekoa, baina CCOOk eskatuta, atzeratzea erabaki zuten. Mendiak foro horren "eraginkortasuna eta balioa" aldarrikatu ditu.
Sindikatuak, patronala eta Jaurlaritza biltzen dituen mahaia Kongresuak lan erreforma onartu ostean bildu behar zen, baina CCOOk atzeratzea eskatu zuen EAJk kontra eginda Estatuko elkarrizketa prozesuari "osoko zuzenketa" egin ziola ulertu baitzuen.
Mendia APDk eta Adeccok Bilbon antolatutako "Lan erreforma. Susperraldi ekonomikorako lan merkatu berria" izeneko jardunaldian izan da goizean, eta bertan egin ditu adierazpenak. Sailburuaren ustez, Euskadiko gizarte agenteen papera "ezinbestekoa" da programa eta politika publiko berriak adosteko, eta esparru horretan bera buru duen Sailak "elkarrizketa eta akordioak" bilatuko ditu.
Onartutako lan erreforma hizpide, lehendakariordeak uste du ez dela "nahikoa langabezia tasa jaistea, ezta enplegu garbia sortzea ere, gakoa kalitatean dago". Azpimarratu duenez, "lan erreformak, dituen edukiengatik eta oinarrian duen gizarte agenteen arteko akordioarengatik, orain arte egindakoa indartzen du".
Horren iritzian, "garrantzitsuak diren adostasun orotan bezala, inor ez da asebete geratu, eta beraz, lortutakoa ez da inorena eta guztiona da".
Eusko Jaurlaritzako Lan eta Enplegu sailburuak 2021eko lan merkatuaren bilakaera errepasatu du, eta aurten "beste etapa bat zabaldu" dela nabarmendu. "Ziurgabetasunak badaude, baina baita aukera handiak ere", erantsi du.
"Hain justu, azken bi hilabeteotan ikusi dugun bezala, orain ari gara ikusten lan erreformaren erabilgarritasuna. Behin-behinekotasun handia dugu, eta gure ekoizpen ehunari galga jartzen dio. Baina lan erreformak joera aldaketa baten zantzuak eman dizkigu, eta martxoaren 31rako, trantsizio garaia amaitzen denerako, indartu egingo da joera hori. Izan ere, hortik aurrera kontratu oro mugagabea izango da".
Zure interesekoa izan daiteke
Lekeitioko arrantzale bat hil da Senegalgo uretan
Bermeoko ATUNSA enpresako langilea zen. LAB sindikatuaren esanetan, "heriotza ez traumatiko" gisa sailkatu dute, eta enpresa horretan aurten izan den bigarren heriotza ez traumatikoa izan dela salatu du.
Pakistandarrak lanean esplotatzeagatik ikertutako hiru pertsonak aske utzi dituzte, Espainiatik irtetea galarazita
Ikertuek epailearen aurrean ez deklaratzeko eskubideari heldu diote, eta epaileak pasaportea kentzea eta hileko lehenengo egunean eta hamabosgarrenean epaitegian agertzea agindu du.
A-15 autobidea osorik zabalduko dute igandean, tunelak egokitzeko lanak guztiz amaitu ostean
Asteburuan behin-behineko seinaleak eta obrako gainerako elementuak kenduko dira eta, lanak bukatzeko, Andoain eta Berastegi artean itxita egongo da errepidea, ostiral gauetik igandera bitarte.
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan, Bilboko egoitzan. Erakundeetako eta enpresa munduko ordezkariak bildu ditu ekitaldiak, eta konpainiaren historia gogora ekarri dute. "Argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolaren presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.