Euskadiko garraio sektoreak "bizitzen jarraitzeko neurriak" eskatu ditu
Erregaien kostuagatik greban dauden 300 garraiolari inguruk parte hartu dute asteazken honetan Langraiz Okatik (Araba) Eusko Jaurlaritzaren Gasteizko egoitzara abiatu den karabana batean, Jaurlaritzari "sektoreak bizitzen jarraitu ahal izateko neurriak" eskatzeko.
Karabanak 8 kilometroko luzera izan du, eta, horren ostean, Hiru sindikatuko ordezkari Alberto Nuñezek ohartarazi du garraiolariak "egoera kritikoan" daudela, "egoera jasangaitza"; izan ere, azken urteotan Gipuzkoako bidesariak bezalako kostuei gasolioaren garestitzea gehitu behar zaie orain.
Azaldu duenez, 2021ean erregai horren kostua % 26,5 igo zen, eta Errusiak Ukraina inbaditu ostean, azken astean litroaren prezioa euro erdi igo da.
Egungo egoeran, "garraiolari autonomoak edo bi edo hiru ibilgailu dituen enpresa txikiak", adierazi du Nuñezek, "ezin du lanik egin, eta egiten badu, galerekin lan egiten du", "oso zaila egiten baitzaio kostu erantsi guztia fakturan jasanaraztea". Izan ere, lanean jarraitzen duten kamioiak "enpresa handietakoak, flotistak" eta atzerritarrak direla esan du.
"Urteetan sektoreari bizkarra ematea" leporatu die Hiruko ordezkariak administrazioei, eta "abantailarekin jokatzen duten figurak" baimendu izana leporatu die, "kooperatiba faltsu eta enpresa deslokalizatu gisa, kostu sozial eta tributario desberdinekin lan egiten dutenak, betiere garraio merkea izateko asmoz".
Erakundeei eskatu die laguntza eta garraiolarien "aldarrikapen historikoei erantzuteko", garraiolariek "jarraitu ahal izateko babesa senti dezaten" eta "sektorearen egungo egiturari eusteko", "% 85ean autonomoek eta oso tamaina txikiko enpresek osatua"; izan ere, Euskadin, industriaren gehiengoa "garraiolari txikiekin lan egiten duten" enpresa eta tailer txikiak dira.
Hiruren kalkuluen arabera, jardunaldiaren jarraipena nagusi izan da berriro, "kamioilari gehienok ikusten dugulako gelditu egin dela eta ez dela lanera atera".
Bestalde, azken orduetan, Bilboko Portuan piketeak izaten ari dira, eta eta sektoreko hainbat enpresak, Galdakaoko, Zornotzako eta Larrabetzuko industrialdeetan (Bizkaia), instalazioetan aparkatutako ibilgailu astunen sabotajeak salatu dituzte.
Bilboko Portuak Santurtzin eta Zierbenan dituen instalazioetako sarreretan, piketeen eta Ertzaintzaren artean tentsio uneak izan ziren atzo, eta egoera lasai egon da gaur goizeko lehen orduetan, greba egiten ari diren kamioilariak asanbladan baitzeuden mobilizazio gehiago erabakitzeko.
Sarbide horietan piketeak desagertu diren arren, oso kamioi gutxi sartzen dira Bilboko portura salgaiak kargatzeko edo deskargatzeko, EFEk bertan baieztatu ahal izan duenez.
Zure interesekoa izan daiteke
Egunean 188.000 petrolio upel gehiago ekoitziko ditu OPEP+ aliantzak ekainetik aurrera
Bestalde, merkatuaren egoera gertutik aztertzen jarraitzeko konpromisoa hartu dute aliantza osatzen duten herrialdeek, eta berretsi dute garrantzitsua dela "ikuspegi zentzuduna" izatea, "baita ekoizpenaren doikuntza handitzeko, gelditzeko edo kentzeko malgutasuna izatea ere".
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.
Tubos Reunidoseko langile talde batek Amurrioko greba mugagabeari buruzko erreferenduma egitea eskatu du
Enpresa batzordeak deituta, martxoaren 15etik daude greba mugagabean Amurrioko lantegian. ELAk, LABek eta ESK-k babestu zuten lanuztea, eta CCOO eta UGT kontra agertu ziren. Azken horiek hasieratik eskatu dute grebari buruzko erabakia erreferendumean hartzea.
Behargin bat hil da Zamudion, lan-istripuz
Langileak 61 urte zituen. Ezbeharra ostegun goizean gertatu da, Ugaldeguren industrialdean, eta biktima bertan hil da, osasun-zerbitzuek esku hartu duten arren. ELAk lan-istripua salaktzeko elkarretaratzea deitu du maiatzaren 5erako.
AAk 2,3 milioi lanpostu suntsitu ditzake datorren hamarkadan Espainian
Bereziki enplegatu administrarien eta erdi-mailako zein goi-mailako teknikarien taldeei eragingo lieke. Hala ere, AAri lotutako 1,61 milioi lanpostu berri inguru sortuko lirateke eta, horrek, suntsitutako lanpostuen zati handi bat konpentsatuko luke.