Desgaitasuna duten pertsonak lan munduan txertatzeko laguntzak areagotzeko eskatu dio Fekoorrek Jaurlaritzari
Desgaitasun Fisikoa edo Organikoa duten Pertsonen Bizkaiko Federazio Koordinatzaileak, Fekoorrek, Eusko Jaurlaritzari eskatu dio gizatalde horren "gizarte inklusioa sustatzeko", enpresa arruntetan lan txertatzerako laguntzak areagotuz.
Maiatzaren 1a dela eta, Langileen Nazioarteko Eguna, Fekoorrek adierazpen bat zabaldu du, "Desgaitasuna duten pertsonek lana askatasunez aukeratzeko eskubidearen alde" izenburupean.
Agirian, erakunde bizkaitarrak ohartarazi du desgaitasuna duten pertsonen langabezia tasa biztanleria orokorrarena baino "askoz handiagoa" dela (% 16,5ekoa, % 8,5aren parean) eta gaineratu du krisiak "are gehiago handitu duela arraila, kolektiboaren lanerako sarbidea babespeko lanbidera mugatuta, bertan kontzentratzen baitira laguntza publiko gehienak".
Fekoorrek nabarmendu duenez, Gobernu atonomoak "urtero handitzen du enplegu zentro berezietara bideratutako dirulaguntza". Hain zuzen ere, 2022 honetan 65 milioi eurokoa da zifra, aurreko urtean baino 4,4 milioi gehiago.
"Bitartean, lan merkatu arruntean desgaitasuna duten pertsonen enplegua sustatzeko, urteak dira 700.000 euroko laguntza mantendu dutela; horrek baztertu egiten gaitu, nahi dugun tokian lan egiteko oinarrizko eskubidea urratzen du eta ez dio gure gizarte inklusioari mesederik egiten", gaitzetsi du.
Federazioak argi utzi nahi du ez dagoela enplegu zentro bereziak babesten dituzten zerbitzu publikoen "aurka", baina uste du "era berean, bultzatu eta faboratu behar dutela desgaitasuna dugun pertsonok non lan egin erabaki ahal izatea, horretarako gaituta eta trebatuta bagaude".
Zentzu horretan, Administrazio publikoari eskatu dio laguntzak areagotzeko, "merkatu arruntean gure txertatzea eragozten duten trabak desagerrarazteko" helburuarekin.
Era berean, botere publikoak premiatu ditu desgaitasuna "hain agerian ez dagoen" sektore eta lanbideetan kontrataziorako laguntzak eskaintzera; esate baterako, "jendearentzako arretan edo enpresa teknologikoetan, gure ikusgatasuna eta normalkuntza soziala baimentzen duten sektoreak".
Zure interesekoa izan daiteke
Sindikatuek LGS propioa, pentsio eta soldata "duinak" edota etxebizitza eskubidea aldarrikatuko dituzte maiatzaren 1eko mobilizazioetan
ELA eta LAB bakoitza bere aldetik aterako dira kalera, ESK eta LSB-USO bezala; CCOO eta UGT, aldiz, elkarrekin mobilizatuko dira. Alderdi politikoek ordezkariak bidaliko dituzte deialdi horietako askotara.
Tubos Reunidoseko langile talde batek Amurrioko greba mugagabeari buruzko erreferenduma egitea eskatu du
Enpresa batzordeak deituta, martxoaren 15etik daude greba mugagabean Amurrioko lantegian. ELAk, LABek eta ESK-k babestu zuten lanuztea, eta CCOO eta UGT kontra agertu ziren. Azken horiek hasieratik eskatu dute grebari buruzko erabakia erreferendumean hartzea.
Behargin bat hil da Zamudion, lan-istripuz
Langileak 61 urte zituen. Ezbeharra ostegun goizean gertatu da, Ugaldeguren industrialdean, eta biktima bertan hil da, osasun-zerbitzuek esku hartu duten arren. ELAk lan-istripua salaktzeko elkarretaratzea deitu du maiatzaren 5erako.
AAk 2,3 milioi lanpostu suntsitu ditzake datorren hamarkadan Espainian
Bereziki enplegatu administrarien eta erdi-mailako zein goi-mailako teknikarien taldeei eragingo lieke. Hala ere, AAri lotutako 1,61 milioi lanpostu berri inguru sortuko lirateke eta, horrek, suntsitutako lanpostuen zati handi bat konpentsatuko luke.
Nafarroako Volkswagenek 500-1.000 langile artean beharko ditu 2027an, ekoizpen-aurreikuspenak berretsiz gero
Ekoizpen bolumen "oso handiak" espero ditu konpainiak datorren urterako eta, datuak behin-behinekoak diren arren, laster ekingo dio enpresak barneko eta kanpoko langileak hautatzeko, prestatzeko eta gaitzeko prozesuari, espezialitate profesionalen beharrak betetzeko, hala nola elektromekanikariak, txapistak eta hornitzaileak.
BBVAk 3.000 milioiko irabaziak izan ditu lehen hiruhilekoan (+%10,8) eta akzioak berrerosiko dituela iragarri du
Erakundeak diru-sarrerak eta errentagarritasuna handitu ditu kredituaren bultzadari esker, eta akzioak berrerostea aurreikusi du, 1.460 milioi arte inbertituta.
Brent upela % 5 baino gehiago garestitu da ostegun honetan, 126 dolarrera ere iritsita
Pasa den otsailaren 28an AEBk eta Israelek Iranen aurkako gerra abiatu zutenetik, Brent upela % 70 baino gehiago garestitu da.
Ekialde Hurbileko gatazka "inoiz ez bezalako ziurgabetasun-mailak" sortzen ari da turismoaren sektorean, Aenaren arabera
Espainiako aireportuetako operadoreak ziurtatu duenez, erregaiaren eta kerosenoaren hornidura ziurtatuta dago datozen asteetarako; hala ere, ohartarazi duenez, "gerraren iraupenaren araberakoa izango da guztia".
23 urtetik gorakoek maiatzaren 12tik aurrera eskatu ahal izango dute Emantzipa dirulaguntza
Hala, zabaldu egingo du adin tartea. Orain arte 25 urtetik gorakoek eska zezaketen, baina, aurrerantzean, 23 eta 29 urte arteko gazteek izango dute aukera laguntza hori eskatzeko.
EAEko Auzitegi Nagusiak baliogabetzat jo du Bilboko JM ikastetxeko 59 langile kaleratzeko erabakia
ELA sindikatuak ohar batean adierazi duenez, Auzitegi Gorenak kaleratze kolektiboaren aurkako errekurtsoa onartu izanak agerian uzten du porrot egin zuen Jesuitinas ikastetxearekin bat egitea eta langileak kaleratzea prozesu "iluna eta gaizki kudeatua" izan zela, eta horrek "familien kezka eta ikasleen matrikulazio-desbideratzea" eragin zituela, "ikastetxea behin betiko ixtera kondenatu" arte; "guztia, Eusko Jaurlaritzaren onespenarekin eta konplizitatearekin", sindikatuaren arabera.