Aranburu gehieneko soldata ezartzearen alde agertu da: "Lotsagarria da enpresaburuek aberastasuna pilatzea"
Garbiñe Aranburu LABeko idazkari nagusiaren aburuz, "lotsagarria" da enpresaburuek aberastasuna pilatzea, eta "soldata oso altuez gain etekinak jasotzen dituzten zuzendariak" aipatu ditu adibide gisa. Hala, gehieneko soldata ezartzearen alde azaldu da, eta argitu du gutxieneko soldataren arabera zehatz daitekeela, horren hirukoitza-edo izanda.
Radio Euskadiko "Boulevard" saioan egin dioten elkarrizketa batean azaldu duenez, "badago tartea diru-sarrera gehiago lortzeko, baina borondate falta dago". Errenta altuenei zerga gehiago ezartzea edota enpresa handietako zuzendariek jasotzen dituzten bonus eta etekinak kentzea aipatu ditu proposamen gisa. "Gobernuak ez du etekin lotsagarri horiei eskua sartzeko borondaterik", deitoratu du.
Ildo beretik, azpimarratu du LAB sindikatuak ez duela "langileen erosahalmena txikituko duen errenta akordio batean parte hartuko. Lotsagarria da guri ahaleginak eskatzea soldaten kontura, eta bitartean Ibex35eko enpresetako zuzendariek euren soldatak igotzen eta dibidenduak banatzen jarraitzea".
Beharginen soldatak igotzeko erabili beharreko irizpideaz galdetuta, esan du KPIa izango litzatekeela erreferentea. Horren ildotik, Pedro Azpiazu Eusko Jaurlaritzako Ekonomia eta Ogasun sailburuak adierazitakoa (soldatak KPIaren arabera igotzeak inflazioa igoaraziko zuela esan zuen) kritikatu du: "Patronala bera baino harago joan da".
Bestalde, Osalanek laneko heriotzak hizpide Aranburuk salatutakoaren arabera, "gertatzen ari dena minimizatzeko eta datuak ezkutatzeko saiakera dago" (Osalanen arabera, 6 hil dira; sindikatuen ustez, berriz, 20). Hala, zehaztu duenez, lanera bidean edo etxera bueltan gertatzen diren ezbehar asko ez dira lan istripu moduan ikertzen, ezta istripu ez-traumatikoak ere. "Berdina pasatzen da laneko gaixotasunekin. Osalanek onartu du lanak eragindako minbiziak % 5 direla, baina ez dago hori ikertzeko edo datuak erregistratzeko borondaterik", erantsi du.
Azkenik, hezkuntza erreformaren ituna gehiago "zehaztu" behar dela azpimarratu du, eta hala ez bada, mobilizazioak deituko dituztela ohartarazi. Osakidetzan ere, sindikatuen proposamenak negoziazio mahaira batzeko ahalegina egin ezean, grebekin jarraituko dutela nabarmendu du.
Albiste gehiago ekonomia
Villavesetako langileek greban jarraitzearen alde egin dute, oso bozketa estu batean
Garraio publikoko langileen % 50,6k egin dute grebaren alde; sei botoko aldeagatik gailendu da aukera hori. TCC enpresak ohartarazi du ez duela negoziatuko lanuztea bertan behera utzi arte.
Mondragon Korporazioko Diknua kooperatibak 1,5 milioi ordaindu ditu Ternuagatik eta 56 lanpostu mantenduko ditu
Donostiako Merkataritza arloko 1 zenbakiko Epaitegiak konpainiaren 56 enpleguak Euskadin mantentzea ekarriko duen operazioa baimendu du, "lan-baldintzak eta antzinatasuna errespetatuz".
Honelakoa da Internet bidezko iruzurren aurkako banku-egiaztapen berria
Hemendik aurrera, hartzailearen izena eta IBAN kodea bat ez badatoz, erabiltzaileari jakinaraziko dio bankuak, transferentzia bidezko iruzurrak errotik mozteko.
Estatuan, EAEn sortu dira abuztuan enpresa berri gehien, % 24,1eko hazkundearekin
Guztira, 201 enpresa sortu dira Euskal Autonomia Erkidegoan, eta 9,7 milioi euroko kapitala izenpetu dute. Sozietate mugatu gisa sortu dira guztiak.
SAPA Transmission konpainia gipuzkoarrak AEBko Armadaren ibilgailu blindatuen transmisio sistema egingo du
2025-2030 Plan Estrategikoaren arabera, konpainiak partaidetza handia izango du kontratuetan, eta 7.000 unitate egingo ditu datozen urteetan.
Gaur amaituko da Sabadelleko akziodunek BBVAren eskaintza onartu ala ez erabakitzeko epea
Epea amaitu baino ordu batzuk lehenago, Cesar Gonzalez Bueno Banco Sabadelleko kontseilari delegatuak ziurtatu du BBVAk eman dituen datuak "boluntaristak" direla. BBVAren esanetan, Sabadelleko akzioen % 50 trukatu dituzte, baina Sabadellek esan du ez direla % 30era heldu.
"Iaz, azoka egin eta hilabetera, enpresen % 35ek esan ziguten kontratazioak edo elkarrizketak izaten ari zirela"
Donostian, Enplegu Azoka egiten ari dira, Gipuzkoako Merkataritza Ganberaren eskutik. Gipuzkoako Ganberako Ezagutzaren Kudeaketa Arloko zuzendari Ana Ugalderen hitzetan, azoka aukera "zoragarria" da langabetuentzat zein ibilbide profesionala aldatu nahi dutenentzat, eta azokan bertan lana topatzeko aukerak daudela erantsi du.
LABek eta Steilasek egun osoko lanuzteari eutsi diote urriaren 15ean, Gazako genozidioa salatzeko
Gasteizen agerraldia egin dute LAB eta Steilas sindikatuetako ordezkariek, urriaren 15ean Hezkuntzan deituta duten egun osoko lanuzteari eusten diotela azaltzeko. Hezkuntzako komunitatea osatzen duten kide guztiei dei egin diete herri eta hirietan egingo diren mobilizazioetan parte hartu eta Palestinari babesa adierazteko. EAEko hiru hiriburuetan 12:30ean egingo dira manifestazioak.
Oronak lantegi berri bat eraikitzeko 60 milioi euroko inbertsioa egingo du Hernaniko lurretan
Orona enpresak 60.000 metro koadroko lur-eremua erosi duela iragarri du, igogailuen sektorean ariko diren 150 lanpostu sortzeko helburuz.
Ryanairrek txalotu egin du eskuko ekipajearen espedientea, eta Kontsumok “airelineak defendatzea” leporatu dio EBri
Europako Batzordeak zalantzan jarri ditu Espainiako Gobernuak kostu txikiko hegaldien bost konpainiari ezarritako 179 milioiko zigorrak; kontsumitzaileek eta Bustinduy ministroak, berriz, Bruselaren “menpekotasuna” salatu dute aireko sektorearen presioen aurrean.