Espainiako Gobernuak Bruselari helarazi dio Defentsako gastua areagotuko duela 2030erako, BPGaren % 2raino
Espainiako Gobernuak iragarri du Defentsako gastua areagotuko duela, 2030 urtean BPGaren % 2a jo arte, ostiral honetan aurkeztutako 2022-2025 Egonkortasun Programan jaso bezala. Europako Batzordeari helaraziko zaio, ondoren, agiri hori.
Hala, Pedro Sanchez presidenteak martxoan iragarritakoaren epeak zehaztu ditu Gobernuak. Izan ere, gastu militarra barne produktu gordinaren portzentaje horretaraino igoko zuela esan zuen orduan. Une horretan, "datozen urteetan" % 2ra iritsiko zela esatera mugatu zen, gehiago zehaztu gabe.
Gobernuak Bruselari bidalitako planak "pixkanaka" lortu nahi du helburu hori, 2023rako Defentsako funtsa dezima bat igoko litzatekeelarik, uneko % 1etik % 1,1era. 2024 eta 2025 urteetarako, berriz, beste dezima bat areagotuko litzateke, BPGaren % 1,2raino. Aurrekontuaren areagotze hori ordainpekoen ordainsarira, bitarteko kontsumoetara, kapitalaren eraketa gordinera eta defentsarako langileen errefortzura bideratuta egongo litzateke, testuak jasotzen duenez.
Ostiral honetan bertan aurkeztu du agiria Nadia Calviño Ekonomia Gaietako eta Transformazio Digitaleko ministroak, Maria Jesus Montero Ogasuneko eta Funtzio Publikoko ministroarekin batera eskainitako prentsaurrekoan. Espainiako ekonomiaren hazkundeari buruzko aurreikuspenaren % 4,3ko murrizketa iragarri dute urte honetarako. Horrek 2,7 puntu portzentual suposatzen ditu, aurretik egindako estimazioen (% 7) azpitik, Ukrainako gerrak eta prezioen igoaldiak eragiten duten ziurgabetasun handiko testuinguru batean.
Areagotze "atzeraezina", Sanchezentzat
Sanchezek martxoaren 14an telebistan eskainitako elkarrizketa batean nabarmendu zuenez, Espainiak Defentsako aurrekontua areagotu behar du, era mailakatuan NATOk ezarritako BPGaren % 2ko helburura iristeko. Azaldu zuenez, Gobernuaren konpromisoa da, eta hala proposatuko zien gainerako talde politikoei, hurrengo Estatuko Aurrekontu Orokorrak lantzeko unean.
Hala ere, Espainian Defentsako gastua BPGaren % 1,4 inguruan dagoela adierazi zuen egun horretan, eta ostiral honetan Bruselari bidalitako agiriak % 1ekoa dela dio.
Iragarpenak gaitzespena sortu zuen Unidas Podemos koalizioko kidearengan, gastu militarra areagotzearen zein Ukrainako gerrara armak bidaltzearen aurka agertu baitzen.
Kritikak gorabehera, gobernuburuak "hurrengo urteetan" BPGaren % 2ra iristeko asmoa azaldu zuen, eta "atzeraezintzat" jo zuen. Edonola ere, argitu zuen ez dela "apeta militaristarik", bakea eta demokrazia defendatzeko gogoa baizik.
Albiste gehiago ekonomia
Talgoren operazioa "datozen egunetan, uztailean, gauzatzea" espero du Ramiro Gonzalezek
Ramiro Gonzalez Arabako ahaldun nagusiaren arabera, Sidenor buru duen euskal partzuergoak (Finkatuz Eusko Jaurlaritzaren funts publikoak eta BBK eta Vital kutxek ere parte hartzen dute horretan) Talgo erosteko negoziaziei berriro ekin diete azken egunetan, eta "bide onetik doaz". Ildo horretan, espero du operazioa datorren astean edo uztailean gauzatzea.
Jainagak lankidetza publiko-pribatua defendatu du Talgoren erosketaren testuinguruan
Jose Antonio Jainaga Sidenorreko presidenteak jaso du Joxe Mari Korta 2025 saria, enpresa-berrikuntzaren alde egindako lanagatik. Haren hitzaldian, Talgo konpainia erosteko operazioa aipatu du, eta lankidetza publiko-pribatua defendatu du. Imanol Pradales lehendakariak euskal industriarekin duen konpromisoa eskertu dio.
Jose Antonio Jainagak 2025 urteko Joxe Mari Korta saria jaso du
Jose Antonio Jainagak Imanol Pradales lehendakariaren eta Mikel Jauregi Industria, Trantsizio Energetiko eta Jasangarritasuneko sailburuaren eskutik jaso du saria. Imanol Pradalesek eskerrak eman dizkio Sidenorreko presidenteari, bere ibilbide luzean erakutsitako konpromisoagatik, "aurrera pauso bat eman, arriskuak hartu eta inbertitzen dutenei balioa ematen dien" euskal ereduari erantzuten diolako.
Gaztelagun programa: Eusko Jaurlaritzak igo du alokairurako dirulaguntzak eskatzeko diru-sarreren muga
Laguntza eskatzen duten gazteen kasuan, urteko diru-sarreren muga 30.000 eurora igo dute; familien kasuan, 36.764 eurora.
Euskal partzuergoak 75 milioi bildu ditu Talgo erosteko, eta espero du SEPIk ere beste horrenbeste jartzea
EAJren arabera, Espainiako Gobernuak konpromisoa hartu zuen erosketa babesteko eta enpresa indartzeko, SEPIren bidez 150 milioi euroko mailegua eginda. Ondoren, eragiketa bitan banatzea proposatu zuen, euskal partzuergoak eta SEPIk 75 millioi bana bideratzeko.
Behargin bat larri zauritu da Bilboko Kale Nagusian, jasogailu batek burua harrapatuta
Larrialdi zerbitzuek 15:30 aldera jaso dute abisua, eta osasun langileek zauritua egonkortu eta Gurutzetako ospitalera (Barakaldo) eraman dute.
Villavesen grebak aurrera jarraitzen du eta gutxieneko zerbitzuak kolokan egon daitezke
Langile batzordeak salatu duenez, TCC enpresak, Mankomunitateak eta Iruñeko Udalak "abandonatu" egin dituzte.
Gasteizko lorazainek grebari eutsi diote, sindikatuek Lan Sailaren eskaintza arbuiatu ostean
Sindikatuek batzarra deitu zuten langileek proposamen horri buruzko iritzia eman zezaten bozketa batean. Azkenean, ELAk, LABek eta ESKk eskaintza atzera botatzeko akordioa lortu dute, eta beharginen bozketarik izan.
Eusko Jaurlaritzak lehen etxebizitzen prezioaren % 20 ordaintzeko abalak emango dizkie 40 urtez beherakoei
144 milioi euroko abal lerro bat onartu du, eta helburua 2029ra arte 3.000 etxebizitza mobilizatzea da. Abala jaso ahal izateko etxebizitzaren gehieneko prezioa 340.000 eurokoa izan beharko da.
LABek eta EH Bilduk etxebizitza erosteko abalak ematea arbuiatu dute eta prezioen "suari gasolina botatzea" dela esan dute
Sindikatuak elkarretaratzea egin du EAJren Bilboko egoitzaren aurrean. EH Bilduk ziurtatu du neurria ez dela etxebizitza politika bat, "finantza erakundeei mesede egiten dien eta merkatu espekulatiboa elikatzen duen" banku politika baten ondorio baizik.