Ignacio Sanchez Galanek barkamena eskatu du, eta "errespetu osoa" azaldu die kontsumitzaileei
Ignacio Sanchez Galan Iberdrolako presidenteak barkamena eskatu du argindarraren tarifa arautua daukaten kontsumitzaileei "ergel" deitu izanagatik, konpainiak Twitter bitartez zabaldutako mezu batean, ostiral arratsaldeko azken orduetan.
"Ignacio Galanek, Iberdrolako presidenteak, barkamen zintzoa eskatu nahi du lagunarteko hizkeran adierazitako zenbait esaldik inor mindu badute. Ez zuten inori min emateko asmorik, eta errespetu osoa azaldu nahi die kontsumitzaile guztiei", dio mezuak.
Sanchez Galanek ostegunean baietsi zuenez, espainiar biztanleriaren % 80 2018an baino gutxiago ordaintzen ari da argindarragatik, zergak jaitsi direlako, eta tarifa arautuarekin jarraitzen dutenek bakarrik ordaintzen dute gehiago. Azken horiek "ergel" gisa izendatu zituen.
Tarifa arautua 10 kilovatioraino (kW) kontratatutako potentzietan bakarrik dago erabilgarri, eta ezinbestekoa da bonu sozialari heltzeko. Tarifa mota horri ezin zaio ezelako beherapen zein promoziorik ezarri, prezioa Gobernuak zehazten baitu, eta horrek kanpo uzten ditu bezeroaren eta merkaturatzailearen arteko balizko negoziaketak.
Historikoki, merkeagoa izan da tarifa arautua, gainerako espainiar kontsumitzaileek fakturak ordaintzen dituzten merkatu librea baino, Merkatu eta Lehia Batzorde Nazionalaren arabera. Hala ere, azken hilabeteotan marka hautsi dute prezioek, hein handi batean gasaren garestitzea dela eta.
Merkatu eta Lehia Batzordeak 2020ko bigarren seihilekoan argitaratutako taularen arabera, tarifa arautua duen etxe arrunt baten hilabeteko gastu fakturatua 20 euro merkeagoa izan zen, merkatu libreko batena baino (% 28,2 merkeagoa). 2019tik, aurrezki hori % 15aren gainekoa izan da beti.
Gobernuaren kritikak
Yolanda Diaz bigarren presidenteorde eta Laneko eta Gizarte Ekonomiako ministroak bere adierazpenak "berehala" zuzentzeko eskatu dio Ignacio Sanchez Galan Iberdrolako presidenteari ostiral honetan, behartsuenei "iseka" egiteagatik.
Bestalde, Nadia Calviño Ekonomia Gaietako eta Transformazio Digitaleko ministroak ere kritikatu du Sanchez Galanen "enpatia eza": "harrigarriak iruditzen zaizkit familientzako, herritarrentzako eta espainiar ekonomiarentzako hain garrantzitsua den gai bati buruz hitz egiteko darabiltzan enpatia eza, arintasuna eta tonua".
Zure interesekoa izan daiteke
Lekeitioko arrantzale bat hil da Senegalgo uretan
Bermeoko ATUNSA enpresako langilea zen. LAB sindikatuaren esanetan, "heriotza ez traumatiko" gisa sailkatu dute, eta enpresa horretan aurten izan den bigarren heriotza ez traumatikoa izan dela salatu du.
Pakistandarrak lanean esplotatzeagatik ikertutako hiru pertsonak aske utzi dituzte, Espainiatik irtetea galarazita
Ikertuek epailearen aurrean ez deklaratzeko eskubideari heldu diote, eta epaileak pasaportea kentzea eta hileko lehenengo egunean eta hamabosgarrenean epaitegian agertzea agindu du.
A-15 autobidea osorik zabalduko dute igandean, tunelak egokitzeko lanak guztiz amaitu ostean
Asteburuan behin-behineko seinaleak eta obrako gainerako elementuak kenduko dira eta, lanak bukatzeko, Andoain eta Berastegi artean itxita egongo da errepidea, ostiral gauetik igandera bitarte.
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan, Bilboko egoitzan. Erakundeetako eta enpresa munduko ordezkariak bildu ditu ekitaldiak, eta konpainiaren historia gogora ekarri dute. "Argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolaren presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.