Bilbok Abandorako duen plan berezia aurten esleitzea espero du Aburtok
Juan Mari Aburto Bilboko alkateak aurreikusi duenez, aurten bertan esleituko du Bilboko Udalak Abandorako duen plan berezia. Alkateak jakinarazi duenez, duela 10 egun Madrilen izan zela, Garraio Ministerioko arduradunekin bilduta (batzarra ez zen publiko egin), tren lasterraren inguruko pausoak azkartzeko asmotan. Ingurumaria horretan, iragarri du urte bukaera baino lehen esleituta egongo litzatekeela Udalaren eskumen den eta AHTaren geltokiaren ingurua aintzat hartzen duen plan berezia.
Bilboko Metrotik, Santimami geltokitik, ari dira egiten gaur "Faktoria" saioa eta bertan egin ditu adierazpenok Bilboko alkateak. Aburtoren esanetan, ingurumen eraginaren txostena falta da, eta uda osterako espero dute hori. Ondoren, "kapaz izango gara Abandoko plangintza esleitzeko, eta bi pauso horiekin proiektua aterako dugu. Aurten izatea da aurreikuspena".
Aste Santuaren atarian, hiria "bizi-bizi" ikusten duela aitortu du, eta "bi urte oso gogorren ostean, horrek ilusioa eta itxaropena" pizten duela. "Etorkizunari begira errekuperazio bidean gaudela ematen du", erantsi du. Hain justu, jaiegunetan Bilboko dendak zabalik egon beharko ote luketen galdetuta, horren alde azaldu da Aburto. "Ez denda guztiak, baina 3tik 1 zabalik egotea ondo legoke, korridore komertziala sortzea. Ez dakit beste leku batzuetan gertatzen dena zergatik ez den posible Bilbon".
Basurtuko Ospitaleko egoera ere hizpide hartu du alkateak, eta kirurgia kardiobaskularreko unitatea Gurutzetako Ospitalera eraman behar dutela, Bilboko erietxea "zerbitzuz husten" ari direla dioten langileei erantzun die. Horren ustez, "bi gauza ezberdindu behar dira: bata, erabaki hori hartzeko datu teknikoak, ze Araban adibidez ez dago kirurgia kardiobaskularrik, eta transplanteak ez dira erietxe guztietan egiten. Eta beste gauza bat da Basurtuk gure ospitale erreferentea izan behar duela, eta hor izugarrizko ahaleginak egiten ari gara Medikuntza Fakultatea egiteko. Ospitalea eta fakultatea jarrita izugarrizko sinergiak sortuko dira eta erreferentea izango da". Hori horrela, azpimarratu du ez duela "beldurrik Basurtuko Ospitaleak erreferentzialtasuna galtzeko".
Albiste gehiago ekonomia
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.
Mitxel Lakuntzaren arabera, CAFek Jerusalemen duen proiektua "ez da erabakigarria" enpresaren etorkizuna bermatzeko
ELAren idazkari nagusiak dioenez, "CAFek badaki tren hori hasieratik dela ilegala", eta proiektua babesteko eta "ilegalitatearekin jarritzeko argudio gisa darabilen txostena" egin duten adituak zeintzuk diren argitzeko eskatu dio enpresari. Euskadi Irratiko Faktorian hitz egin du asteazken goizean horren eta beste hainbat gairen inguruan.
Sindikatuek hiru orduko lanuztea eta hainbat manifestazio deitu dituzte euskal hiriburuetan, Gazako genozidioa salatzeko
Urriaren 15ean egingo duten lanuztearen berri eman dute LAB, CCOO, UGT, ESK, STEILAS, CGT/LKN, ETXALDE eta HIRU sindikatuek. Lanuzteak eta manifestazioak Espainiako Estatuko lantoki guztietan deitu dira.
CAFeko langileek ordu bateko lanuztea egin dute Jerusalemgo tranbiaren inguruan zuzendaritzak duen jarrera salatzeko
Ordubeteko lanuztearekin bat egin duten langileek elkarretaratzea egin dute CAFen bulego nagusien atarian. Enpresa Batzordeak enpresaren "zinismoa" salatu du Jerusalem tranbiaren proiektuaren inguruan duen jarreragatik, eta zuzendaritzari "NBEren argudioei aurre eginez bere irudia zuritzea" eta Israelen "tesiak onartzea" leporatu dio.
ELAk lanuztea deitu du urriaren 15erako enpresei, Eusko Jaurlaritzari eta Nafarroako zein Espainiako gobernuei Israelekin harremanak etetea eskatzeko
LAB, CCOO, Steilas, Solidari, Etxalde eta Hiru sindikatuek ere lanuzte orokorrak deitu dituzte Hego Euskal Herrian egun horretarako.