Elkarrizketa Sozialerako Mahaiaren bilera atzeratu dute CCOOk eskatuta
Eusko Jaurlaritzak, Confebaskek eta sindikatuek datorren astearterako aurreikusitako Elkarrizketa Sozialerako Mahaia atzeratzea adostu dute, EAJk Diputatuen Kongresuan lan erreformaren aurka bozkatu ostean CCOOk egindako eskaerari erantzunez.
Lan eta Enplegu Saileko iturrietatik azaldu dutenez, Idoia Mendia sailburu eta lehendakariordeak CCOOren eskaera eragile guztiei helarazi ostean hartu dute erabakia.
"Iritzi guztiak bildu ostean, Eusko Jaurlaritzak, Confebaskek eta sindikatuek CCOOren eskaera onartzea erabaki dute", adierazi dute aipatu iturrietatik.
Dena den, batzarra dekretuak aurreikusten duen epearen barruan egingo da, hau da, urteko lehenengo hiruhilekoan, eta erakundeak urtean egiten dituen bi osoko bilkuretako lehenengoa izango da.
Batzar horretan urteko egitasmoa onartuko dute, mahaian parte hartzen dutenek lortutako akordioekin batera. ELA eta LAB sindikatuek ez dute parte hartzen mahai horretan.
Iñigo Urkullu lehendakariak esan zuen CCOOk Elkarrizketa Sozialerako mahaian parte hartzen jarraitzea nahi duela, hori dela "logikoena eta positiboena", "Euskadin Elkarrizketa Sozialerako Mahaiak funtzionatu" egiten duelako.
Zure interesekoa izan daiteke
Volkswagenek asteburuko txanda gehigarria jarriko du abian Nafarroako lantegian
Langileei zuzendutako izen-emateak berriro ireki dituzte, baita lan-poltsa zabaldu ere, asteartetik aurrera.
Arrigorriagako osasun-zentro berria 2030ean irekitzea aurreikusten du Osakidetzak
Gauzak ondo bidean, lanak 2028ko lehen hiruhilekoan hasiko dira, egungo zentrotik gertu dagoen lursail batean. Asmoa da espazio-gabeziak konpontzea eta zerbitzu berriak eskaintzea. Laguntza gaitasuna handituko du familia medikuntza, ama-haurren zaintza eta fisioterapia arloak biltzen dituzten instalazio modernoekin.
Euskadiko pentsioen batez besteko zenbatekoa % 4,1 hazi da, eta 1.648 eurotik gorakoa da orain
Pentsio-modalitate ohikoenak honako hauek izan dira: erretirokoak (398.600 pentsio eta 1.909,25 euro batez beste), alarguntzakoak (132.270 eta 1.170,41 euro) eta ezintasun iraunkorrekoak (43.031 eta 1.590,25 euro).
Zubietako erraustegiko langileek osasun bermeak eskatu dituzte, bederatzi langile intoxikatu baitira
Langileek garbitzaileen egungo akordioa ordezkatuko duen lan-esparru espezifiko bat eskatzen dute, eta erraustegiko azpiegituren segurtasun-falta salatzen dute
UAGAk Barredo sailburuaren dimisioa eskatu du bazkaren aferaz egindako adierazpenengatik
Nekazarien elkarteak Jaurlaritzaren "immobilismoa" salatu du, eta "sektoretik urrundu izana". Bestalde, ENHE sindikatuak lehorte egoera izendatzea eta "ezohiko laguntzak" eskatu ditu jasandako kaltea konpentsatzeko.
Euriborra % 3tik gora dago 2024ko irailetik lehen aldiz, eta hipotekadunen gaineko presioa handitu du
Adierazleak 2026an izan duen goranzko joera sendotu du, baina adituek gogorarazi dute eguneko datua dela, ez hileko batez bestekoa, hau da, hipoteka gehienak berrikusteko benetan erabiltzen den indizea.
Zubietako erraustegiko langileek salatu dutenez, enpresak "negozioa segurtasunaren aurretik jartzen du"
Abuztuaren 19an sute bat izan zen Ekobalen, eta bederatzi langile intoxikatu ziren beharrezko babes ekipamendurik gabe aritu zirelako sua itzaltzeko lanetan.
Grebarako aukera aztertzen ari dira garraiolariak, gasolioaren prezioaren ondorioz
Hileko gastua 2.000 euro inguru igo zaie otsailetik hona, eta garraiolari batzuek momentuz kamioiak aparkatzea erabaki dute. HIRU sindikatuko kamioilariek, berriz, lanuzteak egiteko aukera eztabaidatuko dute asanbladan, eta erabaki bateratua hartuko dute bertan.
Apartamentu turistikoetako gaualdiak % 23,3 igo dira uztailean EAEn, eta sarrerak % 9,7
Landa-ostatuen kasuan, sarrerak % 2,8 handitu dira eta gaualdiak % 5,6 jaitsi, 2025eko hilabete bereko datuekin alderatuta.
Amaia Barredo: "Eusko Jaurlaritza lanean ari da abeltzainekin hartutako epeak eta konpromisoak betetzeko"
Amaia Barredo Eusko Jaurlaritzako Elikadura, Landa Garapen, Nekazaritza eta Arrantza sailburuak aurreratu duenez, Jaurlaritzak "irailaren hasieran" abeltzaintza-sektorearen esku jarriko ditu lehengai batzuk batera erosteko bideak, lehorteak eragindako belar eskasia dela eta. Radio Euskadin ostiral honetan egindako elkarrizketa batean Barredok esan duenez, Bazka Mahaia oraindik deituta ez badago ere, ez da atzerapenak egongo: "Administrazioa ez dago bileraren zain erosketa bateratua prestatzeko".