Osakidetzak 3.723 lanpostu egonkortuko ditu
Osakidetzak gehienez 3723 lanpostu egonkortzeko tasa ezarri du, sektore publikoan behin-behinekotasuna murrizteko Espainiako legeak irekitako prozesuaren barruan. Erabaki hori gaur mahai sektorialaren bileran jakinarazi die sindikatuei.
Osasun Sailaren arabera, "bi aldeek positiboki baloratu dute gehieneko plaza-kopurua. Hau, lehen urratsa izan da 2020ko abenduaren 31n hiru urtez hutsik egon diren plazak egonkortzea helburu duen EPE bat deitzeko". Satse, ELA, LAB, CCOO, UGT eta ESK sindikatuek, ordea, ohar batean kritikatu dute Osakidetza ez dela negoziatzeko prest agertu eta plaza kopurua bere kabuz handitu egin duela, aurreko bilerarekin alderatuta.
Osakidetzak "alde bakarrez hartutako erabakiak jakinarazi besterik ez du egin" mahai sektorialaren bileran, sindikatuen arabera. Kritikatu dutenez, ez da "egonkortze prozesuetan eskaini beharreko plazen azken kopurua" negoziatzeko prest agertu, bilera hasieran hori "gaur bertan" erabakita geratuko zela esan baitu.
Egonkortze tasari buruzko monografikoa egin dute Osasun Sailak eta sindikatuek, sektore publikoan behin-behinekotasuna murrizteko Diputatuen Kongresuan onartutako legeari jarraiki. Bilera, baina, Osakidetzak informatzeko besterik ez duela baliatu kritikatu dute sindikatuek.
"Argi dago, beraz, ez dela ezer negoziatzeko inolako borondaterik izan. Gogora dezagun, hain zuzen ere, horrelako egoerek eraman gintuztela foro hau uztera", esan dute.
Azaldu dutenez, egonkortzera eramango dituzten 3.727 plazetatik 1.557 meritu lehiaketaren bitartez egingo dutela komunikatu die oraingoan. Sindikatuentzat "harrigarria" da martxoaren 28an jakinarazi zien kopurua igotzea. "Legearen edukia berbera izanik, gehienekotzat jotzen zen kopuru bati, 900 plaza gehiago gehitu zaizkio", esan dute; beraz, "borondate kontua besterik ez da", horien ustez.
Igoera hori sindikatuen mobilizazioari esker onartu duela esan dute sindikatuek, baina, hala ere, "bere plantillak jasaten dituen behin-behinekotasun tasa handien arazoari amaiera emateari" uko egin diola azpimarratu dute.
Maiatzaren 16an, astelehenarekin, deituta dagoen grebarekin bat egin dezaten eskatu diete langileei. "Osakidetzak argi utzi digu hori dela bide bakarra", gehitu dute.
Zure interesekoa izan daiteke
UAGAk Barredo sailburuaren dimisioa eskatu du bazkaren aferaz egindako adierazpenengatik
Nekazarien elkarteak Jaurlaritzaren "immobilismoa" salatu du, eta "sektoretik urrundu izana". Bestalde, ENHE sindikatuak lehorte egoera izendatzea eta "ezohiko laguntzak" eskatu ditu jasandako kaltea konpentsatzeko.
Euriborra % 3tik gora dago 2024ko irailetik lehen aldiz, eta hipotekadunen gaineko presioa handitu du
Adierazleak 2026an izan duen goranzko joera sendotu du, baina adituek gogorarazi dute eguneko datua dela, ez hileko batez bestekoa, hau da, hipoteka gehienak berrikusteko benetan erabiltzen den indizea.
Zubietako erraustegiko langileek salatu dutenez, enpresak "negozioa segurtasunaren aurretik jartzen du"
Abuztuaren 19an sute bat izan zen Ekobalen, eta bederatzi langile intoxikatu ziren beharrezko babes ekipamendurik gabe aritu zirelako sua itzaltzeko lanetan.
Grebarako aukera aztertzen ari dira garraiolariak, gasolioaren prezioaren ondorioz
Hileko gastua 2.000 euro inguru igo zaie otsailetik hona, eta garraiolari batzuek momentuz kamioiak aparkatzea erabaki dute. HIRU sindikatuko kamioilariek, berriz, lanuzteak egiteko aukera eztabaidatuko dute asanbladan, eta erabaki bateratua hartuko dute bertan.
Apartamentu turistikoetako gaualdiak % 23,3 igo dira uztailean EAEn, eta sarrerak % 9,7
Landa-ostatuen kasuan, sarrerak % 2,8 handitu dira eta gaualdiak % 5,6 jaitsi, 2025eko hilabete bereko datuekin alderatuta.
Amaia Barredo: "Eusko Jaurlaritza lanean ari da abeltzainekin hartutako epeak eta konpromisoak betetzeko"
Amaia Barredo Eusko Jaurlaritzako Elikadura, Landa Garapen, Nekazaritza eta Arrantza sailburuak aurreratu duenez, Jaurlaritzak "irailaren hasieran" abeltzaintza-sektorearen esku jarriko ditu lehengai batzuk batera erosteko bideak, lehorteak eragindako belar eskasia dela eta. Radio Euskadin ostiral honetan egindako elkarrizketa batean Barredok esan duenez, Bazka Mahaia oraindik deituta ez badago ere, ez da atzerapenak egongo: "Administrazioa ez dago bileraren zain erosketa bateratua prestatzeko".
Abeltzainak haserre, Bazka Mahaia irailera atzeratu duelako Jaurlaritzak
Eusko Jaurlaritzak bazkaren beharrei buruz egindako inkestan 435 ustiategiren erantzunak jaso ditu eta horiekin hartuko ditu erosketa bateratuaren kopuruari eta hornitzaileei buruzko erabakiak. UAGAk eta ENHEk lan egiteko modu eraginkorragoak eskatu dituzte. Hala ere, guztiak ados daude, etorkizunera begira bazkari buruzko plangintza bat behar dela esatean.
Hoteletako sarrerak % 7,7 igo dira uztailean EAEn, eta gaualdiak % 6,7
Sarrera guztien % 58,8 eta gaualdien % 59,9 atzerritar jatorriko pertsonenak izan ziren, 2025eko uztailean baino % 11,1 eta % 11,7 gehiago, hurrenez hurren.
Txakolinaren mahats-bilketa aurreratu dute, beroagatik
Txakolinaren mahats-bilketa ohi baino lehenago hasiko da beroaldien ondorioz. Ekoizleen arabera, data hauek ez dira ohikoak mahats-bilketari ekiteko. Etengabe egiten dituzte analisiak mahastietan, mahatsak azukre eta garraztasun puntua noiz hartuko dituen zehatz-mehatz jakiteko, eta biltzeko une egokiena heldu da.
Bazka eroste bateratua eta lehorte deklarazioa berehala gauzatzeko eskatzen dute abeltzainek
Bi aste dira Bazka Mahaia elkartu eta erakundeek hainbat konpromiso hartu zituztela. Abeltzain asko euren kontura belarra eta lastoa erosten hasi dira, eta erakundeei neurriak berehala hartzeko deia egin diete.