1.710 langabe gutxiago zenbatu dira ekainean Euskadin eta 713 Nafarroan
1.710 langabe gutxiago zenbatu dira Euskadin (% 1,51 gutxiago) eta 713 Nafarroan (-% 1,51) aurreko hilabetean, maiatzeko datuekin alderatuta.
Hala, Lan eta Gizarte Ekonomiako Ministerioak emandako datuen arabera, EAEn lan bila dauden pertsona kopurua 111.642koa da, eta 31.349 herritar daude egoera horretan Nafarroan.
Lurralde Historikoei dagokienez, Gipuzkoa da langabe kopuruak beherakada handiena izan duen lurraldea, 834 pertsona gutxiagorekin. Ondoren, Bizkaian, 804 langabe gutxiago zenbatu dira eta, 72, Araban.
Iazko epe berarekin alderatuta, Euskadiko langabe kopuruak % 8,76 egin du behera (% 1,51 aurreko hilabetearekin erkatuta). Foru Erkidegoan, aldiz, beherakada handiagoa izan da proportzioan, % 13,56koa izan da eta.
Alfonso Gurpegui Enplegu eta Gizarteratzeko sailburuordeak, ekaineko datuak ezagutu ostean, adierazi duenez, "azken hilabeteetan egonkortutako murrizketa homogeneoak bere horretan jarraitu du, baina egia da intentsitatea ezberdina izan duela".
Hala, Jaurlaritzatik bi irakurketa egin dituzte, batetik, Gurperguiren esanetan, "enpresek kontratuak egiten jarraitzen dute, besteak beste, enpresek etorkizunerako inbertsio garrantzitsuak iragarri dituztelako, baita haien jarduera bermatuko duten eskari garrantzitsuak ere" eta, bigarrenik, pandemiak eragindako krisialdian iragarritako aurreikuspen ekonomikoak "ez dira bete. Konfiantza nagusi izan da, eta aurreikuspenak gailendu ditu".
Bestalde, Gurpeguik erantsi duenez, "enplegu berriak sortu diren heinean, DSBE jasotzen duten pertsona kopuruak behera egin du. Lanbidek eskubide horren kudeaketa bere gain hartu zuenetik lehen aldiz, errenta hori jasotzen duten pertsona kopurua 50.000tik behera kokatu da, alegia, 49.472".
Nafarroako Gobernuak, bestalde, ohar baten bidez nabarmendu duenaren arabera, lurraldeak "inoizko enplegu mailarik altuena" gainditu du ekainean, eta "inoizko kontratu mugagabe kopururik handiena" erregistratu du.
Foru Gobernuaren hitzetan, "ekaineko datuen balorazioa positiboa da, are gehiago kontuan hartuta gaur egun nagusi den ziurgabetasuna, Ukrainako gerrak eta prezioen igoerak eraginda".
Langabe kopurua 2,9 milioitik behera, 2008tik lehen aldiz
Estatuan, oro har, 42.409 pertsona gutxiago zenbatu dira lan bila ekainean. Horrela, autonomia erkidego guztietako langabe kopuru orokorra 2,9 milioitik behera kokatu da, 2008ko urritik lehen aldiz.
Gainera, laugarren hilabetea da jarraian behera egiten duela.
Zure interesekoa izan daiteke
Lekeitioko arrantzale bat hil da Senegalgo uretan
Bermeoko ATUNSA enpresako langilea zen. LAB sindikatuaren esanetan, "heriotza ez traumatiko" gisa sailkatu dute, eta enpresa horretan aurten izan den bigarren heriotza ez traumatikoa izan dela salatu du.
Pakistandarrak lanean esplotatzeagatik ikertutako hiru pertsonak aske utzi dituzte, Espainiatik irtetea galarazita
Ikertuek epailearen aurrean ez deklaratzeko eskubideari heldu diote, eta epaileak pasaportea kentzea eta hileko lehenengo egunean eta hamabosgarrenean epaitegian agertzea agindu du.
A-15 autobidea osorik zabalduko dute igandean, tunelak egokitzeko lanak guztiz amaitu ostean
Asteburuan behin-behineko seinaleak eta obrako gainerako elementuak kenduko dira eta, lanak bukatzeko, Andoain eta Berastegi artean itxita egongo da errepidea, ostiral gauetik igandera bitarte.
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan, Bilboko egoitzan. Erakundeetako eta enpresa munduko ordezkariak bildu ditu ekitaldiak, eta konpainiaren historia gogora ekarri dute. "Argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolaren presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.