Bizkaiko adinekoen egoitzetako lan gatazka konpontzeko inplikazioa eskatu diote Foru Aldundiari
Bizkaiko adinekoen egoitzetako langileek hainbat mobilizazio egin dituzte, Foru Aldundiaren inplikazioa eskatzeko gatazkaren konponbidean. Protesta ELA eta LAB sindikatuek, bakoitza bere aldetik, deitutako greba egunaren barruan kokatzen da.
LABek Foru Aldundiaren egoitzaren aurrean egindako eserialdian langileen ordezkari batek azpimarratu duenez, azken egunotan bilera egiteko hitzordua eskatu diote Sergio Murillo Gizarte Ekintzako diputatuari. Halaber, Batzar Nagusietan agerraldia egitea ere nahi dute. Eskari horiei entzungor egin dielako egin dute eserialdia, horien esanetan.
Sindikatuaren arabera, "ezinbestekoa" da Bizkaiko Foru Aldundia inplikatzea lan gatazka konpontzeko.
Hauek dira, besteak beste, LAB sindikatuaren eskaerak: langileen lan-baldintzak sektore publikokoekin parekatzea, egungo ratioak lehenbailehen berrikustea eta lantaldeak handitzea.
Horien hitzetan, Aldundiak "negoziatzera eseri behar du", negoziazioa desblokeatzeko eta langileen lan-baldintzen hobekuntza negoziatzeko.
ELAk, bere aldetik, eserialdia egin du Deustuko Zubian. Langileek zirkulazioa eten dute bi erreitan, "Zainketen negozioari ez" leloa zuen pankarta batekin.
Minutu batzuk geroago Ugasko plazara joan dira, bertan baitago Foru Aldundiaren Gizarte Ekintzaren egoitza. "Zainketen eredua goitik behera aldatzeko" eskatu dute, eta honako mezu hauek oihukatu dituzte: "Guk zaintzen ditugu, zuek lapurtzen diezue" eta "negoziaziorik ez dagoenez, mobilizazioa".
Ainhoa Perez langileak salatu duenez, bere lan-baldintzak "askoz okerragoak dira" pandemia hasi zenetik, eta zerbitzu horiek kudeatzen dituzten enpresek ez dute negoziatu nahi. "Une honetan ez dago inolako harremanik patronalarekin", gehitu dute.
Bere ustez, "Aldundia oso alde garrantzitsua da" arazoaren konponbidean, "baina entzungor egiten du".
Zure interesekoa izan daiteke
Euskal Y-aren eta Nafarroaren arteko lotura urtea amaitu aurretik erabakiko dela esan du Santanok
Espainiako Gobernua lotura Gasteiztik edo Ezkiotik egitea aztertzen ari da. Dena den, eztabaida irabazle eta galtzaile terminoetan egitea baztertu du Jose Antonio Santano Espainiako Gobernuko Garraio eta Mugikortasun Jasangarriko estatu idazkariak Radio Euskadin gaur egin dioten elkarrizketan.
Eusko Jaurlaritza kezkatuta agertu da medikuen grebarekin, Osasun Ministerioak eta greba batzordeak astelehenean bilera egin atarian
Sindikatuek mobilizazio egutegiari eutsi diote, eta akordiorik lortu ezean, apirilaren 27tik 30era greba egingo dute berriro.
Berako Arcelorreko beharginek salatu dute lantegiko mediku-arreta kaskartzen ari dela
ELA sindikatuak salatu du, besteak beste, istripua izan duten langileak —baita lesio larriak dituztenak ere— birkokatu egiten dituztela, dagokien baja medikoa eman beharrean. Hori dela eta, ostegunero lanuzteak egingo dituzte, osasasun arreta kaskartu egin dela salatzeko.
ELAk eta LABek lanuzteak deitu dituzte udal guztietan, apirilaren 23tik aurrera, lan baldintzen gaineko akordioa berritzeko
Sindikatuek lanuzteak eta grebak iragarri dituzte apirilean, maiatzean eta ekainean, lan hobekuntzak aldarrikatzeko eta 28.000 udal langileren baldintzak arautzen dituen akordioaren negoziazioa desblokeatzeko.
Berretsi egin dute Aceros Olarra enpresari ezarritako zigorra, amiantoaren ondorioz hildako behargin baten heriotza ikertzeko auzian
EAEko Justizia Auzitegi Nagusiak berretsi egin du Bilboko epaitegi baten ebazpena. Horren arabera, Cofivacasa sozietate publikoa eta Aceros Inoxidables Olarra enpresa zigortu zituen, eta langilearen familiari 153.000 euro baino gehiago ordaindu behar dizkiote, bien artean, amiantoak biriketako kartzinoma eragin ziola ebatzita.
ESK sindikatuak bi greba egun deitu ditu Gasteizko Mercedes Benz lantegian
Protesta apirilaren 25ean eta 27an izango da, eta salatu nahi dute zuzendaritza “eten barik” urratzen ari dela hartutako akordioak.
Zumaiako Estaños Matienako langileak grebara joango dira apirilaren 13tik 17ra, lan segurtasunean hobekuntzak aldarrikatzeko
Langileek "euren osasuna eta segurtasuna bermatzea" eskatu dute, hainbat istripu izan baitira lantegian, besteak beste, urtarrilaren 31n langile gazte bat hil zen, lan-istripuz.
Ekialde Hurbileko su-eten hauskorrak urduri ditu parketak
Petrolioaren prezioa % 2 inguru igo da lehen orduko enkanteetan. Asiako burtsek galerekin zabaldu dute, eta Europako eta Estatu Batuetako burtsetan ere beherakadak aurreikusi dira.
Euskalduna Jauregiko garbitzaileek bost greba-egun deitu dituzte, soldatak parekatzea aldarrikatzeko
Apirilaren 14tik 18ra egingo dute greba. ISS Facility zerbitzuaren enpresa esleipenduneko langileek salatu dutenez, urtean 18.000 euro inguru kobratzen dituzte, eta Bizkaiko Foru Aldundiko beste eraikin batzuetako garbiketako beste langile batzuek, berriz, 27.000 euro.
Nafarroako Foru Ogasunaren autolikidazio-proposamenak, kontsultagai
Gaur abiatuko da kanpaina telematikoa, eta hilaren 20an aurrez aurrekoa, ekainaren 25era arte. Esperientzia pilotu gisa, aurten errenta bulego mugikor bat egongo da hiru puntutan (Zangoza, San Adrian eta Altsasu), Ogasunaren bulegorik ez duten eremuetako bizilagunei tramitea egiten laguntzeko.