Lanuzteak deitu dituzte gaur Bilboko metroan puntako orduetan
Bilboko metroan bigarren lanuzte eguna dute gaur makinistek. Semaf sindikatuak deituta, beren jarduna etengo dute 07:00etatik 09:00etara eta 19:00etatik 21:00etara, lan hitzarmen berria eskatzeko. Gutxieneko zerbitzuak % 30ekoak izango dira.
Asteazkeneko lehenengo lanuzteak "jarraipen handia" izan zuen, "% 90eko parte-hartzea", sindikatuen arabera. Besteak beste, langileek konpainiako zuzendaritzari eskatzen diote "ezartzen ari den low cost eredutik ihes egiteko eta gidari-kolektiboaren segurtasunaren eta profesionalizazioaren alde egiteko".
Ekainaren 29an eta uztailaren 1ean ere errepikatuko dituzte lanuzteak (07:00ak eta 09:00ak bitarte, eta 19:00ak eta 21:00ak bitarte); baita uztailaren 7an, 8an, eta 9an ere (19:00etatik 21:00ak arte); eta uztailaren 13an zein 15ean (07:00etatik 09:00etara eta 19:00etatik 21:00etara).
Atzo, Jose Javier Bleda Semaf Trenbide Autonomikoen idazkariak adierazpen batean salatu zuenez, "egonezin handia dago Metro Bilbaoko makinisten artean. Alde batetik, enpresak hirugarren munduko neurriak ezarri nahi ditu, esate baterako, edozein unetan makinista ez den pertsona batek tren bat gidatzea, plantilla murrizketa ekarri duen kudeaketa txarra arintzeko". "Aire-esparruan, hegazkineratzeak egiten dituen langile bati bat-batean hegazkina eramateko eskatuko baliote bezala da, piloturik ez dutelako", ohartarazi zuen.
Beste alde batetik, konpainiari egotzi zion "hurrengo hitzarmena behar bezalako oinarririk gabe ixten saiatzen" ari dela. "Izan ere, beste konpainiei atsegin ematen jarrai dezakete prebendekin, baina makinistok eskatu ditugun neurririk eman ezean, protestak denboran luzatuko dira".
Ezarritako Zerbitzu Minimoak errespetatuz ari dira makinistak grebarako oinarrizko eskubidea gauzatzen, erabiltzaileek trenez lekualdatzen jarraitzeko aukera izan dezaten, lanuzte egun batek ekar ditzakeen eragozpenekin bada ere, sindikatuak baietsi zuenez.
Dena den, "enpresaren jardunbide desegoki zehatzei" buruzko informazioa biltzen ari da Semaf; izan ere, Metro Bilbao "grebaren jarraipena eta horren ondorioak disimulatzera bideratuta dago, zerbitzu minimoen agindua faltsutuz".
Sindikatuaren aburuz, enpresak "zentzuz jokatu behar du, eta araudian neurri berriak jaso, kolektiboaren profesionalizaziorako, horren arduren aintzatespenerako eta makinisten eskuduntzak, eskubideak eta betebeharrak definitzeko".
Albiste gehiago ekonomia
Villavesetako langileek greban jarraitzearen alde egin dute, oso bozketa estu batean
Garraio publikoko langileen % 50,6k egin dute grebaren alde; sei botoko aldeagatik gailendu da aukera hori. TCC enpresak ohartarazi du ez duela negoziatuko lanuztea bertan behera utzi arte.
Mondragon Korporazioko Diknua kooperatibak 1,5 milioi ordaindu ditu Ternuagatik eta 56 lanpostu mantenduko ditu
Donostiako Merkataritza arloko 1 zenbakiko Epaitegiak konpainiaren 56 enpleguak Euskadin mantentzea ekarriko duen operazioa baimendu du, "lan-baldintzak eta antzinatasuna errespetatuz".
Honelakoa da Internet bidezko iruzurren aurkako banku-egiaztapen berria
Hemendik aurrera, hartzailearen izena eta IBAN kodea bat ez badatoz, erabiltzaileari jakinaraziko dio bankuak, transferentzia bidezko iruzurrak errotik mozteko.
Estatuan, EAEn sortu dira abuztuan enpresa berri gehien, % 24,1eko hazkundearekin
Guztira, 201 enpresa sortu dira Euskal Autonomia Erkidegoan, eta 9,7 milioi euroko kapitala izenpetu dute. Sozietate mugatu gisa sortu dira guztiak.
SAPA Transmission konpainia gipuzkoarrak AEBko Armadaren ibilgailu blindatuen transmisio sistema egingo du
2025-2030 Plan Estrategikoaren arabera, konpainiak partaidetza handia izango du kontratuetan, eta 7.000 unitate egingo ditu datozen urteetan.
Gaur amaituko da Sabadelleko akziodunek BBVAren eskaintza onartu ala ez erabakitzeko epea
Epea amaitu baino ordu batzuk lehenago, Cesar Gonzalez Bueno Banco Sabadelleko kontseilari delegatuak ziurtatu du BBVAk eman dituen datuak "boluntaristak" direla. BBVAren esanetan, Sabadelleko akzioen % 50 trukatu dituzte, baina Sabadellek esan du ez direla % 30era heldu.
"Iaz, azoka egin eta hilabetera, enpresen % 35ek esan ziguten kontratazioak edo elkarrizketak izaten ari zirela"
Donostian, Enplegu Azoka egiten ari dira, Gipuzkoako Merkataritza Ganberaren eskutik. Gipuzkoako Ganberako Ezagutzaren Kudeaketa Arloko zuzendari Ana Ugalderen hitzetan, azoka aukera "zoragarria" da langabetuentzat zein ibilbide profesionala aldatu nahi dutenentzat, eta azokan bertan lana topatzeko aukerak daudela erantsi du.
LABek eta Steilasek egun osoko lanuzteari eutsi diote urriaren 15ean, Gazako genozidioa salatzeko
Gasteizen agerraldia egin dute LAB eta Steilas sindikatuetako ordezkariek, urriaren 15ean Hezkuntzan deituta duten egun osoko lanuzteari eusten diotela azaltzeko. Hezkuntzako komunitatea osatzen duten kide guztiei dei egin diete herri eta hirietan egingo diren mobilizazioetan parte hartu eta Palestinari babesa adierazteko. EAEko hiru hiriburuetan 12:30ean egingo dira manifestazioak.
Oronak lantegi berri bat eraikitzeko 60 milioi euroko inbertsioa egingo du Hernaniko lurretan
Orona enpresak 60.000 metro koadroko lur-eremua erosi duela iragarri du, igogailuen sektorean ariko diren 150 lanpostu sortzeko helburuz.
Ryanairrek txalotu egin du eskuko ekipajearen espedientea, eta Kontsumok “airelineak defendatzea” leporatu dio EBri
Europako Batzordeak zalantzan jarri ditu Espainiako Gobernuak kostu txikiko hegaldien bost konpainiari ezarritako 179 milioiko zigorrak; kontsumitzaileek eta Bustinduy ministroak, berriz, Bruselaren “menpekotasuna” salatu dute aireko sektorearen presioen aurrean.