Al Thani Qatarreko emirrak Espainiari gas eta inbertsio gehiago promestu dizkio
Dirudienez, Qatarrek inbertsioak areagotuko ditu Espainian, bereziki trantsizio energetikoaren eta bultzada digitalaren esparruan, eta gas hornidura laster handituko dute. Ameriketako Estatu Batuen atzetik Qatar munduko gas esportatzaile nagusia da.
Tamim Bin Hamad Al Thani xeke eta Qatarreko emirrak bi eguneko bisita egin behar du Espainian. Astearte honetan Espainiako erregeek hartu dute, baina Pedro Sanchez gobernuburuarekin ere batzartzekoa da.
Era berean, emirra Ignacio Sanchez Galan Iberdrolako presidentearekin bilduko da; izan ere, Qatar Investment Authority funtsa (QIA) konpainia energetikoaren akziodun nagusia da.
Bi estatuek harreman diplomatikoak duela 50 urte abiatu zituzten. Espainiaren eta Qatarren arteko lotura harreman estrategiko bihurtzeko asmoa dute orain. Horretarako, bi gobernuek adierazpen bateratua sinatuko dute asteazken honetan, baita beste 12 akordio ere.
Besteak beste, QIA funtsak eta Cofides garapena finantzatzeko elkarteak lankidetza akordioa sinatuko dute. QIA munduko funtsik garrantzitsuenetako bat da, eta 450.000 milioi euroko aktiboak ditu.
Arabiar Emirerri Batuekin batera, Qatar Espainiako ekonomiaren sektore garrantzitsuetan inbertitzaile nagusietako bat da dagoeneko, tartean, abiazio zibila, finantzak, eraikuntza, energia edo azpiegituratan.
Moncloaren arabera, Espainiaren bigarren gas natural hornitzailea da Nigeriarekin batera, eta Aljeriaren atzetik. 2019an gas inportazioen % 11,4 bertatik iritsi ziren, baina hurrengo bi urteetan hiru postu behera egin zituen.
Espainiako erregeek Tamim bin Hamad Al Thani xekea eta haren emaztea, Jawaher bint Hamad bin Suhaim Al Thani, Zarzuela jauregian hartu dituzte. Afari berezia antolatu diete.
Zure interesekoa izan daiteke
Lekeitioko arrantzale bat hil da Senegalgo uretan
Bermeoko ATUNSA enpresako langilea zen. LAB sindikatuaren esanetan, "heriotza ez traumatiko" gisa sailkatu dute, eta enpresa horretan aurten izan den bigarren heriotza ez traumatikoa izan dela salatu du.
Pakistandarrak lanean esplotatzeagatik ikertutako hiru pertsonak aske utzi dituzte, Espainiatik irtetea galarazita
Ikertuek epailearen aurrean ez deklaratzeko eskubideari heldu diote, eta epaileak pasaportea kentzea eta hileko lehenengo egunean eta hamabosgarrenean epaitegian agertzea agindu du.
A-15 autobidea osorik zabalduko dute igandean, tunelak egokitzeko lanak guztiz amaitu ostean
Asteburuan behin-behineko seinaleak eta obrako gainerako elementuak kenduko dira eta, lanak bukatzeko, Andoain eta Berastegi artean itxita egongo da errepidea, ostiral gauetik igandera bitarte.
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan, Bilboko egoitzan. Erakundeetako eta enpresa munduko ordezkariak bildu ditu ekitaldiak, eta konpainiaren historia gogora ekarri dute. "Argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolaren presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.