Diru-sarrerak Bermatzeko Errenta 2023ko urtarrilaren 1ean eguneratzeko konpromisoa hartu du Jaurlaritzak
Idoia Mendia bigarren lehendakariorde eta Lan eta Enplegu sailburuak hitz eman du Diru-sarrerak Bermatzeko Errentaren zenbatekoak eguneratuko dizkiela 2023ko urtarrilaren 1ean, egun horretan eskubidea aitortuta duten pertsonei, baldin eta sistema arautzen duen legea 2022a amaitu aurretik onartzen bada.
Mendiak Eusko Legebiltzarrean gaur egin den batzordean eman die konpromiso horren berri talde parlamentarioei. Bilkura horretan azaldu ditu, halaber, Eusko Jaurlaritzak joan den astean onartutako Gizarteratzeko eta Diru-sarrerak Bermatzeko Euskal Sistemaren Lege Proiektuaren xehetasunak.
Proiektu honetan, besteak beste, Diru-sarrerak Bermatzeko Errentaren zenbatekoa handitzea eta, egoera ahulenean dauden bizikidetza-unitateentzat, hori eskuratzeko baldintzak hobetzea jasotzen da, hala nola adingabeak eta pentsiodunak dituzten bizikidetza-unitateentzat.
Legebiltzarrarekin elkarlanean aritzeko prest agertu da sailburua, eta araua urtea amaitu baino lehen onartzeko asmoa berretsi du. EAJren eta PSE-EEren babesarekin bermatuta badago ere, lehendakariordeak talde gehiagoren babesa jasotzea espero du.
Ildo horretan, alderdiak "urtea itxi baino lehen ados jartzeko gai badira" lehen konpromisoa eskaini du Mendiak, 2023ko urtarrilaren 1etik aurrera zenbateko berriak data horretan eskubide hori aitortuta duten pertsonentzat aplikagarriak izan daitezen.
Mendiak berretsi du lege hau ez dela erreforma hutsa, arau "modernoagoa" baizik, "egoera zailean dauden pertsonei errazago" jartzen dizkiena eta "baliabide publikoen kudeaketa hobea" ahalbidetzen duena.
Zure interesekoa izan daiteke
?fmt=webp-alpha&qlt=80)
Tubos Reunidoseko lan-egutegiak legezko prozedura jarraitu gabe aldatzen saiatzea salatu du ESK sindikatuak
Horren arabera, altzairutegian aritzen diren beharginek arratsaldez edota gauez bakarrik lan egin beharko lukete. ESK sindikatuak uste du neurri horrek eragin negatiboa izango lukeela kaltetutako langileen atsedenean zein osasunean.
Zarauzko eta Bergarako IAT zentroetako langileek greba mugagabea iragarri dute astelehenetik aurrera
Gipuzkoako gainerako IAT lantegietako lan-baldintzak eskatzen dituzte beharginek. Urtean 133 ordu gehiago egiten dituzte lan, eta 2.000 eta 8.000 euro artean gutxiago kobratzen dute.
Jaurlaritzak uko egin dio Osasun Kohesiorako Funtsari 51 milioi ordaintzeari, "neurriz kanpoko" kopurua dela iritzita
Alberto Martinez Osasun sailburuak egungo konpentsazio-sistema berrikustea eskatu du. "Arau argiak, babes nahikoa eta irizpide homogeneoak lurralde guztientzat", esan du.
Volkswagenek bere modelo sorta erdira murriztuko du "segmentu errentagarrienetan" kontzentratzeko
Konpainiak neurri sorta bat iragarri du, bere eskaintzaren konplexutasuna % 75 murriztea eta ibilgailuen urteko ekoizpena hamar milioitik bederatzira jaistea aurreikusten duena.
25 urteko langile bat larri zauritu da Azkoienen, eskailera batetik erorita
Baratze batean ari zen lanean, eta erorikoaren ondorioz, buruan kolpe larria hartu du. Helikoptero medikalizatuan eraman dute Nafarroako Unibertsitate Ospitalera.
ENBAk neurriak eskatu ditu Eusko Label haragiaren "sektorearen egoera kezkagarriaren aurrean"
Azken bost urteotan, Eusko Label behi-azienden ustiategien kopurua % 25 jaitsi da. Haragi ekoizleek ohartarazi dute kostuen igoerak eta errentagarritasunaren jaitsierak arriskuan jartzen dutela sektorearen etorkizuna. Izan ere, ekoizpenean gehitutako kostuen ondorioz, abeltzain askok Euskaditik kanpo saldu behar dute haragia.
Etxebizitza babestuen % 30 errenta ertainentzat gordeko du Eusko Jaurlaritzak
Urtean 20.000 eta 46 000 euro bitarteko diru sarrerak dituzten bizikidetza unitateek etxebizitza babesturako sarbidea izango dute.
Bajen inguruko polemikari datuak erantsi dizkio PPk: "Astelehenetan, 1.700.000 pertsona ez dira lanera joaten"
Juan Bravo PPko Ogasun, Etxebizitza eta Azpiegitura idazkariordeak azaldu duenez, bajan egonda soldata gutxiago kobratzearen aukera Feijook mahai gainean jarri zuenean, "iruzur kasuei" buruz ari zen.
Aranburuk (LAB) "indarrak batzea" eta "neurri sakonagoak" eskatu ditu, ELAk euskararen inguruan egindako proposamenaren aurrean
Garbiñe Aranburu LAB sindikatuko koordinatzaile nagusiak txalotu egin du ELAren proposamena, eta adierazi du hobetzera datozen ekimen guztiak "ongietorriak" izango direla. Hala ere, ohartarazi du egungo negoziazio kolektiboak "euskara gehiago" behar duela eta, oldarraldi judizial eta politikoaren aurrean, "neurri sakonagoak" behar direla.
Lan Harremanen Kontseiluak nabarmendu du negoziazioak euskaraz izateak "ez duela zertan eragozpen izan"
Emilia Malaga Pérez Lan Harremanen Kontseiluko (LHK) presidenteak nabarmendu duenez, "ez dugu inolako aukerarik jakiteko batzordeetan parte hartzen duten pertsonen hizkuntza gaitasuna zein den".