Santurtziko erregai sintetikoen plantak CO2 isuriak murriztuko ditu hidrogeno berdearekin
Erregai sintetikoen planta berria Bilboko portuan egiten hasi diren Deskarbonizazioko zentroko proiektu nagusia da. Haren, helburua CO2 murriztea eta karbono monoxido (CO) bihurtzea da, CO2a atmosferara joan ez dadin. Horretarako, hidrogeno berdea erabiliko dute, energia berriztagarriarekin ekoitzia.
Horri esker, hidrokarburo bat sortuko dute, "gasolina edo gasolio baten bereizezina, zero isurketekin", Josu Jon Imaz Repsoleko kontseilari delegatuak ostiral honetan zentroko lehen harria jartzeko ekitaldian azaldu duenez.
Proiektu horren atzean Petronor eta Kutxabank daude, eta, gainera, Enagas, Energiaren Euskal Erakundea (EEE) eta Saudi Aramco ditu bazkide.
Erregai sintetikoen instalazio hori 10 MW-ko elektrolizatzaile batek sortutako hidrogeno berriztagarriz elikatuko da. Momentuz, proiektua Repsol Technology Lab-en gauzatzen ari dira, non zientzialari talde batek hidrogeno berriztagarria eta CO2 erregai sintetiko bihurtzeko teknologia garatzen ari den.
Hori lortzeko, Repsolek eta Saudi Aramcok bazkide teknologiko gisa Johnson Matthey konpainia britainiarra eta Axens frantziarra batu dituzte. Hala, soluzio teknologiko berri hori lehen aldiz aplikatuko da Bilboko erregai sintetikoen instalazioan.
Instalazioaren hasierako etapan aurreikusitako zenbatespenen arabera, urtean 18.000 upel erregai sintetiko baino gehiago ekoitziko lituzkete, Bilbo-Madril aire-ibilbideko erregai-beharrak urte oso batez betetzea ahalbidetuko lukeen kopurua.
Gasa sortzeko instalazioa
Deskarbonizazio-zentroaren bigarren proiektua balorizaziora bideratuko da, papera, kartoia, plastikoak edo oihalak bezalako hiri-hondakinak oinarri hartuta. Osagai horiek, dagoeneko bizitza erabilgarria amaitu dutenak, energia eta material berriak sortzeko aprobetxa daitezke.
Kasu horretan, lortutako olioa edo gasa Petronorrek bere ekoizpen-prozesuetarako behar duen erregai tradizionalen kontsumoa partzialki ordezteko erabiliko da.
Bilboko portuko Deskarbonizazio Hubak 103 milioiko inbertsioa izango du lehen fasean, hasieran aurreikusitako 80 milioien gainetik, eta bi urteko epean martxan egotea aurreikusi dute.
Zure interesekoa izan daiteke
Abeltzainak haserre, Bazka Mahaia irailera atzeratu duelako Jaurlaritzak
Eusko Jaurlaritzak bazkaren beharrei buruz egindako inkestan 435 ustiategiren erantzunak jaso ditu eta horiekin hartuko ditu erosketa bateratuaren kopuruari eta hornitzaileei buruzko erabakiak. UAGAk eta ENHEk lan egiteko modu eraginkorragoak eskatu dituzte. Hala ere, guztiak ados daude, etorkizunera begira bazkari buruzko plangintza bat behar dela esatean.
Hoteletako sarrerak % 7,7 igo dira uztailean EAEn, eta gaualdiak % 6,7
Sarrera guztien % 58,8 eta gaualdien % 59,9 atzerritar jatorriko pertsonenak izan ziren, 2025eko uztailean baino % 11,1 eta % 11,7 gehiago, hurrenez hurren.
Txakolinaren mahats-bilketa aurreratu dute, beroagatik
Txakolinaren mahats-bilketa ohi baino lehenago hasiko da beroaldien ondorioz. Ekoizleen arabera, data hauek ez dira ohikoak mahats-bilketari ekiteko. Etengabe egiten dituzte analisiak mahastietan, mahatsak azukre eta garraztasun puntua noiz hartuko dituen zehatz-mehatz jakiteko, eta biltzeko une egokiena heldu da.
Bazka eroste bateratua eta lehorte deklarazioa berehala gauzatzeko eskatzen dute abeltzainek
Bi aste dira Bazka Mahaia elkartu eta erakundeek hainbat konpromiso hartu zituztela. Abeltzain asko euren kontura belarra eta lastoa erosten hasi dira, eta erakundeei neurriak berehala hartzeko deia egin diete.
Euskotreneko langileek Bilboko tranbian zezenketen publizitatea jarri izana salatu dute
Arriaga plazan gaur goizean egindako elkarretaratzean, Euskotreneko langileek balio publikoekin koherentea den eta animalien ongizatea errespetatzen duen publizitatea exijitu dio enpresari.
Mingain urdin kasu bat atzeman dute Barrundiako artalde batean
Gaitzaren aurka txertatutako 200 ardi baino gehiagoko artalde bateko animaliak eman du positibo mingain urdinaren 3. serotipoan.
Eusko Jaurlaritzak Administrazio Orokorreko 461 lanpostu betetzeko EPEan izena emateko epea ireki du
Izen-emate telematikoa irailaren 16an amaituko da, eta lehen azterketak 2027ko urtarrilean egitea aurreikusi da.
Milioi bat euroko zigorra ezarri diote AVIS enpresari, trafiko isunengatik bezeroei kudeaketa gastuak kobratzeagatik
Autoak alokatzen dituen enpresak 33,88 eta 45 euro arteko errekargua aplikatzen du isunaren ordainketa kudeatzeagatik eta administrazioari arau-hauslearen nortasuna jakinarazteagatik.
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.
Sopela eta Urduliz bizitegi-merkatuko gune tentsionatu izendatu ditu Eusko Jaurlaritzak
Bizkaiko bi udalerriek urtarrilean eta otsailean eskatu zuten izendapena, eta hiru urteko hasierako indarraldia izango du, luzatzeko aukerarekin.